Iruka 12:30 - Sateré-Mawé

³⁰ Taꞌi yt Tupana mohey haria i mekewat koꞌi koꞌi kape yn teꞌeruwanetup aat kaꞌap teꞌerokenꞌẽ hap wywo. Maꞌato Tupana tikuap kahato kat koꞌi kat koꞌi waku eheineꞌen hamuat hap etiat e.

Iruka 12:30 ပူးပေါင်းရင်းမြစ်များ

Mateu 10:20

Katupono ti aru ehereto raꞌyn hap eꞌat pe ti aru yt eiwat sehay hin i tuwẽtem eiwẽ pyi maꞌato aiꞌywot atipy piat paꞌãu kaipyi ti aru tuwẽtem eiwẽ pyi ehehay.

Mateu 18:14

Miꞌi hap ewy kahato ti uiꞌywot atipy piat yt toikyꞌesat i wẽtup ok hirokat howosat rakat topyhuꞌat.

Mateu 5:47

Iꞌewyte ti waku watuwẽpowat wuatꞌi miitꞌin kape yt naku i watuwẽpowat aiwyriaꞌin sese kape yn katupono mesuwarotiaria yt kat kuap i haria tiꞌatukyꞌe ti taꞌatupyꞌasetpe haria yn. Maꞌato miꞌi haria ewywuaria neꞌi watunug pote yt watuwẽpowat i iraniaꞌin kape.

Mateu 6:1

Miꞌi hawyi poꞌog Iesui toꞌe miitꞌin sem me yityꞌok tote -Uiwyriaꞌin e pyno yt naku i kahato eiwemotypot Tupana potpap ewetunug turan e. Yt naku i kahato miitꞌin ehamo miitꞌin miat eimotypot hamo neꞌi ewetunug Tupana potpap e. Maꞌato eimotypot miitꞌin kaipywiat hap yn eweikat pote yt kat i eimotypot hap sese eweipuẽti Aiꞌywot atipy piat kaipywiat e.

Mateu 6:32

Katupono iraniaꞌin yt Tupana mohey i haria ti miꞌi koꞌi kape yn teꞌeruwanetup. Pyno yt naku i miꞌiria ewywuaria eweikupteꞌen katupono ti Aiꞌywot atipy piat tikuap kahato yne kat koꞌi kat koꞌi eipo pe yt kat i eimikyꞌesat koꞌi. Eikawiatno hat eipowyro hatno toineꞌen e.

Mateu 6:8

Waku ahehay Tupana wywo wen maꞌato ti yt naku i hupi te i hupi te i wahuꞌat wahuꞌat sehay Tupana kape are katupono mio tã ehehay Tupana wywo pote iraniaꞌin yt uimohey i haria ewywuat eweikupteꞌen e. Pywo pe ti Aiꞌywot atipy piat tikuap kahato aimiẽtup tewowiat wahẽtup hap eꞌyian mete toikuap taꞌyn kat koꞌi kat koꞌi aimiẽtup koꞌi toikuap. Toikuap sakpo aimikyꞌesat sese koꞌi katupono hewaure kaꞌa kahato ahehay kape aiwanetup hap yt wahẽtup i te pykai e.

Iruka 12:29

Miꞌi tupono yt naku i eweiwanetup koꞌi koꞌi yt kat i Tupana mohey hap wywo. Yt naku i eimiꞌu etiat ehesokpe etiat eweiwanetup aat kaꞌap.

Iruka 12:31

Yt atikyꞌesat i eipe mesuwarotiaria wanetup hap ewy eweikupteꞌen. Maꞌato atikyꞌesat eweikat kahato aikotã waku miitꞌin muꞌe Tupana etiat hamuat hap kape aikotã Tupana topyhuꞌat Wuatꞌi Ywania Porekuat nuat hap kape are e.

Iruka 12:32

Miꞌi hawyi Iesui toꞌe tomohey haria pe -Uihũria koꞌi ewywuat no eipe are e. Yt typyꞌi kahato i eipe maꞌato yt eweikenꞌẽ teiꞌo katupono Tupana einug neran morekuaria wo karãpe Tupana topyhuꞌat Wuatꞌi Miitꞌin Morekuat nuat hap eꞌat pe e.

Iuwãu 20:17

Miꞌi hawyi Iesui toꞌe -Epohep o uipy ete pyi mana katupono waku saꞌawyꞌi araꞌaipok Uiꞌywot kape e. Miꞌi hawyi maꞌato mohenoi ro uhehay e mio wyti koitywy araꞌam irane raꞌyn Uiꞌywot kape e. Miꞌi pote mohenoi ro uhehay Uipotmuꞌeria pe -Koitywy araꞌam irane raꞌyn Uiꞌywot uheTupana kape. Iꞌewyte eiꞌywot eheTupana kape ereꞌe ro uiꞌe hap uheꞌywytꞌin me mana e.

Ewesu 4:17

Pyno worohoꞌomuꞌe teran Aikaꞌiwat Iesui ehay ete. Eweꞌeg wo o eiminug saꞌag koꞌi eimikyꞌesat saꞌawyꞌi eheko saꞌawyꞌi wuat pupi are. Yt imohey i te turan wuat saꞌag nug hap ete yt aiweꞌeg hin i saꞌawyꞌi wuat aiminug saꞌag koꞌi kai -Eweiꞌatoiat ro miꞌi koꞌi e Tupana pykai. Uiwyriaꞌin yt naku i watuwanetup poꞌog aikotã yt imohey i haria wanetup hap ewy neꞌi katupono miꞌiria yt naku i nug hap yn iꞌatuwanetup hawe. -Uito poꞌog poꞌog torannia kai iꞌatuꞌe taꞌatuwanetup hawe. Yt paa iꞌatuꞌe hin i taꞌatuminug yt naku i hawyi. Miꞌi tã iꞌewyte aito saꞌawyꞌi maꞌato mesup waku watuwenapin miꞌi e hap pun hamuat e.

1 Tesaronika 4:5

Maꞌato iraniaꞌin yt Tupana kuap i haria ti iꞌatuewaire ewaire hap yn taꞌatunug. Maꞌato aito ti yt toikyꞌesat hin i miꞌiria ewywuat aheineꞌen hap.