Iruka 11:26 - Sateré-Mawé

²⁶ Miꞌi hawyi ahiag saꞌag toꞌe towyriaꞌin ahiagnia pe -Toꞌiro watuwehytꞌok meiũwat miit piit pe e 7 ok takaria pe towyriaꞌin ahiagnia saꞌag koꞌi pe. Miꞌi hawyi tuwehytꞌok ahiagnia 8 ok takaria tukupteꞌen mekewat piit pe e. Miꞌi hawyi mekewat miit poꞌog hesoꞌok takat topyhuꞌat saꞌawyꞌi wuat kai wẽtup yn toineꞌen ipiit pe turan e Iesui tehay pun haria pe.

Iruka 11:26 ပူးပေါင်းရင်းမြစ်များ

Mateu 12:45

Tehaꞌat hawyi taꞌaipok towyriaꞌin wẽka hamo hawyi toterepoꞌok 7 maꞌãu saꞌag koꞌi poꞌog naꞌyn yt naku i saꞌawyꞌi wuat kai hawyi tukupteꞌen itote raꞌyn. Miꞌi hap kaipyi ti aru mekewat miit ete poꞌog naꞌyn yt naku i hap topyhuꞌat saꞌawyꞌi wuat heineꞌen hap kai. Miꞌi tã ti tuwemoherep koran wuaria miitꞌin yt nakuaria i ete.

Mateu 23:15

Taꞌi Tupana miꞌapiheg wuatꞌi eꞌat piaria ti eipe katupono typy hẽku rakaria woꞌomuꞌe haria mienoi kuap haria heso rakaria eipe pote e. Taꞌi eikohyewyry kahato ti miitꞌin muꞌe hamo. Ysakpo iꞌewyte yi upi yne muap upi eweikat kahato wẽtup miit wẽtup miit ehay upiat myhuꞌat hat wyti e. Miꞌi hawyi eimimuꞌe haria teꞌeropyhuꞌat poꞌog poꞌog naꞌyn saꞌag saꞌawyꞌi wuat yt ehehay kuap i te turanuat kai e. Miꞌi hawyi miꞌiria eimimuꞌe hap kaipyi poꞌog poꞌog eikai Tupana miꞌapiheg haria wo teꞌeropyhuꞌat e Iesui typy sehay upi enoi haria pe.

Iruka 11:25

Miꞌi hawyi tuut i raꞌyn miit saꞌawyꞌi te wuat toineꞌen hap kape. Miꞌi hawyi waku kahato toipuẽti mekewat miit piit aikotã aiꞌyat wahywytip rakirẽ hap ipainug hap ewy raꞌyn toipuẽti.

Iruka 11:27

Mio tã toꞌe hawyi wẽtup ok haryporia miitꞌin tok pyi toꞌe Iesui pe tehay pirik hap -Mimi e waku kahato ety toineꞌen e katupono ety wo toineꞌen epoi temi wuat hat pote emotag hat pote e.

Iuwãu 5:14

Meiũran tomimoehãite Iesui tipuẽti Tupana motypot yat pe i raꞌyn. Miꞌi hawyi toꞌe tope -Eweꞌeg wo uhyt saꞌawyꞌi wuat eminug saꞌag. Yt etunug i raꞌyn maꞌato etunug ne pote ti aru meiũran poꞌog saꞌag topyhuꞌat ekai eꞌahuu saꞌawyꞌi wuat kai e.

1 Iuwãu 5:16

Uiwyriaꞌin karãpe wẽtup ok aiwyriaꞌin Aipotypot Iesui mohey hat yt naku i nug hat pote waku watoꞌe Tupana pe -Waku waure wo ereineꞌen aiwy minug saꞌag ete waku watoꞌe. Etihep aiwy iminug saꞌag myi watoꞌe katupono yt tuwepyi hin i tutunug saꞌag waku watoꞌe. Emohey te maꞌato yt hesaika kahato i te yt naku i nug hap akit hamo waku watoꞌe Tupana pe. Toineꞌen mekewat saꞌag nug hat sese emohey hap pun hat maꞌato miꞌi hawyi yt tutunug i miꞌi pote waku waure wo ereineꞌen aiwy minug saꞌag koꞌi kai waku watoꞌe Tupana pe. Mio tã watoꞌe pote meremo Tupana topyhuꞌat waure wo iꞌewyte tutum aiwy pe imoehãite hap imoesaika hamo are uiwyriaꞌin. Maꞌato karãpe wẽtup ok Iesui mohey hat topyhuꞌat ipyꞌahak Tupana ete Iesui ete ahete iꞌewyte -Yt atimohey i te Iesui e mio tã toꞌe haype yt imohey i hat ewy tutunug tuwepyi. Miꞌi hawyi Tupana ipyꞌahak kahato topyhuꞌat miꞌi hat ete. Yt kan hamo i watoꞌe Tupana pe -Waure wo ereineꞌen aiwy minug saꞌag kai katupono tuwepyi i ipyꞌahak toineꞌen Tupana ete watoꞌe.