Iruka 1:49 - Sateré-Mawé

⁴⁹ Kat pote Tupana hesaika rakat timoherep iwato kahato rakat uipuo pyi. Miꞌi set wyti wakuat kahato rakat e.

Iruka 1:49 ပူးပေါင်းရင်းမြစ်များ

Maku 5:13

Miꞌi hawyi Iesui toꞌe -Eweiwat ro pyno e. Mio tã e hawyi tuwenoꞌẽ raꞌyn ahiagnia mekewat miit piit pyi hawyi tuwehytꞌok taꞌyn hamaut asuwai koꞌi 2 miu rakaria piit pe raꞌyn tuwehytꞌok. Miꞌi hawyi hamaut koꞌi ikohyeputꞌi kohyeputꞌi yityꞌok tote pyi hawyi tuwehytꞌok yꞌy pe hawyi topap yne raꞌyn.

Iruka 1:48

Kat pote miꞌi ti iwatetup uhewowi uito kurin kahato rakat areineꞌen semiit neꞌi pykai. Maꞌato mesuwe pyi ti aru torannia raꞌyn teꞌeroꞌe uhepe meiẽ ti haryporia Tupana mipoityro kahato raꞌyn iꞌatuꞌe.

Iruka 1:50

Egyiꞌat hap wyti aru toimoherep kahato torannia emotypot haria saipe piaria saipe piaria pe.

Ewesu 3:20

Taꞌi uiwyriaꞌin aheTupana hepap kahato aimiẽtup ium hamo poꞌog poꞌog iwato tutum kuap aimiẽtup koꞌi kai are. Yt karãpe i teke aiwanetup hawe kat kupitu kat kupitu hegyiꞌat hap are. Tutum poꞌog poꞌog kuap ahepiat hẽtup kuap hamo kai katupono Ipaꞌãu hesaika aikai ahepiat hẽtup hamo Tupana pe are.

Iesui Aru E Hap 15:4

Urutokenꞌẽ popuo katupono uruewaku hap yt putꞌok e i uruehay ewywuat hamo iꞌatuꞌe. En yn ni wakuat sese iꞌatuꞌe. Tupana urumimotypot En urutoꞌe wuatꞌi eꞌat pe iꞌatuꞌe. Meiũran aru wuatꞌi ywania kaipyi wuatꞌi tama kaipyi teꞌeruwepỹꞌãtutuk ewowi En ni Tupana taꞌatuꞌe hamo iꞌatuꞌe. Eminug wakuat heremo wuatꞌi miitꞌin ehamo. Wakuat iꞌatuꞌe Tupana pe teꞌeruwepy puo ihyemyiꞌa wato upiaria.

Iesui Aru E Hap 4:8

Yne 4 ok atipy piaria tukupteꞌen topopy kuap takaria 6 ipepo wẽtup atipy piat ete. Iꞌewyte yne iꞌatupepo ete iha koꞌi torannia puo. Ipepo ywytꞌokpy puo iꞌewyte iha koꞌi tukupteꞌen. Miꞌiria yt teꞌeroket hin i maꞌato teꞌeruwepy aat kaꞌap Tupana kape -Wakuat sese En Tupana iꞌatuꞌe. Wakuat sese En Tupana iꞌatuꞌe. Wakuat sese En Tupana iꞌatuꞌe. En yn urueTupana iꞌatuꞌe. En yn urupotypot Sese iꞌatuꞌe. En yn poꞌog poꞌog hesaika torannia kawiat rakat iꞌatuꞌe. Wuatꞌi eminug hap eꞌyian mete ereineꞌen En iꞌatuꞌe. Iꞌewyte mesup te wuatꞌi eꞌat pe ereineꞌen iꞌatuꞌe. Iꞌewyte ikahuro hap ekuekai te ereineꞌen teꞌeruwepy aat kaꞌap meimuẽwat 4 ok takaria atipy piaria.