Ewesu 5:7 - Sateré-Mawé

⁷ Pyno yt naku i watuwat iꞌatuehay upi are. Yt naku i watunug saꞌag miꞌiria ewy are. Yt naku i miꞌiria watunug aiwy sese wo.

Ewesu 5:7 ပူးပေါင်းရင်းမြစ်များ

Iesui Aru E Hap 18:4

Miꞌi hawyi atikuap wẽtup ok tuwẽpowat atipy kaipyi hap -Uhemiitꞌin e eiwenoꞌẽ ro pya kahato miꞌiria kai e. Yt ewetunug neiꞌo miꞌiria tawa Papironia piaria minug ewywuat e. Ewetoiat ro tupanaria e. Iꞌewyte iꞌatuewaire atuewaire hap eweitoiat e. Yt naku i aru eweikupteꞌen iꞌatupyꞌasetpe uhepiat iꞌatuꞌapiheg hap eꞌat pe raꞌyn e. Katupono atiꞌatuꞌuhu iꞌatuꞌahuu hap hamo miꞌiria e. Yt atikyꞌesat i satꞌe ehete e sehay atipy kaipyi.

1 Timoteu 5:22

Yt naku i aiꞌakag watnuaria watiꞌatuꞌairo meremo Timoteu aimuꞌe sese hanuaria are. Karãpe iraniaꞌin ahãꞌãg saꞌag nug hamo waku -Waĩ yt atunug neran i watoꞌe. Iꞌewyte waku ereineꞌen pya saꞌag nug hap kai are.

Ewesu 5:11

Yt naku i nug haria hepap kahato saꞌag nug hap ete wãtym nuran aikotã aikotã hap yt naku i nug hap ete yt kat i Tupana motypot hap iꞌatuminug ete pote. Aikotã yt naku i nug haria iꞌypyryp we taꞌatunug saꞌag miꞌi hap ewy yt naku i nug haria. Waku waĩ watoꞌe iꞌatuepe -Yt Tupana mikyꞌesat ewy hin i ewetunug watoꞌe iꞌatuepe. Yt naku i watuwat iꞌatuminug hap upi. Yt naku i watopyhuꞌat miꞌiria ewy are.

Ewesu 3:6

Koran Tupana Paꞌãu toꞌe ahepe -Saꞌawyꞌi iraniaꞌin ywania yt uikuap hin i maꞌato mesup atipoꞌoro uhehay wakuat wuatꞌi ywania ewowi aikotã areꞌe saꞌawyꞌi miwan me. Atunug aru e hap ewy mesup atunug naꞌyn e. Koran atunug naꞌyn Iraniaꞌin ywania Porekuat no raꞌyn Uhaꞌyru e. Miꞌi imohey haria sok wẽtup piit ewywuat yn naꞌyn teꞌeropyhuꞌat aru e. Aikotã saꞌawyꞌi atipoityro Iuteu ywania atiꞌatupoityro mesup yne yne ywania aikotã areꞌe saꞌawyꞌi uiꞌe hap ewy atunug mesup e Tupana uhepe. Saꞌawyꞌi migꞌi wo sese yt uwe mikuap mo i mesuwat uiꞌe hap are maꞌato koitywy atimoherep miꞌi uiꞌe hap yne miitꞌin me uimiwan kaipyi uhehay kaipyi e Tupana ahepe.

2 Kuriniu 6:14

Yt naku i watuwat yt naku i nug haria wyꞌinug hamo. Aikotã iꞌypyryp wywo hẽtyhot hap wywo yt toꞌosat i hap ewy. Miꞌi hap ewy yt naku i watoineꞌen yt naku i nug haria wywo wẽtup miit ewy iꞌatuminug saꞌag ete. Aikotã uꞌi maniꞌay karay wywo toꞌopype miꞌi hap ewy yt naku i watopyhuꞌat tupanaria motypot haria wywo iꞌatuetupanaria motypot hamo. Aito Iesui mohey haria pote wẽtup miit ewy watoineꞌen wakuat nug hap ete. Miꞌi pote Tupana mimowaku hanuaria yt toꞌosat kuap sese i yt naku i nug haria wywo yt toꞌoꞌewy hin i pote.