Epereu 5:12 - Sateré-Mawé

¹² Motꞌi eweikupteꞌen Iesui mohey haria pykai -Urumuꞌe i ro eweiꞌe yn yt uruikuap i te ti urumuꞌe hap Tupana eha etiat eweiꞌe aat kaꞌap haria eipe. Are paĩ koitywy ti waku raꞌyn miitꞌin muꞌe haria wo eweikupteꞌen maꞌato ti yt itag i te Tupana ehay kuap hap etiaria eiperia are. Miꞌi hawyi ikuap perup i haria eweikupteꞌen. Miꞌi pote miitꞌin mimuꞌe wo te neꞌi eweikupteꞌen. Miꞌi pote -Uruiwaure raꞌyn saꞌawyꞌi te wuat urumuꞌe hap e haria wo eipe. Miꞌi pote urumuꞌe i ro mehin mana mekewat saꞌawyꞌi wuat sehay Tupana etiat ehenoi i ro uruepe eweiꞌe. Aikotã hirokat ihire te rakat ewy eweikupteꞌen Tupana ehay kuap hap ete. Aikotã aimepyt hit yt tenuk kuap i iheg kahato rakat ete hap ewywuat kahato eweikupteꞌen Tupana ehay u hap ete. Aikotã aimepytꞌin mi hy yn ikyꞌesat hap ewy eweikupteꞌen. Tupana ehay miꞌu puꞌi ewywuat u hap ete yt eweikuap kuap i.

Epereu 5:12 ပူးပေါင်းရင်းမြစ်များ

Mateu 17:17

Miꞌi hawyi Iesui itotiaria pe toꞌe -Pyno eiperia miitꞌin yt uimohey haria i. Areineꞌen motꞌi apo eiwywo pykai yt uimohey i te. Miꞌi hawyi toꞌe -Eterut ro meikowo kurum hin e.

Maku 9:19

Miꞌi hawyi Iesui toꞌe -Taꞌi yt uimohey i haria miitꞌin mesuwat yi totiaria. Karania eꞌat ti aru areineꞌen eiwywo eimuꞌe uimohey mono uiꞌe haype e. Karamuo putꞌok e uimohey ehepiat hap worohoꞌomuꞌe motꞌi pykai e. Pyno eterut ro meikowo uhewowi esaꞌyru e Iesui ahiag ipiit piat rakat ywot pe.

Iesui Potmuꞌeria 7:38

Saꞌawyꞌi toiꞌatunapin kahato aiꞌywania Isareu ywania mekewat yityꞌok Sinai e hap tote aikotã atipy kaipywiat henoi tope hap ewy tohenoi ahepe saꞌawyꞌi sehay wuatꞌi eꞌat piat tohenoi aiꞌywania pe e.

Humanu 3:2

Pywo ti keĩ waku kahato topyhuꞌat Iuteuria ywania. Uito Pauru ti Iuteu ywania sese are. Waku kahato Iuteu katupono yne ywania eꞌyian mete Tupana tum tehay uruꞌywania pe. Saꞌawyꞌi tuwemoherep sese urueꞌaseꞌiꞌin me. Saꞌawyꞌi Tupana ihay kahato uruꞌywania miwan me katupono tuwemoherep teran wuatꞌi ywania pe urumiwan wo.

1 Kuriniu 14:19

Maꞌato karãpe watuweꞌatunug Tupana motypot hamo turan yt uhehay teran hin i mekewat atipy piat pusu puo neꞌi waꞌatunug haria pyꞌasetpe. Maꞌato aimikuap pusu puo yn uhehay teran. Poꞌog waku watiꞌatumuꞌe kurin kurin iraniaꞌin iꞌatumikuap sehay puo 5 sehay yn hap ewy sio ahehay aat kaꞌap wẽtup 1 miu sehay ewy yt uwe mikuap i pusu puo.

