Pywo ti rat paꞌi kororia koꞌi Irewiꞌin kaipyi yt tuut i aimohãpyk hap Tupana wywuat hap. Yt kat i rat ahehakyeraꞌat hap miꞌiria kaipyi. Aiꞌywania ewaĩ hap yn tuwemoherep ainapin Tupana kaipywiat hap Tupana ehay kat som waku watunug hap watikuap Muisei eꞌaseꞌi Irewi wẽ pyi. Irewi ywania kaipyi Muisei tuwemoherep maꞌato Tupana toꞌe saꞌawyꞌi -Tuut aru wẽtup ok Ehepaꞌi Koro pakup e. Miꞌi Miit ti Paꞌi Koro Mekeseteki ewywuat toineꞌen e Tupana saꞌawyꞌi morekuat Tawi pe. Pyno Ahepaꞌi Koro sese yt tuut i Muisei ywotꞌin Irewi ywania kaipyi iꞌewyte yt Muisei ywania kaipyi i te wy. Miꞌi pote paꞌi Muisei ehay yt aimohãpyk kuap i Tupana wywo. Maꞌato aimohãpyk hamuat Tupana tipoꞌoro wẽtup ok i Aiporekuat no Ahepaꞌi Koro wo mekewat Mekeseteki Ewywuat Ahehakyeraꞌat Hat Iesui.
Epereu 7:13 - Sateré-Mawé13 Ahaꞌaseꞌi Muisei yt kaipyi hin i Ahepaꞌi Koro Iesui. Yt Muisei suu yt ewywuat i katupono Ahaꞌaseꞌi Iuta emiariru Emiariru ti Iesui. Yt karãpe i ahaꞌaseꞌi Iuta emiariruꞌin tukupteꞌen ahepaꞌi koro wo. Yt karãpe i Iuta ywania tum aihũria Tupana pe aria pe mekewat yparakai aihũ wuk hap nu kawiat tote. Maꞌato miꞌi pykai mesup topyhuꞌat Ahepaꞌi Akag wo Iesui mekewat Mekeseteki ewywuat. အခန်းကိုကြည့်ပါ။ |
Epereu 7:13
6 ပူးပေါင်းရင်းမြစ်များ
Pyno Ahepaꞌi Koro ipakup takat yt Irewi ywania ewywuat i maꞌato wẽtup kaipyi raꞌyn ipakup takat toineꞌen. Ahepaꞌi Pakup Iesui kaipyi ainapin Irewi piat yt hap ewy i. Iꞌewyte Irewi emiariru Muisei yt ewywuat i. Iꞌewyte Muisei ywyt Arãu yt kaipyi i Iesui maꞌato Ahepaꞌi Pakup Iesui kaipyi raꞌyn ainapin hap tuut aimohãpyk kuap Tupana wywuat hap sese. Muisei piat ainapin hap yt ewywuat i.
Iꞌewyte watikuap kahato ahaꞌaseꞌi Iuta emiariru emiariru kaipywiat tuut Ahehakyeraꞌat hat Tupana Mipoꞌoro Aiporekuat nuat hap. Maꞌato Tupana yt toꞌe i -Iuta ywania kaipyi tuwẽtem ahepaꞌi koro yt e i. Maꞌato watikuap Iesui topyhuꞌat Ahepaꞌi Koro wo hap maꞌato wẽtup kaipyi Mekeseteki paꞌi koro ewywuat. Yt Irewi ywania i maꞌato Mekeseteki ewywuat e hap kaipyi watikuap.