Iruka 1:17 - Sateré-Mawé

¹⁷ Miꞌi ti aru toineꞌen Tupana ehay moherep hanuat. Iꞌewyte ti aru hesaika kahato rakatno toineꞌen aikotã saꞌawyꞌi wuat Tupana ehay moherep hat Eria ewywuat. Iꞌewyte ti aru iꞌatuꞌywotꞌin iꞌatusaꞌyruꞌin wywuat woꞌowese hap tutunug. Uwe yt inug i Tupana woꞌonapin hap koꞌi miꞌiria teꞌeraꞌaipok iraꞌyn saꞌawyꞌi wuat waku nug haria wo. Miꞌi kaipyi Isareu ywania tukupteꞌen Tupana ekatup haria wo raꞌyn.

Iruka 1:17 ပူးပေါင်းရင်းမြစ်များ

Mateu 11:14

Pyno sio eweimohey teran mio wat ihay pote Iuwãu hawyi Eria wyti tuut hamuat e hap aikotã saꞌawyꞌi wuat tohenoi Marakia 4.5 piat. Pywo ti Iuwãu etiat taꞌatuhenoi are. Pyno miꞌi e hap eweimohey kuap pote eweimohey ro are katupono Eria tuut raꞌyn Miꞌi ti Iuwãu e.

Mateu 14:4

Miꞌi hawyi miꞌi etiat Iuwãu woꞌosetꞌok hat toꞌe karania wo neꞌi Eroti pe. Mio tã e -Pyno mekewat ainapin hap hawe tohenoi yt kan hamo i etat eharyꞌi wo Erotia e.

Mateu 3:3

Katupono nimo kahato raꞌyn Tupana ehay moherep hat Isaia henoi tomiwan me Iuwãu etiat. Mio tã e -Wẽtup ok ti aru toineꞌen yahig wato totiat tehay pirik wuat woꞌomuꞌe hat e. Miꞌi ti aru henoi henoi waku eweihywytip ipuꞌap ihuut hap owakai e. Miꞌi pote eweimohãpyk to eiminug yt naku i hap huut hap owakai. Mio tã Isaia henoi tomiwan 40.3 pe e.

Mateu 3:4

Miꞌi turan Iuwãu esokpe ti hũ Kameru sap kawiat. Iꞌewyte iweꞌok kytyt ti hũ pe kawiat. Miꞌi hawyi imiꞌu pohit awiꞌa hy naꞌapy piat tutuꞌu itote.

Iruka 1:16

Itag hawyi aru toiꞌatuekyi kahato iraꞌyn Isareu ywania saꞌawyꞌi wuat iꞌatueTupana kape iraꞌyn.

Iruka 1:76

Miꞌi hawyi paꞌi Sakaria toꞌe tosaꞌyru Iuwãu me -Uhaꞌyru e meiũran ni aru ereineꞌen Tupana ywaiti piat ehay moherep hat. Iꞌewyte etimoherep wyti aru muap Tupana kapiat hatno e.

Iuwãu 1:13

Mio tã watoꞌe pote Tupana aiꞌywotno topyhuꞌat. Tupana yn aimoherep kuap tosaꞌyruꞌin wo tosakiꞌytꞌin no. Mesuwe toineꞌen aiꞌywot aiwemoherep hap kaipyi. Maꞌato watimohey hawyi Aiꞌywot atipy piat toineꞌen aiꞌywotno. Yt aiwekaipyi i watopyhuꞌat kuap Tupana mepytꞌin no. Yt watuwemoherep kuap i aiwekaipyi Tupana mepytꞌin no katupono Tupana kaipywiat yn imepytꞌin wo teꞌeruwemoherep.

Iuwãu 1:34

-Miꞌi kape ti uito araꞌakasa raꞌyn miꞌi tupono ahenoi hamuat ehepuo -Miꞌi miit ti Tupana saꞌyru sese raꞌyn are e woꞌosetꞌok hat Iuwãu iꞌatuepe.

Iuwãu 3:28

Uimienoi kaipyi eweikuap taꞌyn uito yt mekewat Tupana mipoꞌoro Aiporekuatnuat i te hap e. Maꞌato Tupana uipoꞌoro muap Aipotypot kapiat moherep hamo e.

Iesui Potmuꞌeria 10:33

Miꞌi hawyi meremo worokay kay uruewawi Tupana mikyꞌesat ewy e. Pywo ti rat waku kahato eriot hap mehin e. Miꞌi pote ti urutuwaꞌatunug kahato meiũpe mesup ehay kuap hamo mehin e. Iꞌewyte ti uruikuap taꞌyn Tupana toineꞌen meiũpe hap e. Miꞌi pote ehenoi ro uruepe aikotã som yne yne imikyꞌesat ewywuat hap e surara Kuneriu Peteru pe.

Humanu 9:23

Maꞌato wẽtup yi og wakuat topyhuꞌat kamuti nug hat po pe hawyi hepama tutunug kamuti topotpap mo waku rakat wuatꞌi eiam mo raꞌyn. Miꞌi hap ewy Tupana ainug tomotypot hamo. Ainug hawyi miitꞌin teꞌerahaꞌat hawyi teꞌeruwehum Tupana ete. -Tupana waku rakat iꞌatuꞌe iwese kahato miꞌiria nug hap ete ihakyꞌeꞌi kahato Tupana miꞌiria ete iꞌatuꞌe. Tupana eiam kahato miꞌiria tukupteꞌen tuwepokuap kahato miꞌiria nug hap ete iꞌatuꞌe.

