2 Kuriniu 8:9 - Sateré-Mawé

⁹ Eipotypot Iesui aikyꞌe kahato. Miꞌi hap eweikuap taꞌyn maꞌato ahenoi teran i raꞌyn. Hegyiꞌat kahato Miꞌi aikotã hekat sese rakat timoꞌẽ yne tekareꞌen ihakyꞌeꞌi rakaria pe hap ewy Aikaꞌiwat hegyiꞌat kahato. Saꞌawyꞌi sese yne kareꞌen topyhuꞌat ipo pe atipy pe. Miꞌi hawyi ahowawi tuut atipy kaipyi. Miꞌi Miit ihakyꞌeꞌi rakat topyhuꞌat. Toimoꞌẽ yne tewaku hap ahowawi aikyꞌe haype. Miꞌi hap koꞌi watikuap taꞌyn. Maꞌato waku watopyhuꞌat aikotã hegyiꞌat hap ewy uhekatuwyria are.

2 Kuriniu 8:9 ပူးပေါင်းရင်းမြစ်များ

Mateu 17:27

Maꞌato aito yt watiꞌaparap teran i mesuwaria eꞌe hap ete. Miꞌi pote waku ereto ro ihyemyiꞌa kape hawyi etipun epina yꞌy pe hawyi waku saꞌawyꞌi etekyi pira hawyi etat miꞌi turan aru etipuẽti iwẽ pe wẽtup saꞌup iꞌape rakat hawyi waku ereto miꞌi wywo hawyi ehaꞌup nug aiweupi.

Mateu 20:28

Uito Eheykeꞌet wuatꞌi miitꞌin eropat hat kahato areineꞌen wuatꞌi miitꞌin powyro hat e. Uito Eiporekuat koro areineꞌen wen maꞌato yt iraniaꞌin morekuaria ewywuat i. Iꞌewyte atum irane uheineꞌen hap saꞌup miitꞌin kyiꞌat Tupana watnuat hamo e Iesui topotmuꞌeria pe.

Mateu 8:20

Maꞌato Iesui tiwesat -Pyno ereto teran uhupi pote waku saꞌawyꞌi erewanetup kahato katupono ti Awahuru koꞌi ti tukupteꞌen taꞌatukaꞌa puo iꞌewyte weitaria ti tukupteꞌen taꞌatusok puo maꞌato Uito Miitꞌin Ykeꞌet pykai yt kat i uiꞌyat uiwemohy hamuat.

Maku 6:3

Miꞌi hawyi teꞌeroꞌe toꞌope -Yt saꞌawyꞌi wuat meiũpiat panꞌi panꞌi e hat i apo meiẽ iꞌatuꞌe. Yt mana Maria mepyt i apo miꞌi Miit iꞌatuꞌe. Yt Tiaku Iuse Iuta Simau ykeꞌet i apo miꞌi Miit Iesui iꞌatuꞌe. Iꞌewyte iwat yt Iesui inytꞌin i apo tukupteꞌen meiũpe iꞌatuꞌe toꞌope. Miꞌi hawyi yt taꞌatumohey hin i Iesui haype. Miꞌi pote yt teꞌeruwanetup teran i Iesui kape. -Yt toimoherep kuap i wakuap Tupana etiat iꞌatuꞌe toꞌope.

Iruka 16:11

Uiwyriaꞌin eiweꞌeg wo o ehekat moꞌẽ hap ete. Waku hãpyk kahato eweimoꞌẽ Tupana miium ehepiat koꞌi pote ehekat sese tutum ehewowi wyti aru e.

Iruka 2:7

Miꞌi hawyi Maria imepyt raꞌyn yian. Miꞌi hawyi tohuwy raꞌyn hirokat hit sokpe wo hawyi toiporokpun naꞌyn hũria miꞌu eiam me katupono yt taꞌatupuẽti i taꞌatueiam taꞌatuket hamuat pote.

