2 Tesaronika 3:1 - Sateré-Mawé

¹ Uruwyriaꞌin miꞌi tupono waku ewehẽtup Tupana kape urupowyro ihay sytpok merepꞌe ran hamuat hap aikotã waku hamuat hap aikotã eiꞌewywuat miitꞌin ewaku kahato hamuat hap waku ewehẽtup.

2 Tesaronika 3:1 ပူးပေါင်းရင်းမြစ်များ

Mateu 9:38

Miꞌi pote uiwyriaꞌin ewehẽtup to haty wo mekewat mikoi ypia wato Kaꞌiwat pe -Etipoꞌoro ro poꞌog emiit ipotpap mikoi ywa atunug hanuaria eweiꞌe ro e.

Iruka 10:2

Maꞌato toiꞌatupoꞌoro hap eꞌyian mete toiꞌatunapin. Mio tã e -Mikoi ypia wyti iwato kahato wen maꞌato ipotpap takaria wyti yt typyꞌi hin i. Miꞌi pote waku ewehẽtup mikoi ypia kaꞌiwat pe mekewat mikoi sat terek hap etiat ipotpap takat nuaria poꞌoro hamo e.

Iesui Potmuꞌeria 12:24

Miꞌi hawyi Iesui mohey haria tiꞌatumuꞌe kahato Tupana ehay wo. Miꞌi hawyi tukupteꞌen naꞌyn itote imohey pakup i haria.

Iesui Potmuꞌeria 19:20

Tupana sese yn waku aheTupana wo iꞌatuꞌe. Miꞌi ehay upi yn watopyhuꞌat teran iꞌatuꞌe.

Iesui Potmuꞌeria 6:7

Miꞌi hawyi hãpyk kahato meimuẽwat 7 ok takaria timoꞌẽ miꞌu hiwu sese koꞌi pe. Miꞌi pote Iesui potmuꞌeria sese 12 ok takaria tiꞌatumuꞌe aat kaꞌap miitꞌin yne Iesui mikyꞌesat nug hap ete. Miꞌi hawyi yne tawa Ierusarẽi miaria pe taꞌatumoꞌẽ kahato Tupana ehay. Miꞌi pote typyꞌi kahato raꞌyn imohey pakup i haria itote tukupteꞌen. Iꞌewyte iꞌatu kahato Iesui mikyꞌesat yn nug haria tukupteꞌen itote. Miꞌi turan paꞌiria sem iꞌewyte teꞌeropyhuꞌat Iesui mohey haria wo raꞌyn itote.

Humanu 15:30

Uiwyriaꞌin tama Humanu piaria ahẽtup kahato ehupi uheinytꞌin uheꞌywytꞌin ewehẽtup yne eipyꞌa pyi haty wo uipowyro hamuat Tupana pe -Etipowyro Pauru hewyry hap upi eweiꞌe o. Etimotypot Esaꞌyru Emipoꞌoro uruporekuat nuat Pauru ehay kaipyi Pauru minug kaipyi eweiꞌe o Tupana kape. Taꞌi atikuap uikyꞌe Tupana Paꞌãu kaipywiat ehepiat hap miꞌi pote ahẽtup ehepe ewehẽtup o Tupana kape uipowyro hap.

1 Kuriniu 16:9

Iꞌatu kahato uipyhyp teran haria mesuwe maꞌato yt uipyhyp kuap i katupono Tupana uipowyro kahato. Miꞌi pote arepotpap kahato ipotpap nug hamuat ete. Waku kahato miꞌi hap uhete.

2 Kuriniu 1:11

Uiwyriaꞌin tawa Kurintiu piaria ewehẽtup o Tupana kape urupowyro Iesui ehay moherep hamo. Miꞌi tã ewetunug mote Tupana urupowyro emiẽtup oktan. Miꞌi hawyi waku pe urutukupteꞌen urupoityro emiẽtup oktan hawyi aru eweikuap taꞌyn Tupana piat urupoityro hap. Miꞌi hawyi eiwepiit kahato hap topyhuꞌat katupono Tupana tum naꞌyn eimiẽtup hap oktan. -Etipoityro Pauruꞌin eweiꞌe ro Tupana pe urukawiatno.

2 Kuriniu 13:11

Uiwyriaꞌin uhekatuwyria kuekatu atipoꞌoro ehewowi. Toran naꞌyn uimiwan mesuwe. Waku pe eweikupteꞌen. Yt kat i iꞌaparap ehepiat hap eheineꞌen hap ete hap wywo eweikupteꞌen. Wẽtup ok miit ewywuat eweikupteꞌen imohey hap ete. Eiwoꞌomowepiit ro eiwoꞌopowyro hap ete woꞌowese hap ete. Miꞌi ewy ewetunug pote eiwepiit kahato katupono Tupana wuatꞌi kyꞌe hat toineꞌen eipyꞌasetpe eimowepiit sese hamo.

