Epereu 11:5 - Sateré-Mawé

⁵ Saꞌawyꞌi ahaꞌaseꞌi Inoki yt ikuꞌuro hin i te turan Tupana tioto atipy kape tomohey hap ikawiat iwato pote. Ipiit mesuwiat wywo te Tupana tiꞌykesat raꞌyn atipy kape. Tupana tioto raꞌyn yt uwe i ipuẽti Tupana tipohari raꞌyn mesuwat ete tomohey kahato hawyi. Yt ikuꞌuro hin i mesuwarote maꞌato toto yian mete miꞌi tã e miwan me -Uimowepiit kahato hat ti mehin Inoki e Tupana.

Epereu 11:5 ပူးပေါင်းရင်းမြစ်များ

Iruka 2:26

Pyno saꞌawyꞌi Tupana Paꞌãu henoi ti raꞌyn tope -Ekuꞌuro hap owakai te ti aru eraꞌakasa raꞌyn Uimipoꞌoro e. Miꞌi hap ewy taꞌakasa raꞌyn tokaꞌiwat Tupana mipoꞌoro.

Iruka 3:37

Nuꞌe ywot Irameki iꞌatuꞌe. Irameki ywot Metusarẽi mekewat ieineꞌen motꞌi kahato hat iꞌatuꞌe. Miꞌi hawyi Metusarẽi ywot Inoki iꞌatuꞌe. Inoki yt ikuꞌuro i katupono Tupana tioto atipy kape miꞌi miit. Miꞌi hawyi Inoki ywot Iarete iꞌatuꞌe. Iarete ywot Marereu iꞌatuꞌe. Miꞌi hawyi Merereu ywot Kaina iꞌatuꞌe.

1 Tesaronika 2:4

Taꞌi Tupana eropat haria wo yn urutukupteꞌen miꞌi pote Tupana wẽ wo urutukupteꞌen. Saꞌawyꞌi Tupana toꞌe uruepe -Worohoꞌomohey kahato eipe uhehay enoi hamo e. Uimiꞌairoria sese eipe uhehay wakuat sytpok hanuaria e uruepe. Miꞌi hawyi hãpyk kahato uruiꞌatumuꞌe eipe. Yt eimikyꞌesat ewy i wen maꞌato Tupana mikyꞌesat ewy yn. Maꞌato itote uruiãꞌãg kahato Tupana. Toikuap teran pywuat tokyꞌe hap kaipywiat urupotpap hap haype sio miitꞌin miat urumotypot hap kaipyi neꞌi urupotpap miꞌi hap toikuap teran.

Epereu 11:6

Maꞌato watikuap taꞌyn yt watomohey i Tupana pote yt karãpe i watimowepiit kuap. Maꞌato watikat Tupana imohey hap mywo miꞌi hawyi watipuẽti Tupana maꞌato yt watomohey i hawyi yt karamuo i putꞌok watoꞌe ipuẽti hamo. Miꞌi hawyi yt toꞌe kuap i ahepe -Eriot ro uhowowi e hap yt toꞌe kuap i yt tomohey i rakat pe.

Epereu 2:9

Pyno koran aheha Iesui kape iꞌewyte koitywy howawi aiwanetup hap. Miꞌi raꞌyn topyhuꞌat hap kape aheha. Mekewat poꞌog iwato atipy piaria kawiat hat kape aiwanetup hap. Maꞌato mesuwarotiat toineꞌen turan tuwemohit kahato. Atipy piaria eꞌyi kai te topyhuꞌat. Yt atipy piat ewy hin i toineꞌen Aheykeꞌet mesuwarote tuwepuꞌi nug hap eꞌat pe. Maꞌato hoꞌopot kahato aikawiatno hamo yi tote toineꞌen turan. Ikuꞌuro miitꞌin ehakyeraꞌat hamo. Koitywy Tupana tunug naꞌyn Wuatꞌi Porekuat no. Miꞌi Miit tuwepainug naꞌyn. Miꞌi hawyi Tupana tunug Tosaꞌyru Wuatꞌi Epaꞌi Koro wo raꞌyn e. Mio koitywy Ahepaꞌi Koro wo Iesui raꞌyn katupono Miꞌi Miit ipitpitꞌok yne aiminug saꞌag koꞌi. -Koitywy waku raꞌyn uiwanetup hawe eipe e Tupana ahepe. Koitywy wẽtup miit ewywuat watopyhuꞌat Tupana Aiꞌywot ahepe. Wẽtup mepytꞌin sok yn aito Aheykeꞌet mohey haria e. Taꞌi yt watuwemoti hin i mesup te aiminug saꞌag saꞌawyꞌi wuat ete katupono watomohey Tupana Saꞌyru hawyi wẽtup miit ewy watopyhuꞌat iꞌywot wywo. Eipe uheꞌywytꞌin uheinytꞌin e Iesui ahepe.

1 Iuwãu 3:22

Miꞌi hawyi kat e hap kat e hap wahẽtup tope hawyi tutum aimiẽtup oktan watunug imikyꞌesat ewy pote.

Iuta 1:14

Nimo te ti mio tã e mekewat Tupana ehay moherep hat pot Enoki Atãu emiariru emiariru toꞌe -Tuut ti aru Tupana Aikaꞌiwat ahowawi typyꞌi kahato tesuraraꞌin atipy piaria wakuaria sese wywo e yt naku i nug haria moma hamo e.