Ewesu 1:3 - Sateré-Mawé

³ Taꞌi Aikaꞌiwat Iesui iꞌewyte Toꞌywot Tupana aiꞌatupoityro poityro kahato raꞌyn. -Waku kahato En watoꞌe Tupana pe iꞌewyte Aikaꞌiwat Iesui pe watoꞌe -Waku kahato En Tupana watoꞌe aito Iesui mohey haria. Taꞌi atipy kaipyi putꞌok e ahete aipoityro kahato hap. Ahehakyeraꞌat hap tutum naꞌyn ahepe. Wuatꞌi eꞌat piat aimoieineꞌen Tupana kapiat hap tutum ahepe towatnuaria aito pote are.

Ewesu 1:3 ပူးပေါင်းရင်းမြစ်များ

Iruka 2:28

Miꞌi hawyi Simeãu tat raꞌyn hirokat hit topoꞌyp tote. Miꞌi hawyi -Waku kahato En e Tupana pe.

Iuwãu 14:20

Karãpe Tupana Paꞌãu wo ipytꞌat eipiit hawyi ti aru eweikuap taꞌyn Uiꞌywot uheiam neꞌi toineꞌen hap e. Iꞌewyte Uito eheiam wo areineꞌen hap hawyi eiperia uheiam wo neꞌi eweikupteꞌen hap e.

Iuwãu 17:21

Atikyꞌesat aikotã aiwanetup hap wẽtup yn hap ewy ahemiitꞌin wẽtup wanetup ewy yn hap ahẽtup ekaipyi are. Aikotã areineꞌen ekai iꞌewyte ereineꞌen uikai miꞌi hap ewy atikyꞌesat aimimuꞌeria tukupteꞌen ahepe wẽtup miit ewy are. Iꞌatuwanetup hap aiwat ewy atikyꞌesat miꞌi hawyi mesuwarotiaria En uipoꞌoro hatno ereineꞌen hap taꞌatumohey raꞌyn e.

Iuwãu 20:17

Miꞌi hawyi Iesui toꞌe -Epohep o uipy ete pyi mana katupono waku saꞌawyꞌi araꞌaipok Uiꞌywot kape e. Miꞌi hawyi maꞌato mohenoi ro uhehay e mio wyti koitywy araꞌam irane raꞌyn Uiꞌywot kape e. Miꞌi pote mohenoi ro uhehay Uipotmuꞌeria pe -Koitywy araꞌam irane raꞌyn Uiꞌywot uheTupana kape. Iꞌewyte eiꞌywot eheTupana kape ereꞌe ro uiꞌe hap uheꞌywytꞌin me mana e.

Humanu 12:5

Miꞌi hap ewy kahato Iesui mohey haria koꞌi. Iꞌatu kahato aitoria yt aiwoꞌoꞌewy i maꞌato wẽtup piit ewywuat yn watopyhuꞌat. Iesui Tupana Mipoꞌoro Aiporekuat nuat piit ewywuat watopyhuꞌat mesuwe aikotã aipiit ahaga wywo toꞌosat toꞌosat hap yt toꞌoꞌewy hin i pykai. Miꞌi hap ewy watoꞌosat kahato Iesui mohey haria koꞌi Iesui piit ewy wẽtup piit ewy watoineꞌen.

Humanu 15:6

Miꞌi etunug mote wẽtup miit ewy uruimotypot En mesuwe uruꞌywot are. Waku wẽtup sehay yn tuwẽtem uruwẽ pyi Esaꞌyru Emipoꞌoro uruporekuat nuat Iesui ete are. Waku wẽtup miit ewy yn uruehay emotypot hap are. Urumoesaika Epaꞌãu wo urupyꞌa pe hawyi emotypot haria kahato urutukupteꞌen uimiẽtup ewowiat are.

1 Kuriniu 1:30

Aito ti Aipotypot Iesui mohey haria pote Tupana ainug Tosaꞌyru wywo wẽtup miit ewy. Saꞌawyꞌi yt aiweꞌeg hin i pykai mesup aiweꞌeg kahato katupono Iesui amyãtym toineꞌen aipiit pakup we hawyi Iesui weꞌeg hawuo wahewyry mesup. Saꞌawyꞌi yt ahehay kuap i Tupana wywo maꞌato mesup Iesui wẽ aipiit pe pote ahehay kuap kahato Tupana wywo. Koitywy watoineꞌen Iesui piit ewy mesuwarote. Miꞌi pote watopyhuꞌat Tupana saꞌyruꞌin koꞌi Tupana sakiꞌytꞌin koꞌi mesuwe. Miꞌi pote watopyhuꞌat Tupana ywania ewywuat mesuwe.

1 Kuriniu 12:12

Iꞌatu kahato aito Iesui mohey haria pykai Tupana wanetup hawe wẽtup miit ewy yn watoineꞌen aikotã aipiit wẽtup yn hap ewy. Iꞌatu kahato ahaga koꞌi. Yt toꞌoꞌewy hin i aipiit ete maꞌato miꞌi pykai wẽtup yn aipiit hap ewy ti Iesui piit toineꞌen.

