2 Kuriniu 7:5 - Sateré-Mawé

⁵ Saꞌawyꞌi putꞌok urutoꞌe mesuwe yi Masetunia pe turan uruhoꞌopot kahato. Yt urukyꞌe hin i itote. Iꞌatuehay saꞌag uruete yne tawa piaria. Urutokenꞌẽ itote kat pote sio uruꞌauka sio yt hap urutuwanetup pote. Iraniaꞌin tuꞌuka kahato uruete. Yt ikahu hin i uruwanetup hawe. Yt urutuwemohey kuap i. Miꞌi hawyi yt uruikyꞌesat i poꞌog yi kape sese uruto urutukupteꞌen.

2 Kuriniu 7:5 ပူးပေါင်းရင်းမြစ်များ

Iesui Potmuꞌeria 20:1

Pyno iꞌatupoꞌinik typyꞌi rakaria. Miꞌi hawyi Pauru tikay kay Iesui potmuꞌeria. Putꞌok iꞌatuꞌe hawyi toiꞌatuꞌahiꞌypysat. Waku yne raꞌyn hawyi toiꞌatunapin naꞌyn iꞌatumoesaika hamo. Miꞌi hawyi toto yi Masetunia kape tawa Ewesu pyi.

Humanu 15:26

Miꞌi pote Iesui mohey haria iraniaꞌin ywania aikope aikope teꞌeruwaꞌatunug hap tote tawa koꞌi yi Masetunia piaria tawa yi Akaia piaria tiꞌatumoꞌẽ teran taꞌatuekat ihakyꞌeꞌi rakaria tawa wato Ierusarẽi miaria puo Iesui mohey haria tawa Ierusarẽi miaria powyro hamo.

1 Kuriniu 15:31

Yt karãpe i aikuꞌuro hawyi watoineꞌen mote yt kat hamo i uito atiꞌatumuꞌe aat kaꞌap wanikaptia uiꞌauka teran haria. Uiwyriaꞌin pywo ti worohoꞌokyꞌe eipe uimowepiit haria eipe. Mesuwe uimohan haria tukupteꞌen. Yt taꞌatukyꞌesat i uhehay Iesui etiat hap wote uiꞌauka teran. Maꞌato miꞌi hap ahenoi teran ehepe katupono aito wẽtup miit ewy Iesui mohey haria aito pote worohoꞌokyꞌe haype.

1 Kuriniu 16:5

Pyno uhewyry teran yi Masetunia puo hawyi putꞌok are ehetawa Kurintiu pe te.

2 Kuriniu 2:13

Itote turan atikat kahato aheywyt Titu katupono atikuap teran iwẽ pyi aikotã aikotã eweikupteꞌen hap koꞌi. Atikat aat kaꞌap maꞌato yt atipuẽti i hawyi uiꞌarot kahato areineꞌen itote. -Kat pote yt tuut i Titu are yn uiwepe. Miꞌi hawyi areꞌe itotiaria pe -Pyno areto raꞌyn yi Masetunia kape are miꞌi hawyi areto raꞌyn.

2 Kuriniu 2:3

Miꞌi pote atipoꞌoro miwan ehewowi. Pyno eweimohãpyk eiminug saꞌag koꞌi. Miꞌi hawyi areto kuap ehewowi are uimiwan me. Katupono areto turan ewetunug saꞌag ne miꞌi hawyi yt kat i uimowepiit ehepiat hap. Miꞌi pote atipoꞌoro miwan ehewowi uheꞌyianmete katupono worohoꞌomohey eipe. Atikuap ewetunug uhepiat einapin hap koꞌi hamuat. Pywo ti rat yt karãpe i uiwepiit yt eiwepiit i pote.

2 Kuriniu 2:9

Saꞌawyꞌi wuat uimiwan me areꞌe -Eweiꞌapiheg no eipyꞌasetpiat mekewat toꞌywot eharyꞌi wywuat saꞌag nug hat. Miꞌi tã are ehepe saꞌawyꞌi ehãꞌãg hamo sio uhehay upi eweikupteꞌen sio yt hap kuap hamo.

Karasia 4:11

Miꞌi pote uimoꞌakagꞌaia kahato haria eipe are mio tã eweiꞌe pote. Yt naku i rat paĩ katupono eimuꞌe saꞌawyꞌi te wuat Iesui etiat uhepiat hap eweiwaure kahato hap. Miꞌi hawyi yt kat hamo i eimuꞌe saꞌawyꞌi wuat hap topyhuꞌat ehepe.

1 Tesaronika 3:5

Saꞌawyꞌi tawa Atena pe areineꞌen turan ehewowi yn uiwanetup hap. Wẽtup eꞌat pe haty kahato uhete katupono yt atikuap i aikotã som eweikupteꞌen hap. Miꞌi hawyi yt ahupit kuap i raꞌyn mesuwat haty hap hawyi atipoꞌoro Timoteu iꞌatuepiat imohey hap kuap hamo are sio ahiag iꞌatuiãꞌãg moityꞌi hawyi imohey hap pun haria wo raꞌyn tukupteꞌen hawyi uipotpap hap topyhuꞌat yt kat hamo i hap kuap hamo atipoꞌoro Timoteu.