Epereu 13:12 - Sateré-Mawé

¹² Miꞌi hap ewy kahato Iesui ikuꞌuro pya tawa wato Ierusarẽi pyi tohoꞌopot mekewat tawa Ierusarẽi ekuekai aikawiatno ikuꞌuro Aihũ ewy. Huu taꞌat itote aimowaku hamuat. Iesui tum tosuu itote temiitꞌin moewaku hamo.

Epereu 13:12 ပူးပေါင်းရင်းမြစ်များ

Iruka 4:29

Miꞌi hawyi iꞌatupoĩꞌam naꞌyn Iesui porenotem tawa pywiat hamo hawyi taꞌatuereto raꞌyn yityꞌok ywaiti rakat totiat tawa koꞌi kape. Itote pywiat iꞌokhytpun hamo.

Iuwãu 17:19

Pywo Papai epo pe areineꞌen emikyꞌesat ewy nug hamo. Miꞌi hawyi atikyꞌesat wy uhemiitꞌin epo pe teꞌeropyhuꞌat eimikawiatno sese wuaria wo e.

Iuwãu 19:34

Maꞌato wẽtup surara toto Iesui sakupe suk muruku wato wuat hamo. Toisuk hawyi tuwẽtem huu yꞌy wywo.

Iesui Potmuꞌeria 7:58

Miꞌi pote taꞌatuporenotem Etewãu tawa Ierusarẽi myi. Miꞌi hawyi iꞌauka haria teꞌerekamisa hep ium taꞌatuꞌakag kurum iwasu Sauru po pe. Miꞌi hawyi Sauru toꞌe tesuraraꞌin me -Eweiꞌauka ro Etewãu nu wo e haty wo.

1 Kuriniu 6:11

Miꞌi haria miꞌi nug ewywuat haria sok aito saꞌawyꞌi maꞌato koitywy Tupana timoweityk aiminug saꞌag koꞌi aheko yt naku i nug hap saꞌawyꞌi wuat. Miꞌi hawyi ainug naꞌyn temiit sese wo. Koitywy yt kat i saꞌag Tupana tipuẽti aikai Aikaꞌiwat Iesui miehakyeraꞌat koꞌi aito pote. Aikaꞌiwat ainug naꞌyn Tupana watnuaria wo hawyi tutum Topaꞌãu ahepe hawyi.

Ewesu 5:26

Miꞌi hawyi tomohey haria yne tutum Toꞌywot po pe -Ewatno mesup e tope. Atiꞌatumuꞌe raꞌyn miꞌiria ehay nug hamo e. Miꞌi pote wei haria ewy tukupteꞌen yt iꞌatupiit pit hin i e.

Epereu 10:10

Miꞌi pote koitywy waku pe raꞌyn watoineꞌen Tupana ehamo. Imiewaku sese wo raꞌyn watopyhuꞌat aito katupono mekewat Tosaꞌyru piit ium hap kaipyi aimohãpyk hap toineꞌen. Tupana towaku hap ewy ainug. Aikaꞌiwat Aipotypot suu aat yi totiat hap kaipyi aimohãpyk hap toineꞌen mesup. Tupana tewaku hap ewy tutum ahepe. Haꞌyru haꞌup nug tosuu wo wẽtup mo yn. Yt kat i miꞌi rẽ katupono -Waku raꞌyn eipe e Tupana toran naꞌyn e.

Epereu 10:29

Maꞌato Tosaꞌyru auka haria poꞌog Tupana tiꞌatumosoꞌopot mekewat Muisei waĩꞌe hap pun haria kai -Yt atikyꞌesat i Esaꞌyru suu uimoewaku hamo e haria yt atikyꞌesat i Esaꞌyru suu uhekyeraꞌat e haria yt kat hamo i Esaꞌyru suu e haria. Miꞌiria ewywuaria Tupana tiꞌatuꞌapiheg typy sakpo kahato Tosaꞌyru pun haria Tosaꞌyru akit neꞌi teran haria. Karãpe Tupana Paꞌãu -Pywo ti Iesui Uhaꞌyru Sese e ahepe maꞌato -Heso watoꞌe Tupana Paꞌãu pe miꞌi hawyi poꞌog aiꞌapiheg hap topyhuꞌat Muisei piat aiꞌapiheg hap kai. Karãpe -Yt egyiꞌat i kahato watoꞌe Tupana Paꞌãu pywo rakat pe. Eso En watoꞌe Tupana Paꞌãu pe hawyi -Yt atikyꞌesat i egyiꞌat hap e haria wo watopyhuꞌat. Tupana eremopusu kahato hewaku hap etiat haria wo watopyhuꞌat. Miꞌi tã haria aito pote Tupana aiꞌapiheg wuaria wo watukupteꞌen poꞌog poꞌog Muisei piat aiꞌapiheg hap kai.

Epereu 2:11

Iesui ti aikoho kuap kahato. Pywo ti rat aipyꞌa piat aiminug saꞌag koꞌi aiwanetup hap koꞌi toimoweityk kuap. Miꞌi hawyi ainug Toꞌywot saꞌyruꞌin sakiꞌytꞌin no. Tupana mepytꞌin no ainug hawyi Iesui Aheykeꞌet Aikywyt toineꞌen. Waku pe kahato hawyi watopyhuꞌat. Aikoho tosuu wo hawyi yt tuwemoti i toꞌe hamo ahepiat -Miꞌiria ti uheꞌywytꞌin koꞌi uheinytꞌin koꞌi e hap pupi yt tuwemoti hin i toꞌe hamo. Aheykeꞌet Aikywyt Iesui watimohey hawyi aikoho tosuu wo hawyi waku kahato e.

Iesui Aru E Hap 14:20

Miꞌi hawyi tuwẽtem miitꞌin suu ewywuat itok hawyi. Toitok yne mekewat Uwa tawa wato Ierusarẽi miaria hawyi ti Huu kahato itote aikotã ihyemyiꞌa wato sese hap ewy. Miꞌi kape arahaꞌat turan hawyi iꞌatuhũ Kawaru hewyry mekewat miitꞌin suu muap tote hewyry ihyemyiꞌa ewy miitꞌin suu hutꞌypy puo.