2 Kuriniu 1:3

Urutuwehum ewowi Tupana. Waku kahato En Tupana katupono etipoꞌoro raꞌyn Iesui uruewawi. Koitywy emepytꞌin sese uruto are. Waku kahato En uruꞌywot. Uruhoꞌopot turan urukawiatno kahato hat En. Uruehakyꞌeꞌi kahato wuatꞌi eꞌat pe are.

2 Kuriniu 11:31

-Tupana waku kahato En. Wuatꞌi eꞌat pe etikuap aikotã ahoꞌopot Esaꞌyru ehay moherep hamuat. Etikuap yt uheso i mesuwat uimiwan me hap. Esaꞌyru Aikaꞌiwat iꞌewyte ikuap yt uheso i hap.

2 Kuriniu 5:17

Watunug Iesui Aikaꞌiwat no hawyi watoineꞌen iwywo wẽtup miit ewy yn watoineꞌen. Miꞌi hawyi ipakup takaria wo watoineꞌen. Miꞌi hawyi aheko saꞌawyꞌi wuat saꞌag koꞌi watiwaure yne raꞌyn. Miꞌi hawyi aheko pakup taꞌyn Aikaꞌiwat eko ewywuat raꞌyn miit pakup watoineꞌen pote.

2 Kuriniu 5:21

Aikaꞌiwat Iesui yt karãpe i inug saꞌag watoꞌe. -Taꞌi Uhaꞌyru waku sakpo e Tupana. Maꞌato miꞌi pykai Tupana tiꞌapiheg aiminug saꞌag upi. Aiminug saꞌag yne iꞌokpe tote toineꞌen kahato iꞌauka hap. Miꞌi hawyi Iesui topyhuꞌat yt naku i nug hat ewy aiminug saꞌag topiit tote hawyi. Yt towat tominug saꞌag hap upi Tupana tiꞌapiheg Iesui maꞌato aiwat aiminug saꞌag upi tohoꞌopot kahato. Miꞌi watomohey hawyi Tupana ainug wakuat sese rakaria Tosaꞌyru suu aikoho hawyi. Tosaꞌyru ewaku hap totopag ahepe. Waku pe watoineꞌen Tupana wanetup hawe watoꞌe wuatꞌi ywania pe aikope aikope aipoꞌoro hap upi Tosaꞌyru haipepiatno.

Karasia 3:9

Pyno koitywy aitoria yne ywania Tupana mimohãpyk koꞌi. Aikotã Aparãu mohãpyk hap ewy raꞌyn tomohey pywo piat potiat koꞌi.

Ewesu 1:10

Mio tã e saꞌawyꞌi Tupana -Putꞌok e uheꞌat aru hawyi atunug sese ti Uhaꞌyru wuatꞌi Porekuat no e tuwepe iꞌewyte yne atipy piaria Porekuat no iꞌewyte yne yi totiaria Porekuat no e tuwepe. Uhaꞌyru suu wo atiꞌatumowehik sok torannia yi totiaria atipy piaria uhowowi e. Miꞌi hawyi wẽtup piit ewy yn naꞌyn watopyhuꞌat wuatꞌi uiminug koꞌi uikai tukupteꞌen e tuwepe Tupana wuatꞌi tominug koꞌi pe tukupteꞌen yian mete turan.

Ewesu 1:17

-Uruꞌywot koro En ni urupotypot Iesui eTupana are. Etum no Epaꞌãu poꞌog tawa Ewesu piaria pe ekuap poꞌog poꞌog mono areꞌe Tupana pe. Uwe En sese hap kuap hamuat atikyꞌesat. Epaꞌãu kaipyi iweꞌeg kahato rakaria wo tukupteꞌen hap atikyꞌesat are. Etiꞌatumoẽtyhot ro iꞌatuwanetup hap are. Etihep yt iꞌatuehapytig i hap miꞌi hawyi heremo iꞌatuwanetup hawe etum Esaꞌyru mohey hap Tupana are.

Ewesu 1:20

Tupana esaika hap iwato kahato uruete are aikotã saꞌawyꞌi etihep urukaꞌiwat guꞌuro pyi hap ewy esaika are. Miꞌi hawyi -Eraꞌapyk o meiũpe uipo sese kai ere itote Esaꞌyru pe. Eraꞌapyk to mesuwe atipy pe ere. Miꞌi hawyi topyhuꞌat eꞌe hap ewy esaika sese hap ewywuat topyhuꞌat. Esaika kahato hap ewy etimoherep uruepe Esaꞌyru mohey haria pe are Tupana pe aat kaꞌap.