Iruka 8:3

Miꞌi hawyi Iuana mekewat Kusa eharyꞌi toto hupi hemiitꞌin eropat hamo. Heꞌaito ti mekewat Kusa morekuat Eroti yat pe toineꞌen. Yne motpap hap koꞌi morekuat yat piat toineꞌen Kusa po pe. Miꞌi hawyi mana Susana iꞌewyte iraniaꞌin haryporia Iesui potpoꞌororia powyro haria teꞌeropyhuꞌat. Miꞌi hawyi taꞌatuekat kaipyi taꞌatukyiꞌat kat koꞌi kat koꞌi Iesui powyro hamo.

Iruka 9:58

Miꞌi hawyi Iesui tiwesat -Pyno ereto teran pote waku saꞌawyꞌi eto hap owakai te erewanetup kahato katupono Awahuru koꞌi ti tukupteꞌen taꞌatukaꞌa puo. Iꞌewyte weitaria ti teꞌeroket taꞌatusok koꞌi puo. Maꞌato uito Miitꞌin Ykeꞌet pykai yt kat i uiket hap e.

Iuwãu 1:10

Mekewat miit nimo pyi toineꞌen. Kat kat koꞌi mesuwat rotiat inug hat toineꞌen. Maꞌato mesuwat rotiaria yt ikuap i uwe.

Iuwãu 1:14

Mekewat Sehay e hap het rakat Iesui aiꞌewywuat tuwemoherep miitno aipiit ewywuat tuwemoherep. Miꞌi hawyi watehaꞌat kuap i hẽtyhot atipy kaipywiat Tupana saꞌyru wẽtup yn kape. Miꞌi hawyi toineꞌen aipyꞌasetpe. Putꞌok e mesuwe hegyiꞌat hap moherep hamo. Miꞌi ti Wakuat Sese toineꞌen. Hãpyk hap yn tuete. Pywuat rakat toineꞌen.

Iuwãu 1:17

Nimuat ahaꞌaseꞌi Muisei wyti henoi kahato waĩꞌe hap ahepuo maꞌato mesup ti koitywy Aipotypot Tupana Mipoꞌoro Sese Iesui raꞌyn henoi kahato ahepuo tegyiꞌat hap sese pywuat sehay e.

Iuwãu 12:30

Maꞌato Iesui toꞌe. Yt uhetiatno i wyti mio sehay tuut maꞌato ehepiatno wyti e.

Iuwãu 16:15

Wuatꞌi Uiꞌywot wat ipo piat uiatnuat koꞌi tukupteꞌen e. Miꞌi tã tupono ti aru uiꞌe hap ewy Tupana Paꞌãu henoi ehepe e Iesui topotmuꞌeria pe.

Iuwãu 17:19

Pywo Papai epo pe areineꞌen emikyꞌesat ewy nug hamo. Miꞌi hawyi atikyꞌesat wy uhemiitꞌin epo pe teꞌeropyhuꞌat eimikawiatno sese wuaria wo e.

Humanu 11:12

Uruꞌywania Tupana piat taꞌatupoityro hap pun haria taꞌatuꞌaparap kahato Tupana imiium taꞌatuehakyeraꞌat hamuat ete. Yt taꞌatukyꞌesat i hawyi ihakyꞌeꞌi rakaria ewy tukupteꞌen mesuwe. Katupono pya kahato Tupana kai tukupteꞌen. Uruꞌywania mipun iraniaꞌin ywania ewy topyhuꞌat. Miꞌi hawyi koitywy iraniaꞌin ywania Tupana mipoityro wo tukupteꞌen aikotã Tupana Paꞌãu kuap haria wo. Taꞌatumohey Tupana hawyi Tupana mihuꞌi huꞌi koꞌi wo tukupteꞌen. Maꞌato meiũran aru Iuteuria ywania urutoria yne Iesui mohey haria wo urutukupteꞌen aru imiꞌairoria oktan aikotã iraniaꞌin ywania mesuwat yi tote wẽtup sok yn watukupteꞌen hap ewy. Miꞌi hap eꞌat pe Tupana mipoityro koꞌi yne miitꞌin. Miꞌi pote mesuwat yi yne Tupana mipoityro wo topyhuꞌat. Waku kahato miꞌi hap eꞌat topyhuꞌat waku sakpo e.

