Iruka 1:76 - Sateré-Mawé

⁷⁶ Miꞌi hawyi paꞌi Sakaria toꞌe tosaꞌyru Iuwãu me -Uhaꞌyru e meiũran ni aru ereineꞌen Tupana ywaiti piat ehay moherep hat. Iꞌewyte etimoherep wyti aru muap Tupana kapiat hatno e.

Iruka 1:76 ပူးပေါင်းရင်းမြစ်များ

Mateu 14:5

Miꞌi hap kaipyi Eroti tiꞌauka teran Iuwãu woꞌosetꞌok hat maꞌato tokenꞌẽ miitꞌin pupi katupono iꞌatuwanetup hawe taꞌatupuẽti Iuwãu woꞌosetꞌok hatno wyti Tupana ehay moherep hat toineꞌen.

Mateu 21:26

Maꞌato miitꞌin mipoꞌoro ti Iuwãu aiꞌe pote ti aru miitꞌin iꞌatupyꞌahak kahato ahete katupono iraniaꞌin Iuwãu ti Tupana ehay moherep hat e haria tukupteꞌen iꞌatuꞌe.

Mateu 3:11

Uito ti worohoꞌosetꞌok yꞌy wo neꞌi. Urutoiat yne raꞌyn uruminug saꞌag yt nakuat i hap koꞌi eiꞌe moherep hap. Maꞌato Uhaipe piat tuut rakat wyti aru ehetꞌok Tupana Paꞌãu wakuatno raꞌyn iꞌewyte aria wo raꞌyn. Taꞌi miꞌi miit ri poꞌog poꞌog uikawiat wakuat are e. Uiat uhewaku hap ti yt putꞌok e hin i hemiit ipysei hamo ipy sokpe pag hamo e.

Mateu 3:3

Katupono nimo kahato raꞌyn Tupana ehay moherep hat Isaia henoi tomiwan me Iuwãu etiat. Mio tã e -Wẽtup ok ti aru toineꞌen yahig wato totiat tehay pirik wuat woꞌomuꞌe hat e. Miꞌi ti aru henoi henoi waku eweihywytip ipuꞌap ihuut hap owakai e. Miꞌi pote eweimohãpyk to eiminug yt naku i hap huut hap owakai. Mio tã Isaia henoi tomiwan 40.3 pe e.

Maku 11:32

Maꞌato miitꞌin mipoꞌoro ti Iuwãu watoꞌe pote aru iꞌatupyꞌahak ahete iraniaꞌin katupono iraniaꞌin Iuwãu mohey haria tukupteꞌen iꞌatuꞌe toꞌope.

Iruka 1:32

Miꞌi ti aru wakuat sese rakat topyhuꞌat Tupana ywaiti piat ieineꞌen hat Saꞌyru e. Miꞌi ti aru Tupana tunug morekuatno aikotã saꞌawyꞌi wuat morekuat Tawi ewy.

Iruka 1:35

Mio tã e pote atipy kaipywiat tiwesat -Taꞌi Tupana Paꞌãu wakuat wyti aru tuut ewowi hawyi Tupana esaika hap kaipyi ti aru imepytꞌa rakatno ereineꞌen. Miꞌi pote ti aru mekewat hirokat hit Wakuat sese rakat toineꞌen Tupana saꞌyru e.

Iruka 6:35

Pyno uito ti tuweupi kahato worohoꞌomuꞌe waku eweikyꞌe ro ehewanikaptia. Waku ewetunug wakuap koꞌi iꞌatuepe. Karãpe eweipuru ehekat hawyi yt ewehekatup teiꞌo heraꞌaipok ehewowiat hap kape katupono kat som emipuru kaipyi ti aru iwato kahato hãipe piat saꞌup eweipuẽti hawyi eweikupteꞌen Tupana ywaiti piat mepytꞌin wo raꞌyn. Maꞌato yt miꞌi tã i ewetunug pote eweikupteꞌen yt nakuaria i wo neꞌi.

Iuwãu 1:23

Miꞌi hawyi toiꞌatuwesat -Nimo te ti mio tã e ahaꞌaseꞌi Isaia tomiwan me 40.3 pe -Tuut wyti aru wẽtup ok miitꞌin atumuꞌe yahig notiat hanuat e. Yahig notiat tehay pirik wuat woꞌomuꞌe hanuat e. Aiporekuat Tupana mipoꞌoro uut hamuat moherep hanuat e Isaia saꞌawyꞌi miwan me e Iuwãu.

Iuwãu 1:27

Miꞌi miit ti uhewatꞌypmuat tuut irane. Miꞌi miit waku sakpo e rakat poꞌog waku kahato uikai e. Pywo ti uiwat uhewaku hap yt putꞌok e hin i ipy saity pok hamo e Iuwãu Iesui waku kahato hap moherep hamuat.

Iuwãu 3:28

Uimienoi kaipyi eweikuap taꞌyn uito yt mekewat Tupana mipoꞌoro Aiporekuatnuat i te hap e. Maꞌato Tupana uipoꞌoro muap Aipotypot kapiat moherep hamo e.

Iesui Potmuꞌeria 16:17

Miꞌi hawyi mekewat piꞌã toto Pauruꞌin upi. Miꞌi hap tote muap upi ihay haty wo iraniaꞌin me muap upiaria pe -Miꞌiria miitꞌin ni Tupana sese ywaitiat eropat haria sese e ahiag paꞌãu piꞌã wẽ pyi. Miꞌiria wyti Tupana kapiat muap moherep haria e mekewat piꞌã.