2 Kuriniu 9:6 - Sateré-Mawé

⁶ Pyno ahenoi ehepe hãꞌãkap wuat aikotã waku watum Tupana kape hap ete. Uwe uwe tikoi yt iwato i miꞌi hat aikotã toikoi hap oktan toipuẽti. Maꞌato uwe uwe tikoi iwato miꞌi hat ipuẽti tepiat ikoi hap oktan. Miꞌi hap ewy karãpe watum Tupana kape yt ahegyiꞌat wywo i pote meiũran aru yt kat i watipuẽti yt ahegyiꞌat i pote.

2 Kuriniu 9:6 ပူးပေါင်းရင်းမြစ်များ

Iruka 6:38

Eweimoꞌẽ iraniaꞌin me ehekat miꞌi pote ti aru Tupana hãipe piat nug yne ehepe eimiium iraniaꞌin piat oktan. Miꞌi hap ewy ti aru ewetat iwato kahato hãipe piat. Torannia eimiereto kuap oktan wyti aru Tupana tum ehepe hãꞌãg wo ewetum iraniaꞌin me miꞌi hap ewy te ti aru Tupana tum hãꞌãg wo ehepe.

1 Kuriniu 1:12

-Pyno itotiaria wẽtup wẽtup wanetup hap wywuaria iꞌatuꞌe. Yt toꞌoꞌewy hin i iꞌatuwanetup hap koꞌi. Miꞌi pote wuꞌuka hap yn itote iꞌatuꞌe uhepe ehetiat. Pyno atikuap taꞌyn eipyꞌasetpe tukupteꞌen -Uito ti aimuꞌe hat Pauru upi e haria maꞌato iraniaꞌin -Uito aimuꞌe hat Apauru upiaria e haria. Miꞌi hawyi iraniaꞌin -Uito aimuꞌe hat Peteru upi e haria tukupteꞌen. Maꞌato iraniaꞌin -Uito aimuꞌe hat Iesui upiaria e haria iꞌatuꞌe taꞌatuhenoi uhepe õꞌẽ haria. Miꞌi tã hap kaipyi ti eiwuꞌuka hap topyhuꞌat.

1 Kuriniu 15:20

Pywo ti rat Aikaꞌiwat yt nem rakatno no hin i toineꞌen. Mio yt ikuꞌuro i koran katupono Tupana timoieineꞌen pakup i raꞌyn Aikaꞌiwat. Toihep Tosaꞌyru guꞌuro pyi aimuꞌe hamo -Aikotã atihep Uhaꞌyru miꞌi hap ewy worohoꞌohep eipe guꞌuro pyi e hamo toihep Tosaꞌyru.

1 Kuriniu 7:29

Uheinytꞌin uiwyꞌok koꞌi yt pya hin i Aikaꞌiwat aipok hap. Yt watikuap i kat eꞌat pe huut hap maꞌato tuut irane hap watikuap. Waku watikyꞌe kahato aheꞌaito aheharyꞌi maꞌato miꞌi pykai waku poꞌog watunug Tupana mikyꞌesat ewy aheꞌaito aheharyꞌi mikyꞌesat koꞌi kai. Waku watikyꞌe Tupana koran aikotã Iesui mohey haria yt heꞌaito i te rakat yt iwary i te rakat ewy.

2 Kuriniu 9:10

Pywo ti rat aipoi kahato hat Tupana. Yne aimikoi nug hat saꞌawyꞌi kat koꞌi kat koꞌi watikoi Tupana inug hap kaipyi. Miꞌi pote yne miꞌi tuut Tupana po pyi. Tupana timowato yne aimikoi koꞌi aiko moehãite hat. Tupana tikuap kahato aikotã mowato hap aito hegyiꞌat rakaria watoineꞌen pote. Watimoꞌẽ hap oktan tutum ahepe.