Humanu 15:3

Yt karãpe i Aiꞌakag Iesui tuwemowepiit hap kat hatno toineꞌen. Taꞌi Aikaꞌiwat Tupana mowepiit hap koꞌi yn toikat. Saꞌawyꞌi mio tã e miwan me -Saꞌawyꞌi toꞌokyryꞌi kahato eete Tupana hawyi uipoꞌoro iꞌatuehakyeraꞌat hamo. Mesup iꞌatuehay saꞌag kahato topyhuꞌat uhete e. Yne miitꞌin sehay saꞌag Tupana piat hap topyhuꞌat uhete e Iesui eꞌyian mete miwan me Tawi wepy hawe 69.9 pe. Miꞌi hap ewy waku poꞌog watiꞌatumowepiit iraniaꞌin watuwemowepiit hap kai.

Humanu 5:8

Maꞌato yt naku i nug haria ehakyeraꞌat hamo neꞌi Iesui ikuꞌuro. Tewanikaptia etiatno ikuꞌuro hawyi watikuap taꞌyn Tupana aikyꞌe kahato hap. Tupana tomoherep taꞌyn aikyꞌe hap Tosaꞌyru kuꞌuro hap kaipyi.

Humanu 8:32

Tutum naꞌyn ahepe Tosaꞌyru sese Tomikyꞌe poꞌog ahehakyeraꞌat hamo ikuꞌuro aikyꞌe hap upi. Tupana hegyiꞌat kahato. Tosaꞌyru po pyi mesup tutum neran ahepe yt kat saꞌup i yne yne yt kat i te aipo piat rakat ahehakyeraꞌat tuwy.

1 Kuriniu 1:4

Wuatꞌi eꞌat pe arehum ewowi Tupana katupono etum naꞌyn tawa Kurintiu piaria pe iꞌatuehakyeraꞌat hap urukaꞌiwat Iesui mohey haria miꞌiria pote areꞌe.

1 Kuriniu 15:47

Saꞌawyꞌi wuat Tupana tunug Atãu yi kawiat. Mekewat Atãu Saipepiat Iesui toineꞌen.

2 Kuriniu 13:14

Toran naꞌyn uiꞌe hap miwan miat. Uito ti Tupana mipoꞌoro sese Pauru.

2 Kuriniu 6:10

Aimosoꞌopot hap aimoꞌarot kahato. Maꞌato miꞌi pykai watuwehum kahato Tupana kape. Maꞌato iꞌatuwanetup hawe yt kat hamo rakaria wo i watoineꞌen. Maꞌato wahenoi Tupana ehay wakuat iꞌatuepe hawyi taꞌatumohey hawyi taꞌi Tupana mipoityro koꞌi wo tukupteꞌen naꞌyn. Miꞌi hawyi aikotã hekat rakaria ewy tukupteꞌen. Yt kat i ahekat pykai.

Ewesu 2:7

Miꞌi hawyi Tupana toꞌe Tosaꞌyru pe -Eraꞌapyk to mesuwe uikai atipy pe wuatꞌi Porekuat no e Tosaꞌyru pe. Miꞌi tote hap ewy aito iꞌewyte watoineꞌen iwywo morekuaria wo are. Miꞌi hap ewy watoineꞌen iwywo katupono aito wẽtup ok miit ewy iwywo. Pyno mesup toimoherep taꞌyn towese hap ahepe wuatꞌi eꞌat pe. Miꞌi pote -Egyiꞌat kahato watoꞌe Tupana pe. Yt uwe i poꞌog ekai iwese rakat watoꞌe.

