Epereu 7:10 - Sateré-Mawé

¹⁰ Saꞌawyꞌi toꞌopuẽti muap tote morekuat Mekeseteki wywo ahaꞌaseꞌi Aparãu. Miꞌi turan ahaꞌaseꞌi paꞌi koro Irewiꞌin ahaꞌaseꞌi Aparãu piit te tukupteꞌen hãꞌỹi ewy yt hẽtyt i te rakat ewy. Miꞌi hawyi taꞌatuium itote ahaꞌaseꞌi Aparãu po wo.

Epereu 7:10 ပူးပေါင်းရင်းမြစ်များ

Epereu 5:6

Miꞌi hawyi toꞌe Tupana wẽtup miwan me -Uhaꞌyru e woronug en wuatꞌi eꞌat piat wuatꞌi ywania Paꞌi Koro wuat woronug En mekewat aikotã saꞌawyꞌi te wuat paꞌi koro Mekeseteki hap het rakat ewywuat sese Uhaꞌyru e saꞌawyꞌi morekuat Tawi Tosaipepiat Iesui etiat 110.4 miwan me.

Epereu 7:11

Pywo ti rat paꞌi kororia koꞌi Irewiꞌin kaipyi yt tuut i aimohãpyk hap Tupana wywuat hap. Yt kat i rat ahehakyeraꞌat hap miꞌiria kaipyi. Aiꞌywania ewaĩ hap yn tuwemoherep ainapin Tupana kaipywiat hap Tupana ehay kat som waku watunug hap watikuap Muisei eꞌaseꞌi Irewi wẽ pyi. Irewi ywania kaipyi Muisei tuwemoherep maꞌato Tupana toꞌe saꞌawyꞌi -Tuut aru wẽtup ok Ehepaꞌi Koro pakup e. Miꞌi Miit ti Paꞌi Koro Mekeseteki ewywuat toineꞌen e Tupana saꞌawyꞌi morekuat Tawi pe. Pyno Ahepaꞌi Koro sese yt tuut i Muisei ywotꞌin Irewi ywania kaipyi iꞌewyte yt Muisei ywania kaipyi i te wy. Miꞌi pote paꞌi Muisei ehay yt aimohãpyk kuap i Tupana wywo. Maꞌato aimohãpyk hamuat Tupana tipoꞌoro wẽtup ok i Aiporekuat no Ahepaꞌi Koro wo mekewat Mekeseteki Ewywuat Ahehakyeraꞌat Hat Iesui.

Epereu 7:5

Saꞌawyꞌi aseꞌi Aparãu emiariru Irewi e hap het rakat toineꞌen ahepaꞌi koro wo. Miꞌi hawyi yne Irewi saipepiaria tukupteꞌen ahepaꞌi wo. Miꞌiria pe mesup watum aimiium koꞌi Irewi saipepiaria pe paꞌi kororia pote Irewi saipepiaria pote. Aikotã Tupana toꞌe hap ewy -Ehoꞌoium o uhepe eimikoi hat koꞌi wẽtup 10 rakat kaipyi paꞌi koro Irewi saipepiaria pe e hap ewy. Kat e hap kat e hap eimipuẽti kaipyi ehoꞌoium o uhepe wẽtup 10 piat e Tupana. Pyno mesup te aito Aparãu emiariruꞌin koꞌi wahoꞌoium ahekat paꞌi koro Irewi saipepiaria pe. Maꞌato saꞌawyꞌi Irewi tum tekat Paꞌi Koro Mekeseteki pe katupono Irewi eꞌaseꞌi Aparãu tum tekat Paꞌi Koro Mekeseteki pe pote Irewi tum wy tekat Paꞌi Koro Mekeseteki pe teꞌaseꞌi Aparãu po wo tutum hap ewy. Miꞌi pote Paꞌi Mekeseteki Saipepiat Iesui topyhuꞌat poꞌog Ahepaꞌi Koro wo ahepaꞌi koro Irewi saipepiaria kai katupono Irewi iꞌewyte hum haꞌup Paꞌi Koro Iesui Mekeseteki Saipepiat pe.

Epereu 7:9

Pyno saꞌawyꞌi wuat ahaꞌaseꞌi koro Aparãu tum naꞌyn paꞌi koro Mekeseteki pe tomiium koꞌi. Pyno Aparãu topyhuꞌat paꞌi Irewi eꞌaseꞌi. Miꞌi tupono saꞌawyꞌi paꞌi Irewi topyhuꞌat teꞌaseꞌi Aparãu piit pe. Miꞌi hawyi Aparãu tum tomiium Mekeseteki pe turan paꞌi Irewi iꞌewyte hum tomiium koꞌi Mekeseteki pe Irewi eꞌaseꞌi Aparãu po wo yt tuwemoherep i te turan. Katupono paꞌi Irewi eꞌyian mete haꞌaseꞌi Aparãu tum imiium Mekeseteki pe. Miꞌi turan Irewi toineꞌen ne iãꞌỹi wo Aparãu piit pe imiariru Irewi pote. Miꞌi tã ahaꞌaseꞌi iꞌewyte torannia aito Aparãu emiariruꞌin watum yne aimiium Tupana piat Mekeseteki pe Aparãu saipepiaria iãꞌỹi koꞌi Iesui pote.