2 Kuriniu 9:7 - Sateré-Mawé

⁷ Uiwyriaꞌin Tupana tikyꞌe kahato hegyiꞌat sese rakat. Topyꞌa pyi toikyꞌesat kahato tutum Tupana kape hat. Yt toikyꞌesat i watum tope yt watum neran i wywo watum hap. Iꞌewyte yt toikyꞌesat i -Etum no maꞌato yt pote yt naku i pe ereineꞌen e wẽtup ok hap upi neꞌi watum hap. Tupana tikyꞌesat aiwehum kahato wywo watum aipyꞌa pyi hap tewowiat hap toikyꞌesat. Toikyꞌesat aimiium muat watiꞌairo yian mete kat som watum hap koꞌi.

2 Kuriniu 9:7 ပူးပေါင်းရင်းမြစ်များ

Iesui Potmuꞌeria 20:35

Atimoherep kahato ehepe uipotpap hap aikotã waku watum yt kat i ereko haria pe aimiereko koꞌi hap e. Taꞌi waku aiwatetup Aikaꞌiwat Iesui ehay kape aikotã saꞌawyꞌi toꞌe hap kape -Aimiium wyti poꞌog aimowepiit aimikyiꞌat koꞌi kai e Iesui e Pauru.

Humanu 12:8

Maꞌato tutum ahepe tesaika hap miitꞌin mowepiit hamuat miitꞌin arotꞌi potiat iꞌatuhep hamuat miꞌi pote etiꞌatumowepiit ro hatek takaria hoꞌopot haria. Maꞌato tutum ahepe tegyiꞌat hap miitꞌin powyro hamuat aimiium kaipyi pote waku watopyhuꞌat hegyiꞌat kahato miꞌi hap wywo. Tupana ainug miitꞌin akag wo pote waku ahemiitꞌin kyꞌe hap wywo watipowyro hãpyk takat ewy. Tupana ainug miitꞌin powyro hatno pote waku watum kat koꞌi kat koꞌi satek takaria pe iꞌatukyꞌe hap wywo.

2 Kuriniu 8:12

Pyno kat koꞌi kat koꞌi watum Tupana kape aipyꞌa pyi ikyꞌe hap wywo miꞌi hawyi ewepiit kahato. Iwato sio yt hap kape yt tuwanetup i miꞌi koꞌi kape. Tupana tikyꞌesat watum kuap hap oktan tope. Yt toikyꞌesat i watum yt watum kuap i hap oktan.

Wiremu 1:14

Maꞌato atikyꞌesat emikyꞌesat yn atunug mehin. Yt kat i uhepiat epoꞌoro haty wo hap mywo ahẽtup. Waku topyhuꞌat uipowyro hatno meiũpe wen maꞌato eꞌe hap yn atikyꞌesat.

Tiaku 5:9

Uiwyriaꞌin yt naku i watoꞌoehay petek petek hekatup haype katupono woꞌoehay petek petek haria pe ti aru -Yt nakuaria i eipe e aru Tupana. Yt pya hin i aikaꞌiwat uut hamuat uwe waku uwe yt naku i toꞌe hamo. Yt pya hin i Aikaꞌiwat uut hap aikotã okenꞌypy og me hap ewy yn ni toineꞌen meke -Areke teran e hat ewy toineꞌen.

1 Peteru 4:9

Uiwyriaꞌin waku -Eiwehytꞌok o watoꞌe iraniaꞌin me. Waku eiwehytꞌok watoꞌe aiwoꞌope. Eweiꞌapyk o waku watoꞌe. Waku -Uruꞌyat aiwatnuat watoꞌe iraniaꞌin me. Waku watipowyro hatek takaria aiꞌyat pe. Yt naku i watoꞌe iraniaꞌin me -Yt atikyꞌesat hin i iraniaꞌin uiꞌyat piat watoꞌe.