2 Kuriniu 8:12 - Sateré-Mawé

¹² Pyno kat koꞌi kat koꞌi watum Tupana kape aipyꞌa pyi ikyꞌe hap wywo miꞌi hawyi ewepiit kahato. Iwato sio yt hap kape yt tuwanetup i miꞌi koꞌi kape. Tupana tikyꞌesat watum kuap hap oktan tope. Yt toikyꞌesat i watum yt watum kuap i hap oktan.

2 Kuriniu 8:12 ပူးပေါင်းရင်းမြစ်များ

Mateu 25:17

Miꞌi hawyi iꞌewyte wẽtup ok 200 iꞌa rakaria ipo pe 400 iꞌa rakaria teꞌeropyhuꞌat tuwemowato.

Mateu 25:22

Miꞌi hawyi wẽtup ok i 200 iꞌa topo piat putꞌok e hawyi toꞌe -Uikaꞌiwat e saꞌawyꞌi kue etum 200 iꞌa rakaria etineiru uhepe e. Pyno koitywy ti maꞌato poꞌog naꞌyn emiium 200 rakaria kaipyi ti 400 iꞌa rakaria raꞌyn toineꞌen e.

Iruka 16:10

Pyno uiwyriaꞌin eiweꞌeg nakaria eweikupteꞌen kurin kat wywo pote atikuap taꞌyn eiweꞌeg nakaria eweikupteꞌen iwato rakat wywo. Maꞌato mekewaria kurin nakat wywo yt iweꞌeg i pote iꞌewyte yt iꞌatuweꞌeg I rakaria tukupteꞌen iwato rakat wywo e.

2 Kuriniu 8:11

Pyno koitywy worohoꞌonapin eipe -Ewetunug no aikotã eweiꞌe hap ewy. Eweiꞌatunug o eimiium koꞌi eimikyꞌesat ewy. Taꞌi eiwepiit hap wywo wyti ewetum eimikyꞌesat oktan. Waku watum aimiium Tupana kapiat haty wo iꞌatukyꞌe hap wywo. Waku watum aipap hap wywo. Waku wahoꞌoium ahekat koꞌi aimikyꞌesat ewy.

2 Kuriniu 8:13

Yt naku i watum yne ahekat ihakyꞌeꞌi rakaria pe hawyi aito watoineꞌen ihakyꞌeꞌi rakaria wo neꞌi hap. Waku poꞌog watimoꞌẽ iꞌatuepe hawyi yne aito ahekat topyhuꞌat.

2 Kuriniu 8:19

Taꞌi torannia Tupana motypot yat piaria miꞌairo ti meiũwat miit mekewat aimiium ereto tawa Ierusarẽi kapiat hamuat. Miꞌi hamuat iꞌatumiꞌairo iꞌatumiium iꞌatuegyiꞌat hap moherep hamuat ium hamuat. Miꞌi urutum ihakyꞌeꞌi rakaria imohey haria tawa Ierusarẽi miaria pe. Miꞌi hawyi teꞌeruwehum kahato Aikaꞌiwat Iesui kape. Miꞌi hawyi iꞌatuwepiit kahato taꞌatukuap taꞌatukyꞌe kahato ehepiat hap hawyi.

2 Kuriniu 9:7

Uiwyriaꞌin Tupana tikyꞌe kahato hegyiꞌat sese rakat. Topyꞌa pyi toikyꞌesat kahato tutum Tupana kape hat. Yt toikyꞌesat i watum tope yt watum neran i wywo watum hap. Iꞌewyte yt toikyꞌesat i -Etum no maꞌato yt pote yt naku i pe ereineꞌen e wẽtup ok hap upi neꞌi watum hap. Tupana tikyꞌesat aiwehum kahato wywo watum aipyꞌa pyi hap tewowiat hap toikyꞌesat. Toikyꞌesat aimiium muat watiꞌairo yian mete kat som watum hap koꞌi.

1 Peteru 4:10

Pyno Tupana tum ahepe tesaika hap wakuat moherep hamuat miitꞌin powyro hamuat. Yt toꞌoꞌewy hin i tutum ahepe tesaika hap. Pyno kat som watipuẽti Tupana esaika hap kaipyi waku watimoꞌẽ iraniaꞌin me. Kat som watikuap waku rakat pyno waku wahenoi iraniaꞌin me Tupana mienoi hepiat koꞌi. Waku watipowyro iraniaꞌin aipo wywo Tupana miium aimisepap koꞌi wywo aikotã Tupana piat aimuꞌe hap ewy. Watikuap pote waku watiꞌatupowyro iraniaꞌin aimisepap koꞌi wywo aikotã Tupana aimuꞌe hap oktan. Aimisepap koꞌi yne Tupana miium koꞌi tukupteꞌen yne aimikuap koꞌi Tupana aimuꞌe hap koꞌi. Yt kat saꞌup i tutum ahepe pote waku watum miitꞌin me yt kat saꞌup i. Waku watopyhuꞌat Tupana eropat haria wo wakuaria ewy. Waku Tupana miium watimoꞌẽ iraniaꞌin me ahegyiꞌat kahato hap wywo aikotã Tupana hegyiꞌat hap ewy.