2 Timoteu 2:3 - Sateré-Mawé

³ Aikotã surara tuwemosoꞌopotꞌi hap ewy eremosoꞌopot uhaꞌyru. Surara sese ewy o ereineꞌen Iesui emiit wakuatno.

2 Timoteu 2:3 ပူးပေါင်းရင်းမြစ်များ

Iesui Potmuꞌeria 23:31

Wãtym muo suraraꞌin tioto Pauru tawa Ãtipatire kape taꞌatuꞌakag koro mikyꞌesat ewy.

1 Kuriniu 13:7

Watikyꞌe sese miitꞌin pote watiꞌapykok kahato aimikyꞌe koꞌi yt naku i hap pupi. Aimikyꞌe sese watomohey potꞌi. Watikyꞌe miitꞌin mote -Woromohey en mehin mana watoꞌe. Atikuap waku pe etunug aru hap watoꞌe. Hepama kahato aipyꞌahak hap iꞌatuete watiꞌatukyꞌe sese pote.

1 Kuriniu 9:7

Suraraꞌin ni mesuwat yi tote tenuk kahato topoꞌoro hat surara akag kaipyi. Toineꞌen iꞌatuesurara akag miium iꞌatuesokpe iꞌatuewyry hamuat. Yt iꞌatupotpap hin i taꞌatupo wo mekewat kyiꞌat hamo. Maꞌato uruto uruwewiat urupotpap kaipyi urutenuk hap toineꞌen. Go nug haria yt miꞌi tã hin i katupono taꞌatumikoi kaipyi teꞌerenuk. Taꞌatumikoi ypia kaipyi teꞌeresapo u raꞌyn. Iꞌewyte taꞌatuhũria emi hy kaipyi teꞌerenuk. Iꞌatupotpap hap ti miꞌiria poi hamo toineꞌen. Maꞌato uito iꞌewyte Tupana ehay moherep hat Panape yt miꞌiria ewy hin i urutukupteꞌen.

2 Kuriniu 1:6

Koitywy mesuwarotiaria urusatyꞌi satyꞌi kahato raꞌyn mesuwe katupono uruhenoi raꞌyn Iesui etiat waĩꞌiꞌatuꞌe pykai. Miꞌi pote koitywy Tupana miehakyeraꞌat koꞌi wo eweikupteꞌen. Uruꞌapiheg kahato pote eipowyro haria wo urutukupteꞌen mote are. Maꞌato urusatyꞌi satyꞌi hap kaipyi eipowyro haria urutukupteꞌen.

1 Timoteu 1:18

Uhaꞌyru sese ewy kahato ereineꞌen Timoteu. Miꞌi tupono woronapin neran. Saꞌawyꞌi Tupana eꞌairo kahato Iesui mohey haria wẽ pyi. Itote toꞌe epe -En ni uimipoꞌoro uhehay moherep hanuat e Tupana Paꞌãu epe itote. Miꞌi hap o yt etiwaure teiꞌo. Waku etopytyk miꞌi e hap aikotã surara po pe moryꞌa wato hap ewywuat wanikap wywo wuꞌuka hamuat. Miꞌi e hap wywo o waku etuꞌuka ahiag e hap auka hamo woronapin uhaꞌyru.

2 Timoteu 1:1

Timoteu mesup uimiwan atipoꞌoro kuekatu uiꞌe hap. Uito eꞌywot Pauru mekewat Aipotypot miꞌairo tehay moherep wuatꞌi miitꞌin miatnuat hat. Karãpe etomohey Iesui hawyi pywo Aiporekuat sese ere o wuatꞌi pe. Miꞌi pote ti aru ereineꞌen wuatꞌi eꞌat pe Tupana wywo ere o katupono mio tã e hap ti saꞌawyꞌi te Tupana tomoherep uhepe.

2 Timoteu 1:8

Yt eremoti teiꞌo Aikaꞌiwat ehay moherep hamo. Iꞌewyte uito areineꞌen woꞌopyhik hawe Iesui mohey hap upi pykai yt eremoti teiꞌo -Uito Pauru mepyt e hamo. Maꞌato waku ere -Uito iꞌewyte ahoꞌopot hawe areineꞌen wy mesuwat sehay wakuat moherep hap upi waku ere o Tupana pe. Uimoesaika hap oktan aru atunug ere o Tupana pe Timoteu.