1 Kuriniu 14:20

Pyno waku watoineꞌen hirokaria ewy aikotã hirokaria yt taꞌatukuap hin i saꞌag nug hap. Miꞌi hap ewy waku watopyhuꞌat uheinytꞌin uheꞌywytꞌin. Maꞌato yt naku i watuwanetup hirokat ewy katupono yt teꞌeruwanetup kuap kahato i te wakuat sehay enoi hap kape hap ewy neꞌi.

Karasia 4:3

Karãpe atunug yne teran Tupana woꞌonapin hap uhehakyeraꞌat hamo aiꞌe pote watoineꞌen aikotã waĩꞌe hat po pe. Aikotã aihire te turan aiꞌywot ikuꞌuro rakat powatꞌyp iheg me kahato toineꞌen rakat hap ewywuat watoineꞌen mesuwe.

Wiripu 3:1

Pyno ahenoi kurin hawyi toran naꞌyn uimiwan. Uheꞌywytꞌin uheinytꞌin atikyꞌesat kahato Aikaꞌiwat Iesui eimowepiit kahato hap. Miꞌi eimowepiit hamuat ahẽtup tope. Saꞌawyꞌi worohoꞌonapin uimiwan me -Toꞌiro eiwemowepiit katupono Iesui mikyꞌeria kahato eipe are raꞌyn ehepe saꞌawyꞌi. Miꞌi uiꞌe hap areꞌe i ehepe aikotã areꞌe saꞌawyꞌi ehepe areꞌe i raꞌyn eiwemowepiit ro are. Yt aremoti hin i aikotã saꞌawyꞌi uimiwan me areꞌe typua i typua i ahenoi eiwemowepiit ro e hap ete katupono atikyꞌesat kahato einapin uhepiat hap topyhuꞌat kahato eiwanetup hawe. Miꞌi hawyi yt uwe i eimaꞌat kuap einapin wẽtup etiat hamo. Yt pywo rakat i etiat hap yt uwe i einapin kuap.

Korosi 3:16

Sehay wakuat Aipotypot etiat Iesui etiat Tupana tikyꞌesat kahato aiwanetup hawe aipyꞌa pe. Toikyꞌesat yne Iesui mienoi aikai howapy sakpo hap ti raꞌyn toikyꞌesat. Toikyꞌesat yne Tosaꞌyru ehay aipyꞌa pyi tuwẽtem nakat aikotã hekat rakat hegyiꞌat rakat tum hap ewy. Toikyꞌesat ahegyiꞌat kahato hap tehay wywuat torannia pe. Toikyꞌesat watiꞌatumuꞌe kahato iraniaꞌin tehay wepy puat hap. Toikyꞌesat watiꞌatumuꞌe kahato tehay wo iraniaꞌin hap yne aiweꞌeg hap wywo waku aiwoꞌomuꞌe hamo. Toikyꞌesat morekuat Tawi wepy hawuo watuwepy hap. Toikyꞌesat tehay kaipywiat hap watuwehum kahato tewowiat wepy hamuat wuatꞌi ehamo hap. Toikyꞌesat watuwepy mekewat sehay ikahu rakatno tuetiat hamo. Toikyꞌesat watuwepy mekewat saꞌawyꞌi wuat wepy hap pyi. Toikyꞌesat towawiat wepy hap aipyꞌa pywiat hap Topaꞌãu wywo. Toikyꞌesat watuwehum tewowiat wepy hap mywo -Waku kahato En aiꞌe hap toikyꞌesat. -Emiium waku kahato Tupana aiꞌe hap toikyꞌesat.

Epereu 10:32

Watomohey saꞌawyꞌi Iesui hawyi ahehakyeraꞌat hap topyhuꞌat kahato ahete. Miꞌi hap eꞌat pe ahewyry waku pe kahato heremo yne Tupana aiwanetup hawe. Aiwepiit hap yn ahete. Miꞌi hawyi miitꞌin teꞌeruwekyryꞌi kahato ahete e. Miꞌi hawyi ahatyꞌi hatyꞌi kahato miꞌiria. Miꞌi hap wahoꞌopot kahato.

