Iruka 10:26 - Sateré-Mawé

²⁶ Miꞌi hawyi Iesui tiwesat -Etikuap apo aikotã Muisei mienoi koꞌi e.

Iruka 10:26 ပူးပေါင်းရင်းမြစ်များ

Iruka 10:25

Miꞌi hawyi wẽtup ok miwan enoi hat apo e Iesui pe -Urumuꞌe hat e aikotã som waku uheineꞌen hap sese puẽti hamo atunug e maꞌato yt pywo pe i. Toimaꞌat reran haype neꞌi apo e.

Iruka 10:27

-Taꞌi atikuap e. -Etikyꞌe o Tupana yn epyꞌa pe e. Etikyꞌe yne ewanetup hawe. Etikyꞌe Tupana yne eweꞌeg hawe e. Iꞌewyte etiꞌatukyꞌe iraniaꞌin yne ro ewekyꞌe hap ewy e tomiwan me e miwan enoi hat Iesui apo e hawyi.

Humanu 10:5

Pyno eweikuap teran mekewat muap Muisei mienoi Tupana kapiat hap pote waku eweikuap sese kat som Muisei toꞌe. Mio tã e tomiwan me -Ereineꞌen neran hãpyk takat sese Tupana wanetup hawe pote ewetunug aat kaꞌap yne yne Tupana waĩꞌe hap Tupana etunug no e hap koꞌi e. Yt eweiꞌaparap hin i yne yne Tupana e hap koꞌi ete hawyi eweikupteꞌen wakuaria wo maꞌato wẽtup ete eweiꞌaparap pote Tupana miꞌapiheg wo eweikupteꞌen aru e Muisei tomiwan me.

Humanu 3:19

Urutoria Iuteuria ywania tikuap kahato Tupana woꞌonapin saꞌawyꞌi wuat hap Muisei mimoherep kat som waku watunug kat som yt naku i watunug hap. Miꞌi watikuap yne pykai yt watunug i torannia pote watiꞌaparap waĩꞌe hap ete -Ewetunug no e hap ete are. Miꞌi pote yt uwe i mesuwat yi tote uruto -Yt karãpe i atiꞌaparap Tupana waĩꞌe hap ete yt urutoꞌe kuap i. Iꞌewyte yne aito wuatꞌi puo mesuwat yi totiaria watopyhuꞌat Tupana miꞌapiheg wuatnuaria wo. Pywo ti rat mekewat eꞌat pe aru -Eiperia yt naku i nug haria e aru Tupana ahepe torannia pe. Miꞌi toꞌe pote aru yt uwe i aitoria -U paĩ u an yt karãpe i atiꞌaparap emikyꞌesat nug hap ete e haria itote kat pote toiꞌatumoherep wuatꞌi ehamo aiminug saꞌag koꞌi e. Miꞌi pote yt watiwesat kuap i aiwemoti hap toineꞌen mote e.