2 Timoteu 2:10

Maꞌato yt uiwẽpohep hin i Iesui mohey hap ete waĩꞌiꞌatuꞌe pykai. Uiꞌauka pote uiꞌauka maꞌato yt uipohep hin i te. Katupono Tupana tiꞌatuehakyeraꞌat teran kahato tomiꞌairoria ahoꞌopot kahato Iesui mohey iꞌatuepiat hamuat pykai. Miꞌi hap kaipyi Tupana tiꞌatuehakyeraꞌat miꞌiria. Miꞌi hawyi Iesui kahu hap ewywuaria raꞌyn tukupteꞌen iwywo wuatꞌi eꞌat pe raꞌyn.

2 Timoteu 2:9

Miꞌi mienoi upi ti ahoꞌopot te. Uipoꞌi poꞌi raꞌyn haity wo woꞌoꞌauka hat ewy. Uito uipyhik kuap maꞌato Tupana ehay ti yt uwe i ipyhik kuap yt uwe i iꞌakit kuap.

2 Timoteu 3:11

Iꞌewyte etikuap kahato iꞌatumikyryꞌi uhatyꞌi hatyꞌi hap koꞌi. Saꞌawyꞌi karãpe areineꞌen tawa Atiokia pe tawa Ikuniu pe tawa Irita pe taꞌatumikyryꞌi saꞌag kahato uhete. Uhatyꞌi hatyꞌi uimosoꞌopot uimohakyꞌeꞌi maꞌato uiporerokosap neꞌi Uikaꞌiwat Iesui.

2 Timoteu 4:5

Maꞌato en Timoteu eweꞌeg wo o mio tã iꞌatuꞌe hap kai. Yt eremoehamanaꞌi teiꞌo maꞌato Tupana ehay pywuat sese po pe ereineꞌen o. Epiat hoꞌopot pykai yt ewẽpohep teiꞌo. Maꞌato en worokyꞌesat wuatꞌi puat Tupana ehay wakuat sytpok hamo. Etimoehãite yne o epotpap Tupana miium epiat uhaꞌyru.

Wiremu 1:2

Atikuap kahato ti Iesui mohey haria aikotã teꞌeruwaꞌatunug kahato ti eꞌyat kape. Miꞌiria kape ti iꞌewyte kuekatu uiꞌe hap atipoꞌoro. Iꞌewyte uhekuekatu atipoꞌoro uheinyt Apia pe iꞌewyte aiwy ok Akipu e hap het rakat kape aiꞌewywuat Iesui esurara yt naku i moma hamuat rakat kape.

Epereu 10:32

Watomohey saꞌawyꞌi Iesui hawyi ahehakyeraꞌat hap topyhuꞌat kahato ahete. Miꞌi hap eꞌat pe ahewyry waku pe kahato heremo yne Tupana aiwanetup hawe. Aiwepiit hap yn ahete. Miꞌi hawyi miitꞌin teꞌeruwekyryꞌi kahato ahete e. Miꞌi hawyi ahatyꞌi hatyꞌi kahato miꞌiria. Miꞌi hap wahoꞌopot kahato.

Epereu 11:27

Taꞌi mamai atimohey kahato areto meiũpepyi hawyi araꞌakasa aru Tupana sese mekewat yt heremo rakat i e. Atikuap eꞌywot uhaꞌaseꞌi Warãu Esitu piat morekuat aru ipyꞌahak kahato uhete yt uiꞌoksatꞌi i hin i maꞌato yt arekenꞌẽ i Warãu pupi e. Uiꞌauka pote uiꞌauka maꞌato areto raꞌyn Tupana mohey haria upi katupono araꞌakasa teran Tupana sese yt heremo rakat i e Muisei toty Esitu piat pe. Miꞌi hawyi totiat yne yi Esitu ekat iwato kahato hawyi tomimohey upi toto.

Epereu 6:15

Maꞌato Tupana yt meremo hin i hum toꞌe hap ewy. Miꞌi pykai toimohey potꞌi Aparãu. Yt ipun hin i -Atunug aru e Tupana piat hap. Miꞌi hawyi tuwemoherep taꞌyn haꞌyru Isaki Tupana e hap ewy.

Tiaku 1:12

Maꞌato uwe uwe tepiat hoꞌopot turan te hakyꞌeꞌi turan yt iwaure i imohey hap miꞌi hat ti Tupana mimowaku wo toineꞌen iꞌewyte Tupana mimowepiit kahato wo topyhuꞌat wuatꞌi eꞌat pe katupono hoꞌopot hap sakpo gosap hat toineꞌen imohey hat. Miꞌi hat pe Tupana toꞌe aru -Uikyꞌe hat sese en e. Miꞌi pote woromoieineꞌen kahato wuatꞌi eꞌat pe e yt tewaure i haria pe.