2 Peteru 2:9 - Sateré-Mawé

⁹ Taꞌi Tupana ahehakyeraꞌat kuap kahato ahãꞌãg hap kaipyi inug hap kaipyi imohey haria aito pote. Yne mekewat yt tomikyꞌesat ewywuat i hap koꞌi kaipyi aihep kuap. Iꞌewyte toikuap yt nakuaria i apiheg hap. Pyno ti yt nakuaria i apiheg hamuat Tupana po pe toineꞌen. Taꞌi yt pya hin i mekewat eꞌat Tupana piat -Yt naku i kahato eipe e hamuat hap eꞌat are.

2 Peteru 2:9 ပူးပေါင်းရင်းမြစ်များ

Mateu 10:15

Pywo pe ti areꞌe ehepe taꞌi woꞌoꞌairo sese raꞌyn hap eꞌat pe ti aru poꞌog Tupana miꞌapiheg wo toineꞌen mekewat tawa Sotoma iꞌewyte mekewat tawa Kumura apiheg hap kai.

Mateu 6:13

Yt uruwaure teiꞌo En uruiꞌiãꞌãg hap tet pupi maꞌato urukawiatno to En yt naku i hap kaipyi. Katupono En wyti uruporekuat koro. Ewat esaika hap wyti wuatꞌi eꞌat piatnuat waku.

Humanu 2:5

Yt naku i ti watunug aiwepyi Tupana yt mikyꞌesat i. Yt naku i aipyꞌa pyi watunug saꞌag nakat yn aiwepyi uiwyriaꞌin are. Miꞌi hap watunug teꞌen teꞌen hawyi aiminug saꞌag tuweꞌakytka miꞌi hawyi aiꞌapiheg iꞌewyte tuweꞌakytka. Putꞌok e aru aiminug saꞌag hap koꞌi moherep hap eꞌat hawyi aru Tupana timoherep yne aiminug saꞌag koꞌi aiminug yt Tupana mikyꞌesat ewy hap koꞌi e. Mekewat eꞌat pe ti yt iwese hin i raꞌyn aiminug saꞌag hap koꞌi ete e. Marakꞌa ewy aru Tupana topyhuꞌat aiminug saꞌag hap koꞌi ete mekewat eꞌat pe e. Mekewat eꞌat pe yne heremo aiminug wuatꞌi ehamo sio waku sio yt toimoherep.

1 Kuriniu 10:13

Yne aito ahiag miiãꞌãg koꞌi aiwoꞌoꞌewy ewy. Maꞌato saꞌawyꞌi Tupana toꞌe ahepe -Atipyhyp aru ehãꞌãg hap pupi e. Miꞌi pote yt karãpe sese i putꞌok e hãꞌãg hap ehete poꞌog hesaika eikai katupono areineꞌen eiwywo eimoesaika hamo ehãꞌãg hap pupi e. Miꞌi hawyi ehesaika kahato eweikupteꞌen ehãꞌãg hap sopo hamo e hawyi atum ehepe muap hatyꞌu wuat ipopywiat ewẽtem hamuat e Tupana.

2 Timoteu 3:12

Uwe uwe topyhuꞌat teran Aikaꞌiwat Iesui ewy hewaku hap ewy miꞌi hat wyti miitꞌin mikyryꞌi hamo topyhuꞌat miitꞌin misatyꞌi satyꞌi wo topyhuꞌat.

Titu 2:14

Ahehakyeraꞌat hat Iesui ikuꞌuro raꞌyn ariaꞌyp posak ete aikawiatno. Yne yt nakuap i nug saꞌag po pyi aihep hamo ikuꞌuro. Tupana watnuaria wo ainug neran pote wakuaria wo aito hap toikyꞌesat. Miꞌi pote aihep taꞌyn saꞌag nug hap po pyi aimowaku hamo raꞌyn. Koitywy Ahehakyeraꞌat hat iwepiit kahato raꞌyn.

