Humanu 4:3 - Sateré-Mawé

³ Pyno Aparãu timohey kahato Tupana hawyi Tupana mimohãpyk wo topyhuꞌat ahaꞌaseꞌi.

Humanu 4:3 ပူးပေါင်းရင်းမြစ်များ

Mateu 20:9

Miꞌi hawyi hemiit tikay kay tuwewowi watꞌypmuat ipotpap takaria. Iꞌatupotpap porap yn wen maꞌato tutum wẽtup eꞌat saꞌup iꞌatuepe e.

Maku 12:10

Miꞌi hawyi Iesui toꞌe iꞌatuepe -Yt karamuo i apo eiwemuꞌe miwan me aikotã Tupana toꞌe saꞌawyꞌi wuat hap ete -Meiũran aru Wẽtup ok Uimiꞌairo iꞌapyaha ewywuat netap nug haria yt tikyꞌesat i uimotypot yat nug hamo e Iesui. Miꞌi pykai miꞌi ti aru topyhuꞌat netap akywyt yp mo ipoꞌog hesaika iraniaꞌin kai e.

Humanu 10:11

Aikotã miwan miat Tupana toꞌe saꞌawyꞌi wuat hap ewy -Uwe uwe toꞌe uhepe -Tupana woromohey En e hat ti aru yt karãpe i tuwemoti te uimohey hap ete e Tupana miwan me.

Humanu 11:2

Yt karãpe i aru Tupana tiꞌatoiat temiitꞌin sese Iuteuria ywania e. Katupono toiꞌairo miꞌiria toꞌywania wo wuatꞌi eꞌyian mete. Saꞌawyꞌi Tupana ehay moherep hat Eria toꞌe Tupana pe tomiwan me -Uruꞌywania yt naku i kahato e. Taꞌatunug saꞌag kahato yne emikyꞌesat koꞌi ete e.

Humanu 4:11

Ahaꞌaseꞌi Aparãu toineꞌen Tupana mohey potꞌi wo raꞌyn hawyi tuwemusin ãpy sokpe tek taꞌyn iꞌewyte tosaꞌyruꞌin wat toitek kyse hit wo toꞌywania kuap hap uruꞌywania eko ewywuat uruto Tupana mohey haria e hamo toitek. Koitywy ahaꞌaseꞌi Aparãu toineꞌen yne Tupana mohey haria ypy ewywuat. Toimohey saꞌawyꞌi aheꞌyian me pote Aparãu topyhuꞌat mesup Tupana sese mohey haria eꞌaseꞌi pot no raꞌyn. Koitywy ahepe imohey haria pe aikotã saꞌawyꞌi Aparãu me toꞌe hap ewy raꞌyn -Uiwanetup hawe hãpyk takaria eipe e Tupana ahepe sio aito aimusin sokpe ãpy tek sio yt pykai e ahepe Tupana mesup.

Humanu 4:5

Maꞌato yt miꞌi tã hin i Tupana piat ahehakyeraꞌat hap kat pote yt watikyiꞌat kuap i aipotpap wakuap mo Tupana piat ahehakyeraꞌat hap katupono ahewaku hap aipotpap aat kaꞌap hap saꞌup yt putꞌok e i ikyiꞌat hamo e. Watimohey Iesui hawyi yn tutum neꞌen neꞌi ahepe yt naku i rakaria aito pykai e. Tosaꞌyru mohey haria pe Tupana toꞌe -Eiminug saꞌag ahyt kahato maꞌato eweimohey Uhaꞌyru suu eipohag wo pote worohoꞌoehakyeraꞌat eipe Uhaꞌyru piat haꞌup nug hap upi e ahepe. Imohey pote uiwanetup hawe yt saꞌag nug haria ewy hin i eweikupteꞌen e. Mio hãpyk kahato eipe uiwanetup hawe Uhaꞌyru miium upi e Tupana ahepe Iesui mohey haria pe.

Humanu 4:9

Pyno morekuat Tawi ihay aiwepiit hap ete. Morekuat Tawi yt toꞌe hin i -Wemusin sokpe ãpy tek haria yn ni Tupana mimowepiit rakaria tukupteꞌen yt e i are. Pywo ti koitywy iꞌatu kahato Tupana mowepiit haria tomohey haria yt teꞌeremusin ãpy tek hin pykai i. Pywo ti koitywy iꞌatu kahato Tupana mowepiit haria imohey haria yt teꞌeremusin sokpe ãpy tek hin i pykai. Aikotã ahaꞌaseꞌi pot Aparãu toꞌe hap ewy mesup -Woromohey En Tupana e. Atiꞌatumohey kahato raꞌyn yne eꞌe hap uhowawiat e. Atiꞌatumohey etunug aru eꞌe hap ewy hap e hawyi Tupana toꞌe Aparãu me -Uimohey en mote waku pe ereineꞌen uiwanetup hawe uipyꞌa pe mehin e ti Tupana ahaꞌaseꞌi koro Aparãu me.

Humanu 9:17

Saꞌawyꞌi Tupana toꞌe morekuat yi Esitu piat Warãu e hap het rakat pe -Uiwepyi woroꞌairo morekuat no mesuwat yi tote e. Ereineꞌen morekuat yi Esitu pe hawyi eminug yt naku i hap koꞌi kaipyi wuatꞌi miitꞌin mesuwarote uhet kuap haria teꞌeropyhuꞌat. Katupono atimoherep kahato irane uhesaika hap hawyi atiporenotem uhemiitꞌin Iuteu ywania epo pyi e Tupana morekuat Warãu me temiitꞌin ewanikap sese pe.

Tiaku 2:23

Aikotã Tupana toꞌe saꞌawyꞌi hap ewy -Uiwy kahato ti en Aparãu e. Uimohey hat sese ti en e. Hãpyk kahato rakat en uiwanetup hawe uiwy e Tupana tope.

Tiaku 4:5

Eweꞌeg wo e Tupana saꞌawyꞌi wuat pupi -Uiwatno yn worokyꞌesat e ahepe. Maꞌato wẽtup tupana eweimohey hawyi uhehayꞌywyi kahato tupanaria ete e Tupana Paꞌãu ahepe.