2 Kuriniu 9:12 - Sateré-Mawé

¹² Pyno watipoꞌoro aimiium ihakyꞌeꞌi rakaria imohey haria tawa Ierusarẽi miaria kape hawyi -Waku kahato En Tupana iꞌatuꞌe aru. Yt wesok i te haria hin i tawa Kurintiu piaria iꞌatuꞌe aru ihakyꞌeꞌi rakaria powyro hamo. Koitywy uruikuap emohey haria tukupteꞌen iꞌatumiium kaipyi. Koitywy waku ahete kat pote tokosap taꞌyn ahehakyꞌeꞌi hap uruete Tupana iꞌatuꞌe haty wo torannia watimoꞌẽ ahekat koꞌi pote.

2 Kuriniu 9:12 ပူးပေါင်းရင်းမြစ်များ

2 Kuriniu 1:11

Uiwyriaꞌin tawa Kurintiu piaria ewehẽtup o Tupana kape urupowyro Iesui ehay moherep hamo. Miꞌi tã ewetunug mote Tupana urupowyro emiẽtup oktan. Miꞌi hawyi waku pe urutukupteꞌen urupoityro emiẽtup oktan hawyi aru eweikuap taꞌyn Tupana piat urupoityro hap. Miꞌi hawyi eiwepiit kahato hap topyhuꞌat katupono Tupana tum naꞌyn eimiẽtup hap oktan. -Etipoityro Pauruꞌin eweiꞌe ro Tupana pe urukawiatno.

2 Kuriniu 1:5

Aipotypot Iesui tikuap kahato hoꞌopot hap koꞌi poꞌog torannia kai toikuap are. Uruto urutukupteꞌen iwywo wẽtup miit ewy yn uruhoꞌopot kahato wy. Miꞌi turan urukawiatno kahato hat pote toikuap kahato hoꞌopot hap pote. Yt wẽtup i yt toikuap i. Torannia toikuap kat pote tohãꞌãg yne raꞌyn. Miꞌi pote tohatyꞌu kuap yne aikyꞌe haype.

2 Kuriniu 8:4

-Uruipowyro kahato teran Aikaꞌiwat mohey haria tawa Ierusarẽi miaria iꞌatuꞌe uhepe uruiꞌatukyꞌe kahato miꞌiria pote iꞌatuꞌe. Miꞌi pote urumowepiit kahato etioto urumiium koꞌi hawyi iꞌatuꞌe yn uhepe typua i typua i. Saꞌawyꞌi urutoꞌe uruwoꞌope -Pyno taꞌatuium aru kurin taꞌatumiium oktan. Miꞌi hawyi watioto tawa Ierusarẽi kape urutoꞌe uruwoꞌope. Maꞌato yt heĩpyt hin i taꞌatuium poꞌog uruwanetup hap kai.

2 Kuriniu 9:1

Pyno koitywy yt kat hamo i -Waku kahato watiꞌatumoꞌẽ ahekat koꞌi imohey haria ihakyꞌeꞌi rakaria tawa Ierusarẽi miaria pe yt kat hamo i areꞌe katupono ewetum neran.

Wiripu 2:25

Saꞌawyꞌi eweipoꞌoro uhowowi ehemiit mehin Epawutitu uipowyro hamo mesuwe. Miꞌi ti uheropat kahato hat toineꞌen mesuwe. Aikotã surara typy ok takaria ewy urutukupteꞌen mesuwe ahiag moma hamo. Waku kahato atipuẽti eipotpoꞌoro mehin Epawutitu. Koitywy miꞌi atipoꞌoro i raꞌyn ehewowi.

1 Iuwãu 3:17

Hekat rakaria aito pote waku watimoꞌẽ ihakyꞌeꞌi rakat pe watipuẽti hawyi. Waku ahekat watum iꞌatuepe. Yt naku i watoꞌe aiwepe -Pyno yt naku i atimoꞌẽ uhekareꞌen ihakyꞌeꞌi rakaria pe. Mio tã watoꞌe pote yt kat i Tupana kyꞌe hap aikai. Yt ahegyiꞌat i pote yt naku i watoꞌe iraniaꞌin me -Tupana kyꞌe kahato hat uito yt naku i watoꞌe katupono yt pywo pe i watoꞌe.