2 Kuriniu 7:12 - Sateré-Mawé

¹² Eiweikuap kat pote uimiwan saꞌawyꞌi atipoꞌoro ehewowi einapin haty wuat hap. Pyno ahenoi ehepe worohoꞌokyꞌe kahato moherep hamuat. Yt uheso hin i are. Taꞌi Tupana ehamo yt uheso hin i are. Pywo piat sese worohoꞌokyꞌe eipe hap. Yt atipoꞌoro i saꞌawyꞌi mekewat miwan eipyꞌasetpiat iꞌaparap hap mohit hamo iꞌewyte imimaꞌat koꞌi mohit hamo wy. Maꞌato eiꞌywot ewy areineꞌen worohoꞌonapin perup i popuo eikyꞌe haype are.

2 Kuriniu 7:12 ပူးပေါင်းရင်းမြစ်များ

2 Kuriniu 11:11

Miꞌi hawyi iraniaꞌin teꞌeroꞌe eipyꞌasetpe toꞌope uruetiat. -Pauru yt aikyꞌe i miꞌi pote yt toikyꞌesat aikaipyi kat koꞌi kat koꞌi. Pywo ti rat Tupana tikuap worohoꞌokyꞌe kahato uhepiat hap.

2 Kuriniu 11:28

Pywo ti rat ahoꞌopot kahato Iesui ehay sytpok hamuat hap upi. Uiꞌakagꞌaia kahato uhewyry hap upi. Arewanetup kahato iraniaꞌin imohey haria iraniaꞌin tawa piaria kape sio taꞌatumohey te sio yt hap kape sio tuꞌuka toꞌope sio yt sio iꞌatuehãite sio yt hap koꞌi kape yn arewanetup. Uhehatꞌat iꞌatukyꞌewi. Yne eꞌat yne iꞌatuꞌapykok hatno areineꞌen uiwanetup hawe uipyꞌa pe. Atikyꞌesat iꞌatuehay Iesui mohey hap ete yn uiwanetup hap.

2 Kuriniu 2:17

Tukupteꞌen Tupana ehay moherep haria maꞌato yt pywo pe i rakaria. Yt Tupana kyꞌe hap wywuat sese haria i aimuꞌe maꞌato ahekat kyewi neꞌi -Mio tã e Tupana iꞌatuꞌe maꞌato yt miꞌi tã e hin i pykai taꞌatuꞌywyk neꞌi. Maꞌato ahehay mio tã watoꞌe -Tupana tipoꞌoro raꞌyn Tosaꞌyru ahehakyeraꞌat hamo watoꞌe. Miꞌi pote waku watunug Iesui Aiporekuat no watoꞌe aipyꞌa pyi watoꞌe. Urukaꞌiwat mowepiit hamo yn uruiꞌatumuꞌe miitꞌin koꞌi.

2 Kuriniu 2:9

Saꞌawyꞌi wuat uimiwan me areꞌe -Eweiꞌapiheg no eipyꞌasetpiat mekewat toꞌywot eharyꞌi wywuat saꞌag nug hat. Miꞌi tã are ehepe saꞌawyꞌi ehãꞌãg hamo sio uhehay upi eweikupteꞌen sio yt hap kuap hamo.

2 Kuriniu 7:8

Saꞌawyꞌi wuat uimiwan ehowawiat eiꞌapiheg kahato hap eimoꞌarot kahato hap paa eweiꞌe kahato hap. Miꞌi turan areꞌe uiwepe -Yt naku i kahato uimiwan are. Poꞌog waku yt karãpe i atipoꞌoro uimiwan are uiwepe. Maꞌato mio waku kahato atipuẽti uimiwan katupono eweiꞌaipok taꞌyn Tupana kape paa eweiꞌe hap. Saꞌawyꞌi wuat einapin hap eiꞌapiheg hap yt he hin i eweipuẽti yt eimowepiit hin i pote. Maꞌato koitywy eimowepiit poꞌog poꞌog. Miꞌi hawyi koitywy eweiwat raꞌyn einapin uhepiat hap upi. Pyno koitywy uimiwan saꞌawyꞌi wuat ehowawiat uimowepiit kahato.

1 Timoteu 3:5

Maꞌato yt toiꞌapykok kuap i tomepytꞌin miꞌi hap pote ti yt aikotã kuap i Tupana mepytꞌin apykok kuap hamo paĩ.