Iruka 12:18 - Sateré-Mawé

¹⁸ Miꞌi hawyi toꞌe tuwepe -Pyno atikuap taꞌyn aikotã waku atunug. Mekewat uimiꞌu iꞌapykok hap potꞌi atipugha hawyi wẽtup poꞌog iwato rakat atunug yne uimiterek hap koꞌi apykok hamo e tuwepe.

Iruka 12:18 ပူးပေါင်းရင်းမြစ်များ

Mateu 6:26

Pyno apo aipiit apo poꞌog waku ehesokpe koꞌi kai. Eiwehaꞌat ro weitaria ewowi. Miꞌiria ti yt karãpe i koi iꞌatuꞌe. Miꞌi pote yt taꞌatupirik kuap taꞌatumiꞌu taꞌatuko kaipyi. Yt kat i iꞌatuꞌyat iꞌatumiꞌu eiam maꞌato Tupana miꞌatupoi tukupteꞌen. Pywo pe ti uiwyriaꞌin eiperia ti poꞌog Tupana wanetup hawe weitaria kai. Miꞌi tupono ti ehewowi poꞌog aiꞌywot atipy piat tuwanetup weitaria ewowiat hap kai.

Iruka 12:17

Miꞌi hawyi so tuwanetup -Aikotã som atunug uimiterek koꞌi wywo. Uheꞌyat iꞌapykok hamo yt pytꞌok e i iwato pote.

Iruka 12:19

Miꞌi hawyi ti aru uimowepiit hap toineꞌen katupono uimiꞌu iwato hawyi karania anu waku aremohy. Uimiꞌu iwato kahato toineꞌen uikai pote waku arenuk yn aremahy u yn. Waku uimowepiit hap yn e so tuwepe towanetup hawe e.

Iruka 12:21

Mio tã e hãꞌãkap wuo tohenoi hawyi toꞌe itotiaria pe tomimuꞌeria pe -Miꞌi ewywuat teꞌeropyhuꞌat mesuwarotiaria taꞌatuekareꞌen etiat yn wehum haria e. Miꞌiria yt hekat rakaria i Tupana wanetup hawe e.

Iruka 12:24

Eiwehaꞌat ro weitaria koꞌi kape e. Yt teꞌeruwemiꞌu koi kuap i wen maꞌato Tupana tiꞌatupoi kahato weitaria koꞌi are e. Iꞌewyte yt taꞌatuereko i iꞌatumiꞌu koꞌi eiperia ewy maꞌato Tupana tiꞌatupoi kahato weitaria koꞌi yne eꞌat pe. Pyno eiperia ti poꞌog poꞌog Tupana miꞌatukyꞌe koꞌi torannia weitaria koꞌi kai are.

Iruka 18:4

Maꞌato so mekewat uwe waku uwe yt e hat yt tuwanetup hin hiwu kape. Maꞌato yt ipohep hin I hẽtup hamo. Aat kaꞌap tohẽtup tope ipowyro hamuat hap. Yt ipowyro teran hin I pykai wẽtup eꞌat pe toꞌe tuwepe. -Are paĩ e yt arekenꞌẽ i Tupana pupi e. Iꞌewyte iraniaꞌin mupi yt arekenꞌẽ hin i maꞌato mesuwat hiwu uimosero kahato raꞌyn e.

Iruka 18:6

-Pyno eiwewanetup to mekewat hiwu miẽtup uhehay iãꞌãkap Miꞌi hawyi Iesui toꞌe -Eiwewanetup to mekewat uwe waku uwe waku ehay kape e.

Tiaku 3:15

Karapeĩ watuꞌuka aiwoꞌope Tupana piat aimuꞌe hap kaipyi miꞌi pote yt weꞌeg hin haria wo i watopyhuꞌat. Karãpe watoꞌoehayꞌywyi aiwoꞌope watopyhuꞌat iraniaꞌin yt imohey i haria ewy neꞌi. Aikotã ahiag potmuꞌeria ewy watoineꞌen. Aikotã taꞌatumikyꞌesat yn nug haria ewy watopyhuꞌat. Yt naku i kahato watuꞌuka aiwoꞌope Tupana piat aimuꞌe hap kaipyi. Miꞌi tã watunug mote yt karãpe i Tupana mimuꞌeria watopyhuꞌat maꞌato ahiag potmuꞌeria watoineꞌen.

Tiaku 4:13

Waku aiweꞌeg wo kahato ahehay pupi -Uimikyꞌesat yn atunug neran e hap pupi -Pyno mukiꞌite uimikyꞌesat ewy uiwepyi areto wẽtup tawa kape hawyi itote areineꞌen motꞌi hawyi itote atunug uiko iwatoꞌin nakat uimikyꞌesat oktan hawyi uhekat kahato raꞌyn areineꞌen itote aiꞌe hap pupi waku aiweꞌeg wo. -Pywo ti rat uiꞌe hap ewy atunug aru uimikyꞌesat oktan hawyi uiwepyi arepotpap kahato itote hawyi atiꞌatunug iwato kahato uhekat koꞌi hawyi areineꞌen hekat kahato rakatno itote uito. Taꞌi uimikyꞌesat ewy yn aru atiꞌatunug e hap pupi waku aiweꞌeg wo uiwyriaꞌin.

Tiaku 4:15

Miꞌi pote poꞌog waku watoꞌe aipyꞌa pe -Tupana atunug neran emikyꞌesat ewy poꞌog waku watoꞌe. Tupana etum uhepe ehesaika hap uipowyro hamuat. Miꞌi pote ti aru areto motpap nug hamo poꞌog waku watoꞌe aipyꞌa pe.