Ewesu 5:1 - Sateré-Mawé

¹ Pyno aito Tupana saꞌyruꞌin hakiꞌytꞌin watopyhuꞌat miꞌi pote waku wahãꞌãg kahato Aiꞌywot Tupana waku nug hap ewywuat nug hamo Aiꞌywot motypot hamuat Aiꞌywot pote.

Ewesu 5:1 ပူးပေါင်းရင်းမြစ်များ

Mateu 5:45

Miꞌi tã ewetunug mote aru Aiꞌywot atipy piat saꞌyruꞌin sakiꞌytꞌin no eweipyhuꞌat e. Katupono ti miꞌi ti yt nakuaria i ẽtyhot hap iꞌewyte wakuaria kape iꞌewyte toipoꞌoro iꞌaman yt nakuaria i kape iꞌatumikoi moehãite hamo. Taꞌi toiꞌatukyꞌe kahato toꞌoꞌewy ewy wakuaria iꞌewyte yt nakuaria i.

Mateu 5:48

Pyno waku eweipyhuꞌat hãpyk kahato rakaria wo aikotã Eiꞌywot atipy piat waku kahato rakat ewy ewetunug etopotmuꞌeria yityꞌok tote.

Iuwãu 1:12

Maꞌato tukupteꞌen imohey hanuaria. Miꞌiria teꞌeroꞌe taꞌatupyꞌa pe -Woromohey kahato En Iesui. Ereke ro uipyꞌa pe e haria pe aru Tupana toꞌe -Pywo ti rat koitywy woronug en mesup uhaꞌyru sese wo uhakiꞌyt sese wo e aru ahepe Iesui mohey haria pe.

Ewesu 4:32

Maꞌato waku watoineꞌen iwese kahato rakaria wo. Waku aiwoꞌowese hap ahehay perupꞌi popuo. Waku meremo watiwaure aimaꞌat hat aikotã Aikaꞌiwat waure wo tomaꞌat hap aiminug saꞌag kai toineꞌen hap ewy. Waku watukupteꞌen waure wo yne yne aimaꞌat hap koꞌi kai are. Uito ti Pauru. Worohoꞌonapin kahato waku iwese kahato rakaria wo Iesui ewywuat eweikupteꞌen are.

Wiripu 2:15

Maꞌato yne miꞌi tã imikyꞌesat ewy watunug mote Tupana mepytꞌin wakuaria wo watopyhuꞌat yt kat i saꞌag nug haria wo are. Aikotã aimepyt kurin kat yt tutunug kuap i saꞌag hap ewy watopyhuꞌat waku kape yn aiwanetup hap. Koitywy watoineꞌen yt naku i nug haria pyꞌasetpe iꞌewyte teꞌeruwanetup aat kaꞌap saꞌag nug hap ete yn. Miꞌiria tukupteꞌen aikotã iꞌypyryp we wãtym sese turan wuat ewy yt naku i nug haria yn miꞌiria pote. Maꞌato waku aito Iesui mohey haria waikiru koꞌi ewywuat watopyhuꞌat aikotã waikiru wãtym sese turan hẽtyhot rakaria ewy aikotã waikiru koꞌi aimuꞌe wãtym muo aikope muap toineꞌen aikope waku ahewyry. Miꞌi hap ewy waku watimoherep hoꞌowasat rakaria pe muap Tupana kapiat.

Korosi 3:12

Waku watuwepainug hap ewy waku ahesokpe pakup watopag maꞌato wẽtup ahesokpe pakup woꞌokyꞌe hap kawiat. Wẽtup aipainug hap woꞌowese hap. Wẽtup aipainug hap -En poꞌog waku uikai e hap aiwanetup hawe. Wẽtup aipainug hap paa e hap. Wẽtup hap aipainug hap aiperupꞌi hap. Wẽtup Iesui mohey motꞌi hap. Miꞌi koꞌi wo waku watuwepainug are.

1 Iuwãu 4:11

Pyno waku watoꞌokyꞌe aikotã Tupana piat aikyꞌe hap ewy waku watoꞌokyꞌe.