Ewesu 3:19

Yt karãpe i uruikuap yne kat kupitu kat kupitu urukyꞌe hap Iesui piat hap maꞌato ahẽtup kahato ewowi Tupana etimoherep emohey haria pe tawa Ewesu piaria pe aikotã aikotã Esaꞌyru taꞌatukyꞌe hap ahẽtup epe are. Miꞌi hap taꞌatukuap hawyi teꞌeropyhuꞌat eiam sese wo raꞌyn Tupana are iꞌewyte ereineꞌen no iꞌatuwywo kahato are ahẽtup Tupana pe mỹꞌãtutuk pe pyi mesuwe woꞌopyhik hawe.

Ewesu 3:8

Uhewaku hap yt putꞌok e hin i Aipotypot eropat hamo are. Taꞌi uito ti poꞌog kurin katno areineꞌen poꞌog yi kape torannia Iesui mohey haria kai areineꞌen uito maꞌato miꞌi pykai Tupana uiꞌairo iraniaꞌin ywania muꞌe hamo tehay ikahu rakat ete uhewaku hap yt putꞌok e hin i heropat hamo pykai are. Yt naku i uito pykai towese kahato hap mywo uiꞌairo katupono yt poꞌog hin i uito. Koitywy atimoꞌẽ kahato iraniaꞌin ywania pe. Tupana ekareꞌen moꞌẽ hat ewywuat areineꞌen uito aikotã wuatꞌi eꞌat piat hekat rakat tomoꞌẽ hap ewy areineꞌen. Aikaꞌiwat Iesui ekat iwato kahato aikotã poꞌog poꞌog wuatꞌi kai toineꞌen poꞌog poꞌog Miꞌi ekat moꞌẽ hat ewy areineꞌen uito Pauru.

Korosi 1:24

Koitywy hoꞌopot hat ewy areineꞌen mesuwe. Uipiit satyꞌi kahato areineꞌen katupono woꞌopyhik hawe areineꞌen hatek takat ewy. Miꞌi pykai uiwepiit yn katupono eikawiatno ahoꞌopot. Saꞌawyꞌi Aipotypot Iesui hoꞌopot kahato aikawiatno tomohey haria etiatno. Koitywy watoineꞌen wẽtup mepyt sok ewy Iesui upi katupono tohoꞌopot aikawiatno. Miꞌi hap ewy kahato ahoꞌopot Iesui mohey haria kawiatno.

1 Timoteu 6:18

Wakuap nug haria wo o eweikupteꞌen ereꞌe. Waku eipotpap kahato wakuap nug hap koꞌi ete yn. Hegyiꞌat rakaria wo o eweikupteꞌen ere. Yt hekat i rakaria tukupteꞌen eimikuap pote eweimoꞌẽ miꞌiria pe ehekat ere o hekat rakaria pe Iesui mohey haria pe.

Epereu 1:2

Maꞌato mesup te Tupana aimuꞌe Tosaꞌyru wẽ pyi. Koitywy tuwemoherep ahepe Tosaꞌyru ieineꞌen hap upi Tosaꞌyru minug upi Tosaꞌyru ehay hap upi tuwemoherep mesup. Yt nimo te wuat aimuꞌe hap ewy hin i raꞌyn tutunug mesup katupono Tosaꞌyru po wo Tupana tunug wuatꞌi mesuwarotiaria. Atipy totiat aat waty waikiru koꞌi Tosaꞌyru po wuat iminug koꞌi. Miꞌi tupono ti tutum yne meimewat koꞌi torannia Tosaꞌyru pe. Mesuwat torannia yne meimewat -Ewatno e. Pyno ereineꞌen no Mesuwat Yne Kaꞌiwat no e.

