Epereu 5:11 - Sateré-Mawé

¹¹ Uiwyriaꞌin worohoꞌomuꞌe teran Paꞌi Mekeseteki Saipepiat ete. Ahenoi teran poꞌog Iesui ete wen maꞌato ehewaure kaꞌa iperup kahato Tupana ehay etiat kuap hamo. Taꞌi eweiket kahato eiwanetup hawe Tupana etiat eimuꞌe turan miꞌi pote yt worohoꞌomuꞌe kuap i yne Ahepaꞌi Akag etiatno.

Epereu 5:11 ပူးပေါင်းရင်းမြစ်များ

Mateu 13:15

Pyno miꞌi hap ewy ti miitꞌin wanetup hap yt tuweꞌapypykuap i teꞌerewaure kaꞌa hik neꞌi. Iꞌewyte teꞌerehahik neꞌi. Taꞌatupyꞌa piat iheg kahato raꞌyn topyhuꞌat. Maꞌato uiꞌe hap teke iꞌatupyꞌa pe iꞌewyte tehaꞌat sese uhewowi hawyi teꞌeruwemorem kuap i Tupana ewowi. Mio tã hap ewy pote atiꞌatumog kuap iꞌatuminug saꞌag hap koꞌi upi e Tupana moherep hat tomiwan me.

Maku 8:21

Miꞌi hawyi Iesui toꞌe -Yt eweikuap i apo kat etiat som ahenoi teran e.

Iruka 24:25

Miꞌi hawyi Iesui toꞌe iꞌatuepe -Are paĩ kat poteĩ yt eweimohey i te saꞌawyꞌi wuat Tupana ehay enoi haria miwan miat e hap koꞌi apo e.

Iuwãu 16:12

Poꞌog wyti ahenoi teran ehepe mesuwat etiat wen maꞌato ti eiwanetup hap yt putꞌok e i ikuap hamo e.

Iuwãu 6:6

Mio tã e Wiripi iãꞌãg hap katupono miꞌi ikuap aikope pyi miꞌu toipuẽti kuap miitꞌin poi hamuat hap.

Iesui Potmuꞌeria 28:27

-Eipyꞌa heg kahato ti ereꞌe ro iꞌatuepe. Ehewaure kaꞌa puo ewehẽtup aat kaꞌap wen maꞌato yt eweikuap hin i te katupono eipyꞌa pe yt eweiꞌakasa teran i pote e. Taꞌi yt ewehẽtup teran hin i ehewaure kaꞌa puo uhehay. Miꞌi pote yt ewetunug neran i eipyꞌa pe e. Miꞌi pote ti yt kat i eimopakup i hap e. Miꞌi pote ti yt worohoꞌoehakyeraꞌat kuap i e ti Tupana saꞌawyꞌi aiꞌywotꞌin me ehetiat pe tehay moherep hat Isaia miwan me e Pauru Iesui pun haria pe.

Epereu 5:10

Tohoꞌopot kahu hawyi. -Pywo sese hãpyk takat miit En e Tupana tope. Ewaku hap uiat ewy pote waku En yne miitꞌin Epaꞌi wo e. En ni mekewat paꞌi wakuat saꞌawyꞌi wuat Mekeseteki ewywuat e. Paꞌi Mekeseteki Saipepiatno Sese woronug En e Tosaꞌyru pe.

Epereu 5:12

Motꞌi eweikupteꞌen Iesui mohey haria pykai -Urumuꞌe i ro eweiꞌe yn yt uruikuap i te ti urumuꞌe hap Tupana eha etiat eweiꞌe aat kaꞌap haria eipe. Are paĩ koitywy ti waku raꞌyn miitꞌin muꞌe haria wo eweikupteꞌen maꞌato ti yt itag i te Tupana ehay kuap hap etiaria eiperia are. Miꞌi hawyi ikuap perup i haria eweikupteꞌen. Miꞌi pote miitꞌin mimuꞌe wo te neꞌi eweikupteꞌen. Miꞌi pote -Uruiwaure raꞌyn saꞌawyꞌi te wuat urumuꞌe hap e haria wo eipe. Miꞌi pote urumuꞌe i ro mehin mana mekewat saꞌawyꞌi wuat sehay Tupana etiat ehenoi i ro uruepe eweiꞌe. Aikotã hirokat ihire te rakat ewy eweikupteꞌen Tupana ehay kuap hap ete. Aikotã aimepyt hit yt tenuk kuap i iheg kahato rakat ete hap ewywuat kahato eweikupteꞌen Tupana ehay u hap ete. Aikotã aimepytꞌin mi hy yn ikyꞌesat hap ewy eweikupteꞌen. Tupana ehay miꞌu puꞌi ewywuat u hap ete yt eweikuap kuap i.

2 Peteru 3:16

Taꞌi mio tã e Pauru Tupana uut hap etiat tohenoi tomiwan miat. Yne tomiwan me mio tã e. Aimuꞌe kahato mekewat sehay wo. Pyno niatpo kahato aimuꞌe wen mekewat sehay wo. Yt watikuap i kahato ti yne aiwy Pauru miwan koꞌi. Miꞌi pote tukupteꞌen yt weꞌeg i haria mekewat Pauru ehay ywyk haria. Miꞌi pote ti mehin Pauru miwan kaipyi eimuꞌe wen maꞌato ti yt aimuꞌe hat Pauru mienoi ewy sese i. Taꞌi miꞌi haria ti iꞌatu kahato. Kat pote mekewat Pauru miwan etiat yt wemuꞌe kahato haria pykai i are. Miꞌi pote Iesui mohey ran haria iꞌewyte Tupana mipoꞌororia ran nakaria pote Tupana ehay pun haria miꞌiria. Iꞌewyte taꞌatueroꞌok taꞌyn imienoi kat e hap kat e hap. Miꞌi hawyi ti taꞌatuwanetup hap kaipyi raꞌyn taꞌatunug yt Pauru e hap ewy i. Miꞌi hap kaipyi ti teꞌeruwemaꞌat Tupana ehay ran enoi hap ete. Miꞌi hawyi Tupana mimoma haria teꞌeropyhuꞌat.