Iruka 11:1 - Sateré-Mawé

¹ Wẽtup eꞌat pe Iesui toto tehay teran Tupana wywuat hamo. Miꞌi hawyi ihay kahato Toꞌywot wywo hawyi wẽtup ok ipotmuꞌe hẽtup Iesui pe -Uruporekuat urumuꞌe ro En Tupana kapiat Tupana wywuat uruehay hamuat hap ete e. Aikotã ahetꞌok hat Iuwãu tiꞌatumuꞌe topotmuꞌeria hap ewy e katupono uruikyꞌesat En ewywuat uruehay Tupana wywuat hap e.

Iruka 11:1 ပူးပေါင်းရင်းမြစ်များ

Iruka 10:42

Waku wen maꞌato toineꞌen poꞌog waku hap uimiꞌu nug hap kai katupono uhehay kuap hap mana Maria tiꞌairo raꞌyn e. Pywo kahato uikuap hap mana Maria piat wyti aru yt uwe i ihep kuap uiꞌyatype tuwemuꞌe hap e Iesui mana Mata pe.

Iruka 11:2

Mio tã tohẽtup hawyi Iesui henoi raꞌyn -Ehẽtup Tupana kape turan mio tã waku eweiꞌe. --Uruꞌywot Atipy piat waku kahato En waku eweiꞌe e. Uruimotypot kahato En waku eweiꞌe e. Uruikyꞌesat En ereineꞌen no mesuwat yi tote Wuatꞌi miitꞌin potypot nuat Waku miitꞌin mesuwat rotiat emikyꞌesat ewywuat nug haria wo tukupteꞌen aikotã atipy piaria emikyꞌesat oktan nug haria ewy waku eweiꞌe e.

Iruka 6:12

Mekewat eꞌat pe Iesui toto raꞌyn yityꞌok kape Tupana wywuat tehay hamo. Wãtym muo kaꞌap toineꞌen itote ihay Tupana wywo.

Iruka 7:13

Miꞌi hawyi Iesui tehaꞌat hawyi toimohaty kahato topyꞌa pe hawyi toikyꞌe kahato hawyi toꞌe -Yt erewak teiꞌo mana e

Iruka 7:19

Miꞌiria ti toiꞌatupoꞌoro raꞌyn tokaꞌiwat Iesui piat apo iꞌatuꞌe hamo. -Urukaꞌiwat apo En tuut hamuat wyti e hap taꞌyn apo En iꞌatuꞌe sio poꞌog wẽtup ok te uruhekatup iꞌatuꞌe hamo.

Iruka 9:18

Wẽtup eꞌat pe Iesui tuweran toineꞌen Tupana wywo tehay hamo. Miꞌi turan hemiitꞌin putꞌok iꞌatuꞌe hewowi hawyi apo e iꞌatuepe -Uweĩ uito iraniaꞌin me e.

Iruka 9:28

Miꞌi hawyi 7 eꞌat hawyi Iesui tioto raꞌyn topotmuꞌeria sese Peteru Iuwãu Tiaku tuwewywo yityꞌok kape tehay Tupana wywuat hamo.

Epereu 5:7

Miꞌi hawyi mesuwat yi totiat toineꞌen turan Iesui ihay Tupana kape tuwak popuo tepiat hatyꞌu hap wywo tohẽtup hẽtup tehay wo -Papai Papai e uihep En guꞌuro po pyi e uikuꞌuro hap kaipyi uihep o En guꞌuro po pyi e haty wo. Miꞌi hawyi Tupana tiwesat -Pywo Uhaꞌyru atunug aru eꞌe hap ewy e. Worohep En guꞌuro pyi e Uimotypot kahato hat En mote e uimikyꞌesat ewy neꞌi ekuꞌuro pote e. Eremohit kahato miꞌi pote woromotypot Uhaꞌyru e. Emiẽtup oktan worohep En guꞌuro pyi e.

Iuta 1:20

Miꞌiria ehay upi yt naku i watuwat are. Waku watomohey poꞌog poꞌog wuatꞌi eꞌat Aiwy Iesui are. Waku iheg kahato ihay hawyi watunug iꞌe hap yn. Waku aikotã ipotmuꞌeria 12 ok takaria ainapin haria wo watukupteꞌen motꞌi hap ewy aito are. Mio tã are yn uiwyriaꞌin waku sese rakat aimimohey pote. Waku watoꞌomoesaika moesaika aimimohey wakuat ete yn are. Taꞌi aiwat aimimohey ti poꞌog wakuat torannia kawiat hat are. Taꞌi miꞌi yn ni waku kahato ahehay Tupana kapiat hamo het upi are. Tupana Paꞌãu mikyꞌesat ewy yn waku wahẽtup Ipaꞌãu upi are. -Etum no esaika hap uhehay ewowiat sepap hamo watoꞌe Ipaꞌãu me are. Miꞌi hap yn ni waku raꞌyn Ipaꞌãu upi wahẽtup hap are.