Epereu 7:9 - Sateré-Mawé

⁹ Pyno saꞌawyꞌi wuat ahaꞌaseꞌi koro Aparãu tum naꞌyn paꞌi koro Mekeseteki pe tomiium koꞌi. Pyno Aparãu topyhuꞌat paꞌi Irewi eꞌaseꞌi. Miꞌi tupono saꞌawyꞌi paꞌi Irewi topyhuꞌat teꞌaseꞌi Aparãu piit pe. Miꞌi hawyi Aparãu tum tomiium Mekeseteki pe turan paꞌi Irewi iꞌewyte hum tomiium koꞌi Mekeseteki pe Irewi eꞌaseꞌi Aparãu po wo yt tuwemoherep i te turan. Katupono paꞌi Irewi eꞌyian mete haꞌaseꞌi Aparãu tum imiium Mekeseteki pe. Miꞌi turan Irewi toineꞌen ne iãꞌỹi wo Aparãu piit pe imiariru Irewi pote. Miꞌi tã ahaꞌaseꞌi iꞌewyte torannia aito Aparãu emiariruꞌin watum yne aimiium Tupana piat Mekeseteki pe Aparãu saipepiaria iãꞌỹi koꞌi Iesui pote.

Epereu 7:9 ပူးပေါင်းရင်းမြစ်များ

Mateu 7:8

Katupono uwe uwe hẽtup Tupana kape miꞌi ti tomiẽtup ipuẽti kuap Tupana kaipyi. Iꞌewyte ereineꞌen okenꞌypyhyp tote teg teg ere emikyꞌesat ẽtup hamo pote Tupana hoꞌokenhypꞌok toekenꞌypy emikyꞌesat ium hamo.

Humanu 5:12

Nimo te Atãu yt tunug i Tupana mikyꞌesat ewy miꞌi hawyi watopyhuꞌat ahaꞌaseꞌi Atãu ewywuat katupono Atãu ewywuat watunug yt Tupana mikyꞌesat ewywuat i. Nimo te Tupana toꞌe Atãu me -Meke tã etunug saꞌag hawyi ti aru ekuꞌuro hap topyhuꞌat e Tupana Atãu me iꞌewyte yne Atãu mepytꞌin me. Miꞌi hawyi yne aito Atãu ewywuat saꞌag nug haria watopyhuꞌat. Yne ywania raꞌyn miꞌi tã inug. Miꞌi tupono yne miitꞌin ikuꞌuro rakaria wo tukupteꞌen. Watopap yne Tupana e hap ewy.

Epereu 7:10

Saꞌawyꞌi toꞌopuẽti muap tote morekuat Mekeseteki wywo ahaꞌaseꞌi Aparãu. Miꞌi turan ahaꞌaseꞌi paꞌi koro Irewiꞌin ahaꞌaseꞌi Aparãu piit te tukupteꞌen hãꞌỹi ewy yt hẽtyt i te rakat ewy. Miꞌi hawyi taꞌatuium itote ahaꞌaseꞌi Aparãu po wo.

Epereu 7:4

Uiꞌywania waku watuwanetup morekuat Mekeseteki kape katupono Iesui eꞌyian miat iãꞌãkap kahato topyhuꞌat miꞌi. Miitꞌin mimowato kahato miꞌi. Ahaꞌaseꞌi koro Aparãu mimotypot miꞌi. Taꞌi tohoꞌopatꞌok kahato tewanikap pohari hap kaipyi tohoꞌoium wẽtup 10 rakat kaipyi morekuat Mekeseteki pe. Miꞌi ti poꞌog Aparãu kai topyhuꞌat katupono tohoꞌoium tope.

Epereu 7:8

Miꞌi tupono koitywy aito aiꞌywania miium koꞌi watum Irewi ywania pe maꞌato Irewi ywania ikuꞌuro rakaria wo tukupteꞌen torannia maꞌato Ahepaꞌi Koro pakup Iesui yt miꞌi tã i mesup. Aikotã toꞌe saꞌawyꞌi wuat miwan me hap ewy -Miꞌi Miit toineꞌen wuatꞌi eꞌat piat Paꞌi wuat e. En ni Paꞌi wato Mekeseteki ewywuat e miwan me morekuat Tawi wepy hawe.