2 Peteru 2:4

Saꞌawyꞌi sese ti atipy piaria Tupana wywuat hap taꞌatuꞌatoiat kahato raꞌyn. Miꞌi pote ti yt naku i nug haria teꞌeropyhuꞌat miꞌiria. Miꞌi pote ti Tupana tiꞌatuꞌapiheg naꞌyn. Yt toihep hin i iꞌatuꞌapiheg hap kaipyi maꞌato ti aria koro kape toiꞌokhytpugha atipy kaipywiaria are. Iꞌypyryp hap kape toiꞌatupoꞌoro poꞌoro are iꞌatupyhik hap iꞌypyryp takat kape. Miꞌi hawe ti tukupteꞌen taꞌatupyhik hawe iheg me. Meiũran ti aru putꞌok e mekewat uwe waku uwe yt naku i hap moherep hap eꞌat pe hawyi Tupana timoherep taꞌyn iꞌatuminug saꞌag koꞌi wuatꞌi puo.

2 Peteru 3:7

Aikotã mekewat eꞌat pe Tupana toꞌe Nuꞌe pe miꞌi hap ti tutunug naꞌyn. Maꞌato koitywy ti mekewat saꞌawyꞌi wuat ewy sehay wẽtup te toĩ. Maꞌato ti mekewat yi wuk hap etiat raꞌyn Tupana tohenoi -Pyno ti aru meimuẽwat aria wo yi waikiru yne atimoma aria wo e ti Tupana. Aikotã saꞌawyꞌi te atimoma yne yꞌy wo hap ewy te ti aru. Taꞌi tuut ti aru mekewat eꞌat katupono miꞌi hap ewy atunug e ti Tupana. Miꞌi hawyi ti aru yt nakuap i nug haria apiheg hap eꞌat putꞌok e raꞌyn e ti Tupana are. Maꞌato mio tã e Tupana pykai yt tuut i aru iꞌatuꞌe neꞌi meimuẽ waria taꞌatuwanetup hap kaipyi neꞌi.

Iuta 1:6

Iꞌewyte saꞌawyꞌi wuaria atipy piaria waku kahato tukupteꞌen atipy pe Tupana wywo are. Taꞌi saꞌawyꞌi sese ti miꞌiria tukupteꞌen Tupana ehamo atipy pe wen maꞌato meiũran -Uruto poꞌog Tupana kai iꞌatuꞌe saꞌag hawyi Tupana tiꞌatupugha raꞌyn iꞌatuieineꞌen hap atipy piat pyi iꞌatumikyꞌesat saꞌag nug hamuat. Miꞌi pote ti koitywy miꞌiria tukupteꞌen taꞌatupoꞌi poꞌi hawe raꞌyn are. Saꞌawyꞌi atipy piaria miꞌiria maꞌato mio te taꞌatupyhyp hawe tukupteꞌen. Iꞌypyryp sese pe mekewat iꞌypyryp hun kahato rakat pe iheg sese pe tukupteꞌen. Mio ti itote taꞌatuhekatup taꞌatuꞌapiheg sese hap eꞌat Tupana piat hap. Katupono Tupana toꞌe iꞌatuepe -Atiꞌatuꞌapiheg wyti aru eipe e raꞌyn iꞌatuepe. Koitywy heꞌat yn taꞌatuhekatup. Miꞌi e hap ewy te Tupana toꞌe koran Tosaꞌyru mohey hap pun haria pe. Miꞌi pote waku watokenꞌẽ kahato miꞌiria ewywuaria pupi e.

Iesui Aru E Hap 3:10

Waku kahato uhehay mohey motꞌi haria eipe e. Taꞌi yt eipo hep hin i uhehay moherep hap ete uhehay nug hap ete e. Meiũran aru torannia iãꞌãg koro hap eꞌat putꞌok e mesuwarotiaria wuatꞌi miitꞌin iãꞌãg hamo sio uhemiit sese sio yt hap kuap hap eꞌat sese maꞌato miꞌi hap eꞌat eꞌyian me worohoꞌohep mesuwat yi pyi eiperia katupono worohoꞌokuap taꞌyn uhehay nug motꞌi haria eipe hap atikuap taꞌyn e. Miꞌi pote mekewat eꞌat wuatꞌi iãꞌãg hap yt putꞌok e i eiwat ehãꞌãg hamuat e.