Epereu 12:4 - Sateré-Mawé

⁴ Iesui tikuap kahato yt naku i nug hap. Yne tosuu toipun yt naku i hap moma hamo. Waku miꞌi ewy watopyhuꞌat aiꞌauka pote waku ahuu okpun pykai yt watoiat i imohey hap. Waku wahãꞌãg Iesui ewy hoꞌopot hap ete yt naku i hap koꞌi akit hamuat.

Epereu 12:4 ပူးပေါင်းရင်းမြစ်များ

Mateu 24:9

Miꞌi hawyi ti aru eimaꞌat haria ehum naꞌyn hoꞌopot hamuat hawe eiꞌauka hamuat kape e. Mekewat eꞌat pe ti aru yne iꞌatupyꞌahak ehete. Yt iꞌatuwese i ehete are katupono eipe uimohey haria pote e.

1 Kuriniu 10:13

Yne aito ahiag miiãꞌãg koꞌi aiwoꞌoꞌewy ewy. Maꞌato saꞌawyꞌi Tupana toꞌe ahepe -Atipyhyp aru ehãꞌãg hap pupi e. Miꞌi pote yt karãpe sese i putꞌok e hãꞌãg hap ehete poꞌog hesaika eikai katupono areineꞌen eiwywo eimoesaika hamo ehãꞌãg hap pupi e. Miꞌi hawyi ehesaika kahato eweikupteꞌen ehãꞌãg hap sopo hamo e hawyi atum ehepe muap hatyꞌu wuat ipopywiat ewẽtem hamuat e Tupana.

Wiripu 2:8

Iesui yt tuwemowato hin i maꞌato karãpe Tupana toꞌe -Atikyꞌesat ekuꞌuro hap miitꞌin ehakyeraꞌat hamo miꞌi hawyi toiwesat -Waku Papai e yt tomikyꞌesat ewywuat pykai i. Maꞌato -Atikyꞌesat ekuꞌuro hap ariaꞌyp posak ete e Tupana hawyi -Atunug aru Papai e Iesui.

Epereu 12:2

Aikotã seput haria teꞌerahaꞌat popuo taꞌatueput hap etiat -Putꞌok are iꞌatuꞌe hamuat hap kape yn hap ewy waku watehaꞌat aiwanetup hawe -Putꞌok are aru Iesui yatype aiꞌe hap kape yn katupono Iesui topyhuꞌat seput haria akag ewy katupono toimohey Tupana poꞌog torannia kai. Uiwyriaꞌin waku Iesui piat Tupana mohey hap ewy waku watomohey Tupana are. Iesui ti aimoehãite kuap kahato Tupana mohey hap ete. Haꞌawytepyi watomohey Iesui hawyi aiwanetup hap Iesui yn topyhuꞌat miꞌi hap ewy waku watomohey te Iesui putꞌok watoꞌe iꞌyatypiat hap eꞌat kape. Aikotã seput haria taꞌatusaꞌawynug hawyi te ikahuro hap kape teꞌeruwanetup hap ewy Iesui toineꞌen mesuwiat turan seput hat ewy topyhuꞌat. Putꞌok e Tupana etiat hap kape yn iha ariaꞌyp posak kape yn iha Tupana mikyꞌesat nug hap kape yn iha. Miꞌi hap yn imowepiit hap. Miꞌi hawyi tutuꞌu aiꞌapiheg hap ariaꞌyp posak ete. Yt toikyꞌesat hin i miitꞌin mikyryꞌi hap pykai. Toikuap kahato tomohit hap maꞌato yt tuwemoti hin i ariaꞌyp posak totiat toineꞌen saꞌag hap miitꞌin ehaꞌat hap pupi. Tokuꞌuro hawyi taꞌapyk Tupana po sese kai aikope Tupana piat topainug hap tote. Tokuꞌuro hap no aikawiatno hap kape yn toto toineꞌen mesuwe turan. Tupana mikyꞌesat nug hap yn imowepiit hap mesuwarote topyhuꞌat tohoꞌopot hap eꞌat turan. Iesui seput hat akag ewy toineꞌen meiũpe turan.

Epereu 13:13

Yt ikahu hin i taꞌatunug Ahehakyeraꞌat hat ete. Taꞌatuꞌauka turan mekewat tawa Ierusarẽi ekuekai taꞌatunug. Waku watuwat tawa pyi iꞌewywuat hamo wy iꞌatumikyryꞌi hamo ahete hemiitꞌin aito pote. Waku wẽtup miit ewy wẽtup piit ewy wohoꞌopot iwywo wẽtup ok piat hoꞌopot hap ewy yn waku.

Iesui Aru E Hap 12:11

Mesup aheywytꞌin aheinytꞌin Iesui mohey haria tiꞌatuꞌakit neꞌi ahiag e. Mekewat aikotã taꞌatuhũ ewywuat ikuꞌuro rakat suu mohey hap kaipyi taꞌatuꞌatuiãꞌãg hap koꞌi yne taꞌatuꞌakit neꞌi e. Ikuꞌuro rakat huu aat hap iꞌatukawiatno taꞌatumohey hawyi esaika hap wywo taꞌatuꞌakit neꞌi ahiag e. Iꞌewyte iꞌatumienoi Iesui piat taꞌatuehakyeraꞌat hap moherep hap wo taꞌatuꞌakit neꞌi ahiag e. Taꞌatukuꞌuro hap kape taꞌatumohey hamo taꞌatuꞌakit ahiag e tehay pirik wo atipy piat e.

Iesui Aru E Hap 17:6

Arahaꞌat hawyi mekewat yt iweꞌeg i rakaria akag haryporia kawiat temahy u aat kaꞌap takat ewy topyhuꞌat hemahy Iesui mohey haria suu. Yt taꞌatuꞌatoiat hin i Iesui mohey haria suu u hap. Tupana eropat haria sese suu hemahy wo. Iꞌok sese miꞌi mahy wo. Miꞌi hawyi arewanetup hawyi yt naku i sese saꞌag kahato hap ewy areꞌe uiwanetup hawe. Miꞌi rakirẽ yt heremo hin i uimuꞌetu.

Iesui Aru E Hap 18:24

Tupana eiꞌapiheg aru tawa Papironia piaria e kat pote toipuẽti kahato ehetawa pe temiitꞌin suu tomipoꞌoro koꞌi tehay moherep haria eimiꞌauka koꞌi suu okpun hap toipuẽti temiitꞌin koꞌi suu eimiꞌauka koꞌi yne pote eiꞌapiheg sese aru haty wo e atipy piaria hesaika kahato rakat tehay pirik wo.

Iesui Aru E Hap 2:13

Uimohey haria tawa Pekamu piaria worohoꞌokuap kahato eipe e. Atikuap aikotã eweikupteꞌen uimohey haria sese wo ahiag emiitꞌin sem pyꞌasetpe e. Atikuap eweikupteꞌen aikope ahiag topyhuꞌat morekuat no hap tote e. Atikuap aikotã uikyꞌe sese haria eweikupteꞌen itote. Yt eiwemoti hin i uhet enoi itotiaria piat hamo waĩꞌe ahiag pykai e. Atikuap aikotã uimohey sese kahato haria eweikupteꞌen itote. Atikuap aikotã yt eweipun hin i te kue uikuap ehepiat hap e. Atikuap saꞌawyꞌi aikotã uhehay moherep hat wakuat kahato Antipa ahiag etama piaria tiꞌauka eipyꞌasetpiat uhehay enoi uimohey hap kaipyi pote e. Uimipoꞌoro taꞌatuꞌauka hawyi atikuap sese yt naku i miꞌiria ehetawa piaria e.