Epereu 5:11

Uiwyriaꞌin worohoꞌomuꞌe teran Paꞌi Mekeseteki Saipepiat ete. Ahenoi teran poꞌog Iesui ete wen maꞌato ehewaure kaꞌa iperup kahato Tupana ehay etiat kuap hamo. Taꞌi eweiket kahato eiwanetup hawe Tupana etiat eimuꞌe turan miꞌi pote yt worohoꞌomuꞌe kuap i yne Ahepaꞌi Akag etiatno.

Epereu 5:13

Niatpo rakat saꞌawyꞌi wuat Tupana ehay etiat kurin kurin eweikuap. Aimepyt ihup te rakat ewy mi hy yn toisym kuap ewywuat eipe katupono yt eweikuap i te kat koꞌi kat koꞌi som sio pywuat sio yt pywuat i hap. Sio waku watunug sio yt naku i watunug e hap katupono Tupana pywuat hap yt eweikuap i te sio waku sio yt Tupana e hap yt eweikuap i te pote.

Epereu 6:1

Saꞌawyꞌi kurin kurin watikuap Aipotypot Iesui etiat. Kurin kurin watikuap ihay etiat. Iꞌewyte saꞌawyꞌi aipotmuꞌeria Iuteuria aimuꞌe kurin kurin Tupana Mipoꞌoro Aiporekuat nuat ete. Miꞌi koꞌi toineꞌen ne aiwanetup hawe. Waku miꞌi koꞌi wen maꞌato poꞌog waku watikuap yne yne Iesui e hap yne yne iminug koꞌi e. Waku watuwemotag ikuap hap ete. Yt naku i watopyhuꞌat mekewat aimikuap hit hap ewy yn. Saꞌawyꞌi -Ewetoiat ro eiminug saꞌag koꞌi hawyi ewetomohey ro Tupana iꞌatuꞌe ahepe hawyi iꞌatuehay upi watuwat.

1 Peteru 2:2

Kat pote Tupana sakiꞌytꞌin Tupana saꞌyruꞌin sok aito miꞌi pote waku watikyꞌesat kahato Tupana ehay aikotã aimepyt hit tikyꞌesat kahato mihy hap ewy. Pyno watuꞌu kahato Tupana ehay hawyi ahehãite aikap aipiit hesaika aimotag hap topyhuꞌat aikotã aimepyt pakup mihy ete itag hap ewy.

1 Peteru 4:11

Pyno iraniaꞌin aitoria Tupana mimuꞌeria kahato ahehay se kahato Iesui etiat moherep hamo aimuꞌe kahato. Ahẽku ete tutum tesaika hap tehay moherep hamuat. Miꞌi pote karãpe watiꞌatumuꞌe miitꞌin waku ahehay watimoherep aipyꞌa pyi aikotã Tupana ihay aiwẽ pyi Topaꞌãu kaipyi hap ewy waku watimoherep Tupana ehay. Maꞌato iraniaꞌin yt ahehay kuap i rakaria Tupana tikyꞌesat aipo wywo aipy wywo watiꞌatupowyro miitꞌin hap. Miꞌi pote tutum ahepe iraniaꞌin me tesaika hap miitꞌin eropat hamuat. Tupana aimuꞌe kahato aipyꞌa pyi aikotã aikotã waku watunug miitꞌin eropat hap ete. Miꞌi hawyi tutum ahepe tesaika hap wakuat sese nug aipo wywo aipiit wywo hamuat hap. Pyno kat som tutum ahepe sepap nug hamuat hap koꞌi miꞌi pote waku i oktan watimoꞌẽ miitꞌin me Tupana motypot hamuat Aipotypot Tupana Mipoꞌoro Iesui motypot hamuat hap koꞌi are. Pyno ahẽtup uiwy Iesui pe -Atikyꞌesat kahato ereineꞌen Wuatꞌi Miitꞌin Porekuat no hap. Atikyꞌesat En Wuatꞌi Miitꞌin Mimotypot no. Mesup wuatꞌi eꞌat pe aru atikyꞌesat En yne mesuwarotiaria emiitꞌin sem akag wo. Miꞌi ti mesup ahẽtup are waku.