Korosi 4:3

Karãpe ewehẽtup eimikyꞌesat koꞌi urupowyro hamuat waku ewehẽtup to -Tupana etum Pauruꞌin moesaika hamuat ehay etiat henoi hamo eweiꞌe. Etiꞌatupowyro o miꞌiria iraniaꞌin yt ekuap i te haria atumuꞌe hamo katupono typyꞌi kahato te Emipoꞌoro Esaꞌyru uruporekuat nuat yt kuap i te haria tukupteꞌen ehay ti migꞌi wo te topyhuꞌat iꞌatuepe waku eweiꞌe Tupana pe -Uruikyꞌesat kahato Pauruꞌin powyro hap katupono morekuaria tipyhyp teran ehay uruporekuat koro etiat waku eweiꞌe Tupana pe are. Iesui ehay pyhyp hamo morekuaria uipyhyp mesuwe woꞌopyhik hawe are.

1 Tesaronika 1:5

Saꞌawyꞌi ti uruhenoi kahato ehepe sehay wakuat Iesui etiat maꞌato yt uruwat uruẽku kaipyi yn i maꞌato Tupana esaika hap kaipyi iꞌewyte Tupana Paꞌãu kaipyi uruiꞌatumuꞌe eipe. Taꞌi pywuat sese urutoꞌe. Urumimohey mesuwat sehay urutoꞌe uruhenoi ehepe turan. Eweikuap taꞌyn aikotã saꞌawyꞌi urutukupteꞌen eipyꞌasetpiat hap. Taꞌi eikyꞌe uruepiat hap yn ni toineꞌen urukai.

1 Tesaronika 1:8

Miꞌi hap kaipyi ti Aikaꞌiwat mohey hap tuwẽtem naꞌyn eiwẽ pyi. Miꞌi hawyi ti ihay eweihytpok kahato raꞌyn yne tawa Masetunia puo yne yi Akaia puo raꞌyn. Miꞌi hawyi ti yne tawa koꞌi puo raꞌyn imohey hap tuwesytpok.

1 Tesaronika 2:1

Uiwyriaꞌin eweikuap taꞌyn aikotã uhepiat eimuꞌe hap tuwenug kahato itotiat hap. Eweikuap taꞌyn aikotã miitꞌin iꞌatupap kahato uimienoi upi.

1 Tesaronika 2:13

Waku kahato eipe uiwanetup hawe katupono saꞌawyꞌi Iesui kapiat uruehay hap kape ehewaure kaꞌa kahato. -Yt miitꞌin ehay wo hin i urunapin eweiꞌe eipyꞌa pe tawa Tesaronika piaria. Waku kahato eiperia. -Tupana ehay sese wo urumuꞌe katupono Iesui Aimoieineꞌen hat ete urumuꞌe eweiꞌe uruepiat. Miꞌi hawyi Iesui mohey haria wo raꞌyn eweipyhuꞌat kahato itote waku hap ewy are. Miꞌi hap upi urutuwehum kahato Tupana kape aat kaꞌap ehupi are. Yt karamuat i ikahuro rakat uruwehum hap katupono Tupana ehay mio tuwenug kahato raꞌyn eheineꞌen hawuo Iesui mohey hawyi.

1 Tesaronika 4:1

Uruwyriaꞌin koitywy uruhẽtup kahato ehupi poꞌog poꞌog Tupana mowepiit haria wo eweikupteꞌen hap Iesui mikyꞌesat ewy kahato. Uruikuap taꞌyn ti koitywy Tupana mowepiit haria wo raꞌyn eweikupteꞌen. Miꞌi tã raꞌyn pykai ti uruhẽtup poꞌog poꞌog ne.

1 Tesaronika 5:17

Iꞌewyte yne eꞌat pe wahẽtup Tupana kape yt ikahuro i hamuat hap.

1 Tesaronika 5:25

Uruwyriaꞌin ewehẽtup o Tupana ewowi urupowyro hamuat.

2 Timoteu 2:9

Miꞌi mienoi upi ti ahoꞌopot te. Uipoꞌi poꞌi raꞌyn haity wo woꞌoꞌauka hat ewy. Uito uipyhik kuap maꞌato Tupana ehay ti yt uwe i ipyhik kuap yt uwe i iꞌakit kuap.