2 Kuriniu 9:5

Miꞌi pote areꞌe mehinꞌin Tituꞌin me -Uheꞌyianmete eweiwat ro tawa Kurintiu kape are. Eweiꞌatunapin miꞌiria -Waku aiwepiit wywo watum e hap ete waku watum aipyꞌa pyi imohey haria ihakyꞌeꞌi rakaria tawa Ierusarẽi miaria pe e hamo. Pyno waku pe yne raꞌyn aimiium koꞌi taꞌatuereto hap eꞌyian mete tawa Ierusarẽi kapiat hamo waku eweiꞌe o tawa Kurintiu piaria pe are Tituꞌin me tawa Kurintiu piaria napin hamo. -Waku watum aipyꞌa pyi hap yn eweiꞌe o are mehinꞌin Tituꞌin me. -Yt naku i watum yt watum neran i pote waku eweiꞌe o are mehinꞌin Tituꞌin me.

Karasia 3:17

Pywo yt ipohep hin i atunug aru toꞌe hap kai ete. Pyno atunug aru toꞌe hap Tupana tunug naꞌyn. Pyno yt uwe i Tupana ewaĩ kuap -Atunug aru e hap ete maꞌato tutunug iꞌewyte tomikyꞌesat ewy tuwekaipywiat aru toꞌe Aparãu miat hap tutunug naꞌyn. 430 anu hap ete tutum naꞌyn woꞌonapin hap aseꞌi Muisei pe. Maꞌato yt tutunug kuap i saꞌawyꞌi wuat Aparãu miat -Atipoityro aru Emiariru mohey haria iꞌatuehakyeraꞌat hamo e hap.

Karasia 5:16

Miꞌi tupono uiwyriaꞌin atikyꞌesat Tupana Paꞌãu mikyꞌesat nug haria wo eweikupteꞌen hap Tupana mikyꞌesat ewywuaria wo eweikupteꞌen. Yt atikyꞌesat i eiwanetup hap kaipywiat neꞌi nug haria wo eweikupteꞌen. Eimikyꞌesat sese neꞌi nug haria wo hap yt atikyꞌesat i.

Ewesu 4:17

Pyno worohoꞌomuꞌe teran Aikaꞌiwat Iesui ehay ete. Eweꞌeg wo o eiminug saꞌag koꞌi eimikyꞌesat saꞌawyꞌi eheko saꞌawyꞌi wuat pupi are. Yt imohey i te turan wuat saꞌag nug hap ete yt aiweꞌeg hin i saꞌawyꞌi wuat aiminug saꞌag koꞌi kai -Eweiꞌatoiat ro miꞌi koꞌi e Tupana pykai. Uiwyriaꞌin yt naku i watuwanetup poꞌog aikotã yt imohey i haria wanetup hap ewy neꞌi katupono miꞌiria yt naku i nug hap yn iꞌatuwanetup hawe. -Uito poꞌog poꞌog torannia kai iꞌatuꞌe taꞌatuwanetup hawe. Yt paa iꞌatuꞌe hin i taꞌatuminug yt naku i hawyi. Miꞌi tã iꞌewyte aito saꞌawyꞌi maꞌato mesup waku watuwenapin miꞌi e hap pun hamuat e.

Korosi 2:4

Pyno eiweꞌeg wo o eimaꞌat sehay wuat teran haria pupi. Waĩꞌeweiꞌe o iꞌatuehay wuꞌuka hap neꞌi ete are iꞌatuehay yt pywo rakat i. Yt eweiwat reiꞌo iꞌatuehay upi katupono yt pywo i sehay hap nug kuap kahato haria miꞌiria. Iꞌatuweꞌeg kahato heso nug hamo. Iꞌatuehay se kahato tuereto maꞌato eimaꞌat hamo neꞌi. Yt ereto teiꞌo iꞌatuehay upi are.

Epereu 6:10

Taꞌi Tupana hãpyk kahato. Yt karãpe i toiwaure tokyꞌe hap eipotpap tomotypot ehepiat hap etiat e. Yt toiwaure kuap i eiminug wakuat tomotypot etiat hap Tupana pote. Yt karãpe i toiwaure temiitꞌin powyro hap tomotypot tokyꞌe ehepiat hap kaipywiat koꞌi.