Epereu 7:3 - Sateré-Mawé

³ Maꞌato Mekeseteki uwe iꞌywot kuap hat yt toꞌe i miwan miat pote. Uwe ity kuap hat yt toꞌe i iwan miat pote. Iꞌewyte uwe imepytꞌin kat ywania hap yt uwe i ikuap yt toꞌe i iwan me pote. Sio iꞌywaĩꞌĩ hap toĩ sio yt hap yt watikuap i yt toꞌe i pote. Sio ikuꞌuro sio yt hap yt toꞌe i pote yt watikuap i. Yt uwe i ikuap miꞌi pote wuatꞌi eꞌat piat miit ewy topyhuꞌat morekuat Mekeseteki. Miꞌi pote wuatꞌi eꞌat piat miitꞌin epaꞌi koro ewywuat topyhuꞌat. Miꞌi pote Tupana Saꞌyru ewywuat kahato topyhuꞌat. Miꞌi Ahepaꞌi wuatꞌi eꞌat piat iãꞌãkap kahato.

Epereu 7:3 ပူးပေါင်းရင်းမြစ်များ

Mateu 4:3

Miꞌi turan putꞌok e ahiag itote hãꞌãg hamo. Miꞌi hawyi toꞌe Iesui pe -Mehin e pywo Tupana Saꞌyru sese En mote etunug no meikowat nu koꞌi kawiat man emiꞌu wo e Iesui pe.

Epereu 4:14

Maꞌato toineꞌen wẽtup aikawiatno hat ihay Tupana wywo rakat Miꞌi Miit ri Ahepaꞌi sese Iesui. Haꞌawytepyi tutunug yne Toꞌywot mikyꞌesat oktan hawyi ti taꞌam atipy kape. Teke raꞌyn Toꞌywot wywuat pe Ahepaꞌi Koro sese. Miꞌi tupono waku watomohey Miꞌi Miit aikuꞌuro hap kape. Miꞌi tupono waku watoꞌe yne eꞌat pe howawi -Woromohey En Iesui watoꞌe waku.

Epereu 7:1

Pyno ahenoi teran saꞌawyꞌi wuat paꞌi wato Mekeseteki etiat. Miꞌi ti morekuat no topyhuꞌat mekewat Ierusarẽi notiat maꞌato mekewat eꞌat pe tawa Sareĩ iꞌatuꞌe taꞌatupusu puo maꞌato aipusu puo tawa woꞌowese e hap watoꞌe. Saꞌawyꞌi ti Tupana tiꞌairo temiit Mekeseteki paꞌi koro wuat miitꞌin ehay enoi tepiat hamuat. Tupana poꞌog ywaiti wuatꞌi kawiat miꞌairo Mekeseteki. Saꞌawyꞌi Aparãu taꞌaipok woꞌoꞌauka hap wato kaipyi wanikaptiaria atuuka hap kaipyi. Iꞌatuekat yne topo piat wywo tuut. Miꞌi hap tote muap upi paꞌi wato Mekeseteki tipuẽti. Miꞌi hawyi toipoityro ahaꞌaseꞌi Aparãu.

Epereu 7:17

Pyno ti mekewat miwan me mio tã e saꞌawyꞌi te Tupana toꞌe -Uhaꞌyru mesup woroꞌairo En miitꞌin Epaꞌi Koro wo maꞌato yt karãpe i raꞌyn ekahuro En Paꞌi Porekuat no hap e. Paꞌi Mekeseteki ewy En e saꞌawyꞌi Tupana Tawi wepy 110.4 hap we.

Epereu 7:2

Miꞌi hawyi Aparãu hoꞌoium tope wanikaptia pohari hap koꞌi ipatꞌok. 10 rakat kaipyi tutum wẽtup iwat. Iwato tutum paꞌi akag Mekeseteki pe. Mekeseteki set aipusu puo woꞌoewaku nug hat akag e. Miꞌi ti morekuat tawa Sareĩ totiat. Sareĩ aipusu puo woꞌowese hap. Miꞌi pote Mekeseteki topyhuꞌat woꞌowese hap nug hat akag aipusu puo e. Aipotypot Iesui ewywuat topyhuꞌat morekuat Mekeseteki.

Epereu 7:6

Maꞌato paꞌi koro Mekeseteki yt Irewi ywania hin i. Yt Aparãu kaipywiat i maꞌato yt uwe i ikuap kat ywania morekuat Mekeseteki toineꞌen. Miꞌi kape ahaꞌaseꞌi sese hum wuatꞌi kat koꞌi kat koꞌi. Toipatꞌok hawyi tohoꞌoium paꞌi Mekeseteki pe. Miꞌi hawyi paꞌi Mekeseteki tipoityro raꞌyn ahaꞌaseꞌi Aparãu e -Tupana emowato e Aparãu me. Tupana mipoityro toipoityro te.