Iruka 11:10 - Sateré-Mawé

¹⁰ Katupono hẽtup haria iꞌatumiẽtup putꞌok e iꞌatuepe. Mekewaria iꞌatumikyꞌesat kat haria taꞌatupuẽti raꞌyn. Iꞌewyte okenꞌypy ete gupteꞌen haria teg teg e haria kape iꞌokenhypꞌok taꞌyn.

Iruka 11:10 ပူးပေါင်းရင်းမြစ်များ

Mateu 5:42

-Karãpe wẽtup ok hẽtup ehekareꞌen koꞌi miꞌi pote waku ewetum imikyꞌesat ewy Iꞌewyte karãpe wẽtup ok tipuru ehekat pote waku eweipuru tope e.

Mateu 7:8

Katupono uwe uwe hẽtup Tupana kape miꞌi ti tomiẽtup ipuẽti kuap Tupana kaipyi. Iꞌewyte ereineꞌen okenꞌypyhyp tote teg teg ere emikyꞌesat ẽtup hamo pote Tupana hoꞌokenhypꞌok toekenꞌypy emikyꞌesat ium hamo.

Iruka 11:11

Miꞌi hawyi poꞌog Iesui henoi iãꞌãkap wuo -Wẽtup ok haꞌyru hẽtup man toꞌywot kaipyi pote toꞌywot yt karãpe i nu tutum tosaꞌyru pe. Sio pira toikyꞌesat toꞌywot yt karãpe i moĩ tutum tosaꞌyru pe.

Iruka 11:9

Miꞌi Iesui toꞌe i -Waku ehẽtup hẽtup Tupana kape eimikyꞌesat ewy hawyi putꞌok e ehepe emikyꞌesat ewy. Iꞌewyte eweikat ikaipyi eimikyꞌesat ewy hawyi eweipuẽti raꞌyn. Pywo eweikupteꞌen aikotã okenꞌypy ete teg teg eweiꞌe hamo hap ewy waku putꞌok eweiꞌe Tupana ete eimikyꞌesat ewy puẽti hamo e.

Iruka 18:1

Miꞌi hawyi poꞌog Iesui henoi tehay iãꞌãkap wuo -Uiwyriaꞌin e waku ahehay kahato Tupana kape e. Waku yt aipohep hin i Tupana wywo eiwoꞌoehay hamo e. Pyno ahenoi teran uhehay hãꞌãkap wuo aikotã waku wahenoi Tupana kapiat koꞌi hap etiat e.

Tiaku 4:3

Miꞌi hawyi aimikyꞌesat Tupana pe wahẽtup tuereto wen maꞌato yt tutum i aimiẽtup katupono yt tomikyꞌesat ewy i wahẽtup pote. Aimikyꞌesat ewy saꞌag neꞌi wywo yn wahẽtup wote aimowepiit hamuat kape yn wahẽtup pote yt tutum kuap i aimiẽtup.

Tiaku 5:11

Miꞌiria saꞌawyꞌi tokokaꞌat raꞌyn hoꞌopot hap sakpo. Miꞌi tupono koitywy Tupana miꞌatuewaku koꞌi wo tukupteꞌen eimiꞌatumotypot no raꞌyn tukupteꞌen. Watikuap taꞌyn ti aikotã nimo ahaꞌaseꞌi Io hoꞌopot potꞌi kahato hap maꞌato yt toiwaure hin i Tupana mohey tepiat hap. Imohey motꞌi hap poꞌog iwato hoꞌopot hap kai. Miꞌi pote hoꞌopot kahato hap sakpo tokosap aseꞌi Io. Miꞌi pote Tupana mipoitynug wo raꞌyn topyhuꞌat. Uiwyriaꞌin Tupana tikuap kahato ahepiat hoꞌopot hap. Taꞌi Aikaꞌiwat aikyꞌe kahato tohatyꞌu kahato ahepiat hoꞌopot hap.