Iruka 12:4 - Sateré-Mawé

⁴ Uiwyriaꞌin miitꞌin miat eiꞌauka hap pupi yt eweikenꞌẽ teiꞌo katupono eipiit auka hawyi yt kat i raꞌyn poꞌog taꞌatunug kuap ehete eiꞌauka hawyi.

Iruka 12:4 ပူးပေါင်းရင်းမြစ်များ

Mateu 10:28

Iꞌewyte yt eweikenꞌẽ teiꞌo eiꞌauka hap pupi katupono aipiit taꞌatuꞌauka wen maꞌato ahaꞌum yt taꞌatuꞌauka kuap i. Maꞌato waku watokenꞌẽ Tupana pupi katupono miꞌi ti imoma kuap yne torannia ahaꞌum iꞌewyte aipiit.

Iuwãu 15:13

Pyno wẽtup ok aiwy ete poityꞌi niatpo hawyi watuwat raꞌyn ipowyro hamo aiwy kyꞌe kahato pote e. Pyno wẽtup ok tuweꞌauka towy ehakyeraꞌat hamo pote toikyꞌe kahato hap toimoherep e. Katupono yt kat i poꞌog miꞌi hap kai wẽtup ok ikuꞌuro towy ehakyeraꞌat hamo hap oktan ikuꞌuro raꞌyn towy ehakyeraꞌat hamo.

Iesui Potmuꞌeria 20:24

Maꞌato yt arekenꞌẽ hin i uikuꞌuro hap pupi katupono atunug yne teran kat kat som motpap Aikaꞌiwat Iesui miium uhepiat uipoꞌoro hap koꞌi. Miꞌi ti tutum sehay wakuap aikyꞌe Tupana piat hap uimienoi wuat. Miꞌi pote ti atunug yne teran e Pauru.

Iesui Potmuꞌeria 4:13

Miꞌi hawyi morekuaria itotiaria teꞌeroꞌe toꞌope -Kat pote som aipupi yt teꞌerokenꞌẽ hin i Peteru Iuwãu iꞌatuꞌe. Yt karãpe i ti miꞌiria teꞌerupotmuꞌe kahato woꞌomuꞌe hap wato sese puo. Aiꞌewy wen maꞌato miꞌi pykai iꞌatuehay kuap kahato rakaria ewy. Pira pytyk haria miꞌiria miitꞌin eropat haria yn miꞌiria maꞌato iꞌatuehay poꞌog ikahu woꞌomuꞌe haria akag koꞌi kai iꞌatuꞌe toꞌope nagnia. Uwe pyno iꞌatumuꞌe mio tã e hap nug hamo iꞌatuꞌe toꞌope. Teꞌeruwanetup hawyi -Taꞌi Iesui tiꞌatumuꞌe miꞌiria haꞌawytepyi tomikuap koꞌi ete. Miꞌi pote mesup Taꞌatukaꞌiwat Iesui ewy kahato taꞌatunug iꞌatuꞌe toꞌope.

Wiripu 1:28

Yt erahaꞌat teiꞌo yi kape ewanikaptia pupi. Eweikupteꞌen wanikaptia pyꞌasetpe pote surara ewywuat ereineꞌen yt kat i eha yi kape. Miꞌi hawyi meremo taꞌatukuap -Taꞌi miꞌiria ti Tupana mowato haria iꞌatuꞌe. Miꞌiria poꞌog urukai iꞌatuꞌe taꞌatuwanetup hawe teꞌerokenꞌẽ haype. Iꞌewyte eipe ti eweikuap taꞌyn Tupana toineꞌen eiwywo eipowyro hamo. Eweikuap taꞌyn Iesui ehehakyeraꞌat hat sese topyhuꞌat.

Tiaku 2:23

Aikotã Tupana toꞌe saꞌawyꞌi hap ewy -Uiwy kahato ti en Aparãu e. Uimohey hat sese ti en e. Hãpyk kahato rakat en uiwanetup hawe uiwy e Tupana tope.

1 Peteru 3:14

Uiwyriaꞌin karãpe mesuwarotiaria yt iꞌatuwese i kahato ahete waku nug haria aito pote waku watuwemowepiit mesuwarote. Yt naku i watokenꞌẽ iꞌatupupi. Yt naku i aiwanetup hap kowoꞌi kowoꞌi miꞌiria pupi.

Iesui Aru E Hap 2:10

Yt eweikenꞌẽ teiꞌo ahiag mupi e katupono miꞌiria ahiag motypot haria eiꞌatuiãꞌãg aru eimosoꞌopot ehepiat imohey hap saꞌag hamo ehepiat uimohey hap moweityk hap kyewi. Maꞌato yt eweitoiat reiꞌo ehepiat uimohey hap ehãꞌãg hap upi 10 eꞌat hap ewy ewehoꞌopot uimohey hap waure hamo. Eweipyhuꞌat ro uimohey hap mywo eikuꞌuro hap eꞌat kape pote eheineꞌen hap sese ikahu rakat wuatꞌi eꞌat piat atum ehepe aru e. Yt kat i saꞌag atipuẽti eikai e. Miꞌi hawyi worohoꞌopainug morekuaria wo uimimotypot wuatꞌi eꞌat piaria wo raꞌyn uimohey haria sese eweikupteꞌen mote areꞌe ehepe tawa Simina totiaria pe e uhepe uimiwan nug hamuat tawa Simina piaria pe.