Tiaku 2:5

Pyno ewetum no ehewaure kaꞌa uhepe uimikyꞌe koꞌi. Yt eweikuap i te apo aikotã Tupana tiꞌairo kahato yt hekat i rakaria Iesui mohey kahato hanuaria wo hap. Poꞌog toiꞌairo ihakyꞌeꞌi rakaria temiit no tetama piatnuaria wo iraniaꞌin kai katupono saꞌawyꞌi toꞌe -Uhemiit sese wyti aru tukupteꞌen miit emiit haria wo karãpe arepyhuꞌat Wuatꞌi Miitꞌin Morekuat Koro mesuwarote e Tupana miwan me saꞌawyꞌi. Mio tã toꞌe hap ewy raꞌyn ti mesup te toiꞌairo temiitꞌin no miit yt uwe mikuap ewywuat koꞌi i yt uwe mikyꞌe ewywuat koꞌi i e. Miꞌiria pe ti -Worohoꞌoꞌairo eipe miitꞌin porekuaria wo uimohey sese haria eiperia pote e. Worohoꞌonug eipe morekuat no yne mesuwat yi tote e hatek takaria pe tokyꞌe sese haria pe. Worohoꞌomoesaika uimohey kahato hap wywo wuatꞌi nug hamo e Tupana tomohey haria pe.

Iesui Aru E Hap 2:9

Uimohey haria tawa Simina piaria worohoꞌokuap kahato eipe. Waku sakpoꞌe eipe e. Uheropat haria seseria kahato eipe e. Atikuap ewehoꞌopot uhetiatno hap e. Atikuap aikotã hoꞌopot kahato popuo eipotpap uimikyꞌesat nug hap ete. Satek takaria eweikupteꞌen maꞌato uiwanetup hawe hekat kahato rakaria wuatꞌi eꞌat piaria eweikupteꞌen e. Iꞌewyte atikuap aikotã itotiaria tukupteꞌen hap eiꞌatusatyꞌi satyꞌi kahato haria e. Atikuap aikotã uruto yn ni Tupana kuap haria katupono Iuteu ywania sese uruto iraniaꞌin ehepe maꞌato eipe yt eweiꞌe. Miꞌiria taꞌatuehay saꞌag wo ehepe. Yt Tupana emiitꞌin hin i miꞌiria maꞌato ahiag motypot yat piaria miꞌiria e. Yt Iuteu ywania hin i maꞌato ahiag ywania saꞌag tukupteꞌen miꞌiria Iuteu ywania ran neꞌi koꞌi e.

Iesui Aru E Hap 21:7

Uwe uwe ahiag miat toiãꞌãg hap yt naku i nug hamuat akit hat miꞌi hat pe atum yne Tupana wat e. Miꞌi hat pe areꞌe -Uhaꞌyru sese en uhakiꞌyt sese en areꞌe. Miꞌi hawyi uiwesat miꞌi hat -En ni Uiꞌywot sese iꞌatuꞌe e.

Iesui Aru E Hap 3:18

Tawa Irautiseia piaria Uimohey haria koitywy worohoꞌonapin neran aikotã ehekat wuatꞌi eꞌat piat sat hap kuap hap ete e. Uimohey haria eweikyiꞌat ro uipo pyi ehekat sese yt ikahuro rakat i e. Toineꞌen uipo pe hekat kahato rakat wuatꞌi eꞌat piat e. Miꞌi ti aria yt iꞌu kuap i hap ewy e Imehit kahato rakat miꞌi mekewat nu uru kawiat ewywuat e. Miꞌi eweikyiꞌat uikai hawyi hekat rakaria sese rakatno eweikupteꞌen are e. Eweikyiꞌat ro uipo pyi ehesokpe sese wuatꞌi eꞌat piat nuat e. Eipainug ikahu rakat sese mekewat ikytsig sese rakat eweikyiꞌat ro eipainug sese wuatꞌi eꞌat pe hap e. Maꞌato yt pote eiwemoti kahato aru yt kat i ehesokpe turanuat ewy pote eweikupteꞌen wuatꞌi ehamo wuatꞌi eꞌat pe e. Iꞌewyte eweikyiꞌat mohag sese seha pohag eheha moehapytig hamuat wuatꞌi eꞌat piat nuat e.