Korosi 1:12

Miꞌi hawyi watuwehum aiwepiit kahato hap wywo Aiꞌywot Tupana kape katupono Aiꞌywot atipy piat aimohãpyk aiwanetup hap. Miꞌi hawyi -Wakuaria wo raꞌyn miꞌiria e ahepiat pe. Uhemiitꞌin sese miꞌiria e. Uhekareꞌen aru atum yne iꞌatuepe. Uhetawa hẽtyhot rakat atum aru iꞌatuepe e. Iꞌatueowakai waku pe yne raꞌyn e ahepiat Topaꞌãu eiam koꞌi pe.

2 Timoteu 2:21

Watoiat yne saꞌag nug hap pote hekat rakat kuiꞌa ewy watoineꞌen ekuiꞌa wo iꞌyat koro pe ikahu kahato imowepiit kahato hamo. Miꞌi hawyi -Waku ti rat uimikyꞌesat nug hamo en e ahepe Tupana. Miꞌi hawyi Tupana emiit sese wo watoineꞌen. Miꞌi hawyi kat koꞌi kat koꞌi imikyꞌesat yn naꞌyn watunug.

1 Peteru 2:9

Maꞌato aito ti aikotã wẽtup ywania Tupana miꞌairo wẽtup ywania ewywuat koꞌi aito. Kat pote Tupana saꞌyruꞌin sakiꞌytꞌin aito. Miꞌi pote Tupana aiꞌairo tepaꞌi koꞌi wo maꞌato yt mesuwarotiat paꞌi koꞌi ewywuat i. Katupono aito morekuaria ewy watopyhuꞌat Tupana wanetup hawe. Aitoria aikotã wẽtup tama piaria ewywuat Tupana eꞌyi kaꞌiwaria aito. Aiwanetup hap koꞌi yt mesuwarotiaria minug koꞌi mesuwarotiaria wanetup hap koꞌi ewy hin i. Miꞌi pote -Eiperia yt miit ewy i iꞌatuꞌe ahepe. Miꞌi pote Tupana motypot hap yn watikyꞌesat mesuwarote. -Waku kahato uruetupana watoꞌe iraniaꞌin me. Saꞌawyꞌi urutukupteꞌen aikotã iꞌypyryp we hap ewy. Maꞌato mesup urutukupteꞌen hẽtyhot puo hap ewy. Saꞌawyꞌi Tupana yt heremo hin i uruepe. Koitywy heremo hap ewy urupyꞌa pe uruimohey pote.

1 Iuwãu 2:28

Uimepytꞌin waku kahato ti aipap Aikaꞌiwat upi. Miꞌi pote ti aru karamuo Aikaꞌiwat taꞌaipok i raꞌyn meikowo miꞌi hawyi yt kat i aiwemoti hap toineꞌen ipupiat hap. Yt watuwemig hin i ipupi maꞌato watuwehum yn huut turan. Yt kat i aheha yi kape huut turan. Aipotypot ewywuat hap wahekatup kahato pote yt kat i aiꞌapiheg hap Tupana kaipyi. -Waku yn e ahepe. Miꞌi pote aito iꞌewyte waku pe yn watoineꞌen iꞌewy aito pote.

Iesui Aru E Hap 20:4

Miꞌi hawyi uito Iuwãu arahaꞌat morekuaria typyꞌi kahato Tupana mipoꞌoro aipotypot nuat koꞌi. Miꞌiria teꞌeraꞌapyk aiporekuaria wo Iesui wywo yne miitꞌin mesuwarotiat karaiwaria wo. Saꞌawyꞌi miꞌiria timoherep kahato taꞌatuehay wo Iesui etiat miitꞌin me. Miꞌiria yt imotypot hin i mekewat saꞌag nug hat -Uito Tupana e hat heso rakat. Yt taꞌatumotypot i -Uito Tupana e hat minug iãꞌãkap koꞌi. Yt taꞌatunug i mekewat ihay saꞌag nakat -Yt ewetunug i uhet ehowatuꞌa ete eipo ete pote woroꞌauka e rakat. Maꞌato mio tã e pykai -Yt iꞌatuꞌe yt urutunug i iꞌe hap ewy iꞌatuꞌe tipyt taꞌatuꞌauka miꞌiria saꞌawyꞌi. Maꞌato miꞌiria tukupteꞌen i raꞌyn morekuaria wo uwe waku uwe yt hap enoi hamuat. Tupana Mipoꞌoro Aiporekuat nuat emiitꞌin wuatꞌi ywania morekuaria wo. Miꞌiria ti Aikaꞌiwat Iesui mimoieineꞌen koꞌi torannia tomohey haria eꞌyian notiaria koꞌi. Miꞌi hawyi ahiag toineꞌen 1 miu anu kaꞌap pe turan miꞌiria tukupteꞌen morekuaria wo wuatꞌi ywania pyꞌasetpe.