2 Kuriniu 9:1 - Sateré-Mawé

¹ Pyno koitywy yt kat hamo i -Waku kahato watiꞌatumoꞌẽ ahekat koꞌi imohey haria ihakyꞌeꞌi rakaria tawa Ierusarẽi miaria pe yt kat hamo i areꞌe katupono ewetum neran.

2 Kuriniu 9:1 ပူးပေါင်းရင်းမြစ်များ

Mateu 22:31

-Pyno ahenoi ehepe aikotã miitꞌin guꞌuro pywiat wẽtem hap e. Yt karamuo i apo eiwemuꞌe Tupana ehay miwan ete aikotã saꞌawyꞌi Tupana toꞌe

Iesui Potmuꞌeria 24:17

Areineꞌen motꞌi iraniaꞌin nywo hawyi araꞌaipok tawa Ierusarẽi kape e. Myẽꞌym anu areineꞌen iraniaꞌin tama pe hawyi aterut urumiium wuat uruꞌywania kape Tupana piatnuat e.

Humanu 11:28

Koitywy Iuteuria tunug naꞌyn Tupana taꞌatuewanikap wo katupono taꞌatupun neꞌen neꞌi yne mekewat sehay wakuat Iesui etiat. Miꞌi pote yt atiꞌatuehakyeraꞌat kuap i miꞌiria e Tupana mesup iꞌatuepe. Maꞌato yt eweiwaure teiꞌo Tupana Mipoꞌoro Aiporekuat nuat miꞌiria ewy. Koitywy tukupteꞌen ne Tupana e hap saꞌawyꞌi wuat Aparãu Isaki Iako kapiat hap ewy. Miꞌi pote toꞌywania towyriaꞌin ne miꞌiria tukupteꞌen Tupana miꞌairoria. Koitywy eweipyhuꞌat raꞌyn Tupana wy koꞌi aikotã Iako kape hap ewy. Maꞌato toꞌywania iwyriaꞌin ne miꞌiria tukupteꞌen ne.

Humanu 12:13

Waku hegyiꞌat rakaria wo watoineꞌen ahekat wywo. Waku watimoꞌẽ ahekat iraniaꞌin me hatek takaria pe -Iesui mohey haria eweikupteꞌen uruwywo eweiꞌe iraniaꞌin yt aimikuap i koꞌi pe pykai. Iesui mohey haria miꞌiria pote waku mio tã watoꞌe õꞌẽ haria yt uwe mikuap i koꞌi pe.

Humanu 15:31

Uikyꞌe eipe pote ehẽtup o Tupana pe -Etipowyro kahato o Pauru katupono yt Iesui mohey haria i Iuteuria tiꞌauka teran haype. Miꞌi tupono etikawiatno kahato iꞌatupyꞌasetpiat turan toineꞌen eweiꞌe o Tupana pe. Iꞌewyte mekewat aimiium ereto hap ete etipowyro o Pauru Tupana. Etiꞌatupowyro o Iesui mohey haria mekewat Pauru miium taꞌatuepiat sat taꞌatuwehum wywuat hamuat eweiꞌe o Tupana pe yt taꞌatusat i iraniaꞌin ywania teꞌeruwemoti taꞌatumiium yt kyꞌesat i hap ete.

Karasia 2:10

Miꞌi hawyi teꞌeroꞌe uruepe -Waku eweiꞌatumuꞌe Iesui ehay ete wuatꞌi ywania iꞌatuꞌe katupono miꞌi nug kuap hap Tupana tum naꞌyn ehepe iꞌatuꞌe uruepe. Waku kahato iꞌatuꞌe. Eweiꞌatumuꞌe turan yt waureꞌeweiꞌe teiꞌo ihakyꞌeꞌi rakaria poi miꞌu wuat hap ete pyi iꞌatuꞌe uruepe. Eweiꞌatupowyro ro meimuẽwuaria hatek takaria iꞌewyte eweiꞌatumuꞌe miꞌiria Iesui etiat turan iꞌatuꞌe uruepe itote tawa Ierusarẽi me. Mio tã iꞌatuꞌe uruepe hawyi -Taꞌi uruwyriaꞌin miꞌi hap ewy yn urutunug teran haꞌawyte pyi mesup te raꞌyn urutoꞌe haty wo urupyꞌa pyi Tiaku Peteru Iuwãu me urutoꞌe ainapin hawyi.

Karasia 6:10

Pyno ti waku watikat aikotã iraniaꞌin powyro hamuat. Waku ti yne watunug wakuap torannia miitꞌin me. Maꞌato ti Iesui mohey haria ti waku poꞌog watiꞌatupowyro wakuap no. Uiwyriaꞌin ewehehaꞌat ro uipo wuat uimiwan iwatoꞌin kahato rakat kape.

1 Tesaronika 5:1

Tuut aru Iesui maꞌato yt watikuap i karapeĩ putꞌok e hamuat sio iꞌaman motpe sio aat pe hap koꞌi ti yt urutuwan kuap i ewowi.

1 Iuwãu 2:27

Aipotypot Iesui Paꞌãu aimuꞌe hap sese topyhuꞌat katupono toineꞌen Ipaꞌãu aikai pote miꞌi yn aimuꞌe. Miꞌi hawyi yt uwe i aimuꞌe pykai toineꞌen. Miꞌi ti aimuꞌe aat kaꞌap. Yne eꞌat pywo rakat etiat aimuꞌe kahato Ipaꞌãu. Yt kat i saꞌag ete aimuꞌe. -Pyno uipap eupi watoꞌe. Uimuꞌe ro watoꞌe Ipaꞌãu me. Miꞌi tã watunug mote aiwoꞌowese hap yn topyhuꞌat Aikaꞌiwat Iesui wywo.