Iruka 11:47 - Sateré-Mawé

⁴⁷ Yt nakuaria i kahato eiperia katupono saꞌawyꞌi wuaria Tupana mipoꞌoro tehay moherep haria eheꞌaseꞌiꞌin miꞌauka haria wo teꞌeropyhuꞌat. Maꞌato mio raꞌyn eiperia etiꞌatumokahu kahato saꞌawyꞌi wuaria eheꞌaseꞌiꞌin miꞌauka haria woꞌosyp hawe. Yt eiwemoti hin i ehaꞌaseꞌiꞌin minug hap upi.

Iruka 11:47 ပူးပေါင်းရင်းမြစ်များ

Mateu 23:27

Pyno eiperia miitꞌin woꞌomuꞌe haria iꞌewyte Tupana ehay moherep hanuaria typy hẽku rakaria eweikupteꞌen aikotã miitꞌin woꞌosyp hawe katupono woꞌosyp hawe eweipen hawyi watehaꞌat hawyi ikytsig kahato teꞌeropyhuꞌat. Maꞌato hãꞌũmpype nem yn. Ikuꞌuro rakaria kag koꞌi yn topyhuꞌat. Yt ikahu hin i ipuo.

Iruka 11:48

Pywo eweikuap taꞌyn kahato aikotã saꞌawyꞌi wuaria Tupana mipoꞌororia ehaꞌaseꞌiꞌin miꞌatuꞌuka koꞌi wo teꞌeropyhuꞌat. Maꞌato eiperia yt eiwemoti hin i katupono mio raꞌyn ewetunug woꞌosyp hawiat ikahu rakaria iꞌatumotypot hamuat.

Iesui Potmuꞌeria 7:51

Uiꞌywania e saꞌawyꞌi te pyi ahaꞌaseꞌiꞌin tuꞌuka kahato Tupana mikyꞌesat nug hap ete e. Koitywy miꞌiria ewywuaria eweikupteꞌen eiperia e. Taꞌi ahaꞌaseꞌiꞌin ewywuaria kahato eweikupteꞌen e. Taꞌi eipyꞌa heg kahato aikotã aiꞌywania saꞌawyꞌi wuaria ewy sese eweikupteꞌen e. Tupana Paꞌãu mikyꞌesat koꞌi yt ewetunug hin i eiperia e. Ipyꞌahak sese rakaria wo eweikupteꞌen Tupana piat eikyꞌe hap ete e. Taꞌi ewehoꞌoꞌokenhyp kahato wyti ehewaure kaꞌa koꞌi Tupana ehay kape e. Aikotã aiꞌywania nimuaria ewy kahato ti ewetunug yt naku i saꞌag kahato Tupana mipoꞌoro koꞌi ete e. Taꞌi Tupana mipoꞌororia yne auka haria ti eipe eiꞌywotꞌin pot koꞌi ewy e.

1 Tesaronika 2:15

Nimo Iuteuria tuꞌuka Tupana potpoꞌororia tehay moherep haria. Miꞌi hawyi Aikaꞌiwat Iesui taꞌatuꞌauka raꞌyn wy. Miꞌi pote koitywy aiꞌauka teran miꞌiria. Yt Tupana mowepiit hap hin i te taꞌatunug ahete. Iꞌewyte yne ahewanikaptia wo tukupteꞌen miꞌiria Iuteuria.