Epereu 11:2 - Sateré-Mawé

² Saꞌawyꞌi wuat tomohey haria sese pe yn Tupana toꞌe -Uimowepiit kahato haria eipe katupono uimohey haria sese eipe e.

Epereu 11:2 ပူးပေါင်းရင်းမြစ်များ

Epereu 1:1

Nimo te ti Tupana ihay kahato aiꞌywania Epereu ywania Iuteu ywania pe tomimoherep i moherep i ahepe nimo tehay. Aikotã aikotã toimoherep tehay moherep haria wẽ pyi. Tohoꞌoium iꞌatuepe tehay tomimoherep koꞌi. Yt toꞌoꞌewy hin i tuwemoherep aiꞌywania saꞌawyꞌi wuat pe tehay e.

Epereu 11:39

-Uimohey kahato haria miꞌiria e Tupana typyꞌi sok miitꞌin sem ehamo. Maꞌato miꞌi pykai yt taꞌatupuẽti hin i mesuwarote taꞌatupoityro Tupana kaipywiat taꞌatumowepiit hap maꞌato taꞌatumohey te -Yt heremo i te wen maꞌato Tupana mipoityro wo urutopyhuꞌat wuatꞌi eꞌat piat Tupana e hap ewy iꞌatuꞌe. Taꞌatukuꞌuro hap turan taꞌatumohey i te hap wywo topap -Meiũran aru tukupteꞌen iꞌatu kahato Aparãu mimohey saipepiaria Tupana e hap ewy iꞌatuꞌe. Maꞌato yt teꞌeraꞌakasa hin i te Tupana ehay miꞌiria maꞌato taꞌatumohey kahato te miitꞌin miat taꞌatuꞌauka hap kape. Yt teꞌeraꞌakasa i te Iesui putꞌok e hap iꞌewyte yt teꞌeraꞌakasa i te aito aheineꞌen hap pykai. Yt teꞌeraꞌakasa i te aito imohey haria sem pykai maꞌato taꞌatumohey te topap hap kape yt heremo i pykai.

Epereu 11:4

Saꞌawyꞌi wuat sese Atãu saꞌyru Apeu tum tomiium imohey wywo Tupana pe -Woromohey kahato En Tupana e hamo. Iꞌewyte ieykeꞌet Kaĩ tum Tupana pe tomiium wen maꞌato Tupana yt tuwehum kahato i Kaĩ miium ete katupono Kaĩ yt timohey kahato -Atikyꞌesat ehũ suu emiium e hap hawyi tutum tomiium tomikoi koꞌi Tupana pe pote. Maꞌato iꞌywyt pe -En ni uimimoewaku ereineꞌen e Tupana Apeu pe. Ehũ emiwuk poꞌog waku Kaĩ wat kai katupono uimohey en mote e. Mesup te -Waku kahato Apeu miium e uimohey kahato hat Apeu pote e ahepe. Ikuꞌuro raꞌyn pykai Apeu ihay aimuꞌe te Tupana mohey hap yn aimohãpyk hap e ahepe. Apeu suu ihay te hap ewy ahowawi yi pyi ihay te.