2 Tesaronika 3:8 - Sateré-Mawé8 Yt uwe yat upi i uruesyꞌat urutoꞌe putꞌok urutoꞌe turan katupono uruewyry hap upi taꞌi urumisaꞌup nug kaipyi yn urutenuk. Taꞌi motpap urutunug uruepiat turan urusero kahato wãtym muo ihatꞌok puo. Miꞌi kaipyi ti uruipuẽti urumiꞌu saꞌup koꞌi iꞌewyte uruesokpe uruekareꞌen saꞌup koꞌi urutoꞌe. Yt uruikyꞌesat hin i urutuweteweru ehepiat hap. အခန်းကိုကြည့်ပါ။ |
Areineꞌen Iesui potpoꞌororia 12 ok takaria ewywuat uito areꞌe. Miꞌi pote atikyꞌesat pote waku atunug iꞌatuminug ewywuat are. Atikyꞌesat pote waku atipoꞌoro uimimuꞌeria uipoi hamo katupono Iesui potmuꞌeria 12 ok takaria saꞌup taꞌatupuẽti taꞌatumimuꞌeria miium kaipyi. Uito Pauru iꞌewyte atikyꞌesat miꞌu eikai pote waku ahẽtup saꞌup eipo pywiat eimuꞌe hamuat wen maꞌato -Atikyꞌesat eimimuꞌe hap saꞌup uipoi ro yt areꞌe hin i ehepe.
Uhero kahato uhewyry kahato pote uhatyꞌi kahato. Karania ewãtym neꞌi yt areket kuap i kat pote arekenꞌẽ kahato sio uiket kai uiꞌauka. Iꞌewyte uhesyꞌat kahato areineꞌen yt kat i miꞌu pote. Areꞌyꞌutui kahato maꞌato yt kat i yꞌy areto yahig wato ekuekai turan. Karania eꞌat yt kat i atuꞌu. Uhenaꞌak kahato wywo uhewyry yt kat i uheꞌog yt kat i uhesokpe koꞌi uimosakup hamo.
Yt karãpe i areineꞌen neran ahẽtup hẽtup kat koꞌi kat koꞌi eikaipyi teran. Saꞌawyꞌi areineꞌen eipyꞌasetpe turan uiwekaipyi arenuk. Miꞌi hawyi uhesyꞌat eipyꞌasetpiat areineꞌen turan tõꞌẽ kahato imohey haria yi Masetunia piaria uhowowi kat koꞌi kat koꞌi taꞌatumiium koꞌi erut hamo. Miꞌi kaipyi areineꞌen eipyꞌasetpe yt kat i ahẽtup ehepe. Iꞌewyte yt ahẽtup i aru ehepe.
Saꞌawyꞌi wateroꞌok iraniaꞌin ekat maꞌato koitywy waku watoiat mekewat ahesokpe nem hap ewy are. Yt naku i Iesui mohey hat seroꞌok e hatno topyhuꞌat. Waku mesup ipakup we watoineꞌen motpap nug haria wo waku watoineꞌen. Waku aheꞌat hakup wywo aipotpap aat. Miꞌi hawyi aipotpap hap saꞌup wywo waku ahekat. Yt naku i miitꞌin maꞌatꞌi maꞌatꞌi hatno aipotpap are. Waku watikat ahekat iwato hawyi ahegyiꞌat hap wywo hatek takaria powyro hanuaria watukupteꞌen. Miꞌi hawyi satek haria poi haria wo watopyhuꞌat aiko wato kaipyi. Miꞌi hap watunug mote ahegyiꞌat hap topyhuꞌat ahete aipainug hap ikahu rakat ewy topyhuꞌat mesuwe Tupana wanetup hawe.
Yt sẽtup i sẽtup i haria wo hin i urutukupteꞌen eipyꞌasetpiat turan. Yt kat i hin i uruhẽtup ehepe. Yt eimiꞌu kyewi i ti uruiꞌatumuꞌe Tupana ehay wo eipe. Maꞌato urupotpap urupo wuat kaipyi yn ni urutenuk. Yt eiꞌokpe tote hin i urutukupteꞌen yt ehekat kyewi hin i ti urutukupteꞌen. Yt waureꞌeweiꞌe teiꞌo miꞌi hap kai uruwyriaꞌin.
Miꞌi tupono waku waĩ watoꞌe iperup takaria pe. Aikaꞌiwat Aipotypot Iesui yt tikyꞌesat i sẽtup i sẽtup i e haria wo watoineꞌen hap waku watoꞌe miꞌi hat pe. Iesui tikyꞌesat watoiat mekewat aipotꞌeremopusu hap hawyi waku aiwepotpap aimosakup i hap aiwemosero hap kaipyi yn waku aimiꞌu ahekat toineꞌen waku watoꞌe aiwoꞌope.