Ewesu 2:6

Miꞌi hawyi aimoieineꞌen Tosaꞌyru suu wo. Miꞌi hawyi Tupana ainug Aipotypot Iesui emiit no wẽtup piit ewy watoineꞌen iwywo. Miꞌi hawyi karãpe Iesui tuwẽtem guꞌuro pyi miꞌi hap iꞌewyte watuwẽtem guꞌuro pyi hap ewy wẽtup puꞌi yn aito watomohey hawyi.

Ewesu 3:10

Koitywy koran mesuwat eꞌat pe Aiꞌakag Iesui timoherep kahato toweꞌeg kahato hap mo ahepe iꞌewyte yne atipy piaria pe. Koitywy atipy piaria Surara Akag wo toineꞌen Iesui iꞌewyte Tupana etawa piaria atipy piaria tikuap taꞌyn Tupana weꞌeg kahato hap koꞌi katupono ahowawi Iesui mohey haria kape teꞌerahaꞌat kahato hawyi teꞌeroꞌe toꞌope -Pywo ti Tupana iweꞌeg poꞌog torannia kai katupono yne ywania toiꞌatuehakyeraꞌat kuap iꞌatuꞌe.

Ewesu 6:12

Katupono ahiag ahewanikap sese topyhuꞌat. Ahiag esuraraꞌin wywo watuꞌuka maꞌãu saꞌag kawiat. Ahiag emiit koꞌi atipy piaria ewywuat ahiagnia tukupteꞌen mesuwat yi tote miitꞌin yt naku i nug haria akag wo. Yt heremo i maꞌãu saꞌag wen maꞌato hesaika kahato miitꞌin powyro yt naku i nug hamo. Yt naku i nug haria akag wo tukupteꞌen miꞌiria.

Wiripu 2:11

Miꞌi hap eꞌat pe yne yne toꞌe -Pywo ti pywo ti Iesui Tupana Mipoꞌoro Aiporekuat nuat Aikaꞌiwat koro wuat iꞌatuꞌe aru torannia. Tuwemohit kahato saꞌawyꞌi Iesui miꞌi pote ti aru Tupana timowato kahato Aikaꞌiwat. Mekewat eꞌat pe yne yne -Tupana iꞌatuꞌe Emipoꞌoro Aiporekuat nuat Aikaꞌiwat sese hap uruikuap taꞌyn iꞌatuꞌe. Uruimotypot kahato En iꞌatuꞌe. Uruꞌywot sese En iꞌatuꞌe aru. Maꞌato aito aikotã Iesui tuwemohit waku watuwemohit ewy are.

Epereu 8:5

Pyno mesuwarotiat Tupana eiam Muisei minug yahig notiat aikotã Tupana eiam sese atipy piat iãꞌãkap ewy kahato. Ahepaꞌiria mekewat sokpe kawiat piat motpap nug haria tukupteꞌen atipy pe Tupana eiam notiat motpap ewywuat Ahepaꞌi Wato Iesui iãꞌãkap ewywuat. Aikotã Tupana toꞌe Muisei pe haꞌawyte mio tã e -Eweꞌeg o Muisei e. Waku etunug o uimotypot yat uiꞌe hap ewy e. Atikyꞌesat hãpyk kahato uiꞌe hap ewywuat hap e. Aikotã atomoherep epe saꞌawyꞌi yityꞌok tote hap ewy etunug o atipy pe e. Kat kupitu kat kupitu areꞌe yityꞌok tote hap ewy etunug o e Tupana Muisei pe tutunug inug hap eꞌyian mete.

Epereu 9:23

Hãꞌãkap wuo Tosaꞌyru suu aat hat ete mekewat atipy kaipywiat suut hat ete ihay. Aihũ aimiꞌauka koꞌi saꞌawyꞌi wuat Iesui auka hap ete ihay yian mete. Iesui suu yn waku yne koho hamo yi tote iꞌewyte atipy pe e. Poꞌog waku Iesui suu aihũria suu aat hap kai katupono -Eihũ Sese Uhaꞌyru moherep hap eihũria toineꞌen e. Miꞌi ti ikuꞌuro eikawiatno e Tupana ahepe.

1 Peteru 1:3

Saꞌawyꞌi Aipotypot Iesui ikuꞌuro hawyi Tupana timoieineꞌen guꞌuro pyi. Saꞌawyꞌi yt watomohey hin i aikuꞌuro hawywiat aheineꞌen i hamuat hap. Maꞌato mesup koitywy watomohey kahato kat pote Aiꞌywot Tupana tihep taꞌyn Aikaꞌiwat ikuꞌuro hap kaipyi. Miꞌi pote koitywy -Waku kahato En Tupana. Poꞌog wakuat torannia kai urutoꞌe kat pote egyiꞌat kahato uruepe. Urukyꞌe kahato En. Poꞌog poꞌog torannia miitꞌin kai urukyꞌe hat En katupono etihep taꞌyn urukaꞌiwat hyp hawyi urutoꞌe.