Maꞌato ti tukupteꞌen Tupana mohey haria yne ywania kawiat. Miꞌiria tukupteꞌen toꞌywania pyꞌasetpe Tupana mikyꞌesat nug haria wakuat nug haria Iuteu ywania iꞌewyte yt Iuteuria i are. Miꞌiria Tupana mimotypot koꞌi tukupteꞌen. Miꞌiria pe -Worohoꞌonug eipe wuatꞌi miitꞌin mimotypot no wuatꞌi eꞌat pe e Tupana. Worohoꞌonug eipe uimimowepiit haria sese aat kaꞌap wuatꞌi eꞌat pe aru e Tupana wakuap nug haria pe Iuteu ywania kawiaria pe iꞌewyte wakuap nug haria iraniaꞌin ywania kawiaria pe.
Epereu 2:7 - Sateré-Mawé7 Tupana koitywy urumotypot hap iwato kahato aikotã atipy piaria ewy urumotypot En e. Kat poteĩ urukyꞌe miꞌi kupitu e. Koitywy urueykeꞌet etunug Yne Yne Eminug Koꞌi Apykok Hatno e. Taꞌi imotypot kahato hat En. Urueykeꞌet Painug Kahato Hat En Tupana e miwan me. အခန်းကိုကြည့်ပါ။ |
Epereu 2:7
7 ပူးပေါင်းရင်းမြစ်များ
Taꞌi Tupana tum aru tomohey haria pe tomotypot haria pe tomikyꞌesat nug hanuaria pe wuatꞌi eꞌat piat iꞌatuieineꞌen hap sese tomepytꞌin saꞌup e. Miꞌiria yt iꞌatupohep hin i Tupana motypot hap ete. Taꞌatuminug wakuap koꞌi wo taꞌatumotypot aat kaꞌap. Yt karãpe i iꞌatukuꞌuro miꞌiria ete e. Katupono tomotypot saꞌup Tupana tum miꞌiria pe wuatꞌi eꞌat piat iꞌatuieineꞌen waku hap.
Uruꞌywot Tupana uruimotypot aat kaꞌap En iꞌatuꞌe. Urupotypot koro wuatꞌi eꞌat piat En iꞌatuꞌe Tupana piat uhehakyeraꞌat hap upi. Yt karãpiat i weityk hat En iꞌatuꞌe. Miitꞌin yt teꞌeraꞌakasa kuap i ewowi rakat En. Wẽtup Tupana yn ereineꞌen. Miꞌi rẽ yt kat i hin i Tupana toineꞌen iꞌatuꞌe hap upi. Miꞌi urumimotypot kahato En. Wuatꞌi kawiat poꞌog ikahu rakat En. Iꞌewyte wuatꞌi eꞌat piat ieineꞌen hat En paĩ iꞌatuꞌe taꞌatukuap Tupana piat uhehakyeraꞌat hap hawyi.
Pyno koran aheha Iesui kape iꞌewyte koitywy howawi aiwanetup hap. Miꞌi raꞌyn topyhuꞌat hap kape aheha. Mekewat poꞌog iwato atipy piaria kawiat hat kape aiwanetup hap. Maꞌato mesuwarotiat toineꞌen turan tuwemohit kahato. Atipy piaria eꞌyi kai te topyhuꞌat. Yt atipy piat ewy hin i toineꞌen Aheykeꞌet mesuwarote tuwepuꞌi nug hap eꞌat pe. Maꞌato hoꞌopot kahato aikawiatno hamo yi tote toineꞌen turan. Ikuꞌuro miitꞌin ehakyeraꞌat hamo. Koitywy Tupana tunug naꞌyn Wuatꞌi Porekuat no. Miꞌi Miit tuwepainug naꞌyn. Miꞌi hawyi Tupana tunug Tosaꞌyru Wuatꞌi Epaꞌi Koro wo raꞌyn e. Mio koitywy Ahepaꞌi Koro wo Iesui raꞌyn katupono Miꞌi Miit ipitpitꞌok yne aiminug saꞌag koꞌi. -Koitywy waku raꞌyn uiwanetup hawe eipe e Tupana ahepe. Koitywy wẽtup miit ewywuat watopyhuꞌat Tupana Aiꞌywot ahepe. Wẽtup mepytꞌin sok yn aito Aheykeꞌet mohey haria e. Taꞌi yt watuwemoti hin i mesup te aiminug saꞌag saꞌawyꞌi wuat ete katupono watomohey Tupana Saꞌyru hawyi wẽtup miit ewy watopyhuꞌat iꞌywot wywo. Eipe uheꞌywytꞌin uheinytꞌin e Iesui ahepe.
ကြော်ငြာတွေ