2 Kuriniu 6:8 - Sateré-Mawé

⁸ Waku pe yn watikyꞌesat Tupana potpap nug ahepiat imotypot wywuat hamo. Maꞌato iraniaꞌin aimotypot kahato tuereto. Maꞌato iraniaꞌin yt aimotypot hin i. Maꞌato iraniaꞌin teꞌeruwekyryꞌi kahato ahete. Maꞌato iraniaꞌin yt -Waku iꞌatuꞌe kahato. Pywo piat watimoherep turan iraniaꞌin -Iꞌatueso atueso neꞌi taꞌatuhenoi iꞌatuꞌe ahepiat. Maꞌato sio waku iꞌatuꞌe sio yt naku i iꞌatuꞌe pykai watiꞌatumuꞌe kahato te Tupana ehay wakuat ete.

2 Kuriniu 6:8 ပူးပေါင်းရင်းမြစ်များ

Mateu 10:25

Katupono ti aru mimuꞌe ete taꞌatunug imuꞌe hat etiat ewy ti raꞌyn. Iꞌewyte semiit ete ti aru taꞌatunug aikotã hekaraiwa etiat ewy ti raꞌyn. Iꞌewyte mekewat netawiaria akag toꞌe -Meiẽ ti ahiag Pesepu e hap iꞌatuꞌe. Miꞌi pote ti aru Pesepu e hap iꞌatuꞌe iꞌatuꞌakag me miꞌi pote ti aru iraniaꞌin hemiitꞌin me teꞌeroꞌe wy meimuẽ ti ahiag mepytꞌin kahato iꞌatuꞌe saꞌag wy.

Mateu 22:16

Miꞌi hawyi taꞌatupoꞌoro taꞌatuemiitꞌin morekuat Eroti emiitꞌin wywo Iesui maꞌat teran haype. Miꞌi hawyi teꞌeroꞌe -Urumuꞌe hat taꞌi uruikuap taꞌyn wyti ehay hãpyk hap iꞌatuꞌe. Taꞌi etiꞌatumuꞌe hãpyk kahato ti miitꞌin Tupana mikyꞌesat ewy iꞌatuꞌe. Iꞌewyte ti yt erekenꞌẽ hin i miitꞌin mupi iꞌatuꞌe. Iꞌewyte uruikuap ti aikotã miitꞌin etiꞌatumotypot toꞌoꞌewyꞌewy iꞌatuꞌe iwatoꞌin nakaria iꞌewyte kurin nakaria iꞌatuꞌe hap uruikuap taꞌyn uruto iꞌatuꞌe.

Mateu 27:63

Mio tã iꞌatuꞌe -Mekewat gaꞌatpuat urumiꞌauka heso rakat wytig toineꞌen ne turan mio tã e -Myẽꞌym eꞌat areineꞌen guꞌuro pe hawyi ti aru areineꞌen i raꞌyn e iꞌatuꞌe.

Maku 12:14

Miꞌi hawyi apo iꞌatuꞌe -Woꞌomuꞌe hat iꞌatuꞌe taꞌi uruikuap En. Pywo ti ehenoi hãpyk yn Tupana kapiat puꞌap wuatꞌi miitꞌin me katupono yt uwe pupi i erekenꞌẽ iꞌatuꞌe. Wẽtup ehay yn ehenoi wuatꞌi miitꞌin iꞌatuꞌe. Maꞌato wẽtup te uruikuap teran waku apo ahetineiru watipatꞌok morekuat wato Sesa pe sio yt iꞌatuꞌe Iesui pe.

Iuwãu 7:12

Miꞌi haype teꞌeruwanetup koꞌi koꞌi kahato tuete. Iraniaꞌin -Yt naku i Iesui iꞌatuꞌe aimaꞌat reran tehay wo iꞌatuꞌe. Iraniaꞌin Iesui waku iꞌatuꞌe.

Iesui Potmuꞌeria 10:22

Miꞌi hawyi taꞌatuwesat -Taꞌi urukaꞌiwat Kuneriu urupoꞌoro ewowi uhyt iꞌatuꞌe. Urukaꞌiwat ti 100 ok surara akag wo ieineꞌen hat urupoꞌoro mehin iꞌatuꞌe. Iꞌewyte uruꞌakag ni Tupana mohey kahato hat toineꞌen iꞌatuꞌe. Toimotypot Etupana yn iꞌatuꞌe. Waku kahato urupoꞌoro hat. Hãpyk yn nug wuatꞌi eꞌat piat hat uhyt iꞌatuꞌe. Yne eꞌywania Iuteuria uruetawa totiaria ikuap urukaꞌiwat Kuneriu ewaku hap iꞌatuꞌe. Gaꞌatpo ti Tupana Paꞌãu Wakuat ihay kahato urukaꞌiwat pe -Etikay kay ro uhemiit Peteru eꞌyat kape enapin hamo e uruꞌakag Kuneriu pe iꞌatuꞌe. Miꞌi pote mesup ti urupoꞌoro ewowi toikyꞌesat ereto tewowiat hap mehin iꞌatuꞌe Peteru pe.

Iesui Potmuꞌeria 16:39

Miꞌi hawyi morekuaria tuwat Pauruꞌin kape iꞌatuhep woꞌopyhik hap pywiat hamo taꞌatuwese kahato popuat Pauruꞌin poꞌoro hamo -Uhytꞌiꞌin waku ti eweiwat raꞌyn ahetawa pyi iꞌatuꞌe morekuaria Pauruꞌin me.

Iesui Potmuꞌeria 22:12

Miꞌi hawyi putꞌok are e Pauru. Miꞌi hawyi itotiat wẽtup ok uhyt Anania Tupana woꞌonapin hap nug hat toineꞌen itotiaria Iuteuria mimotypot kahato.

Iesui Potmuꞌeria 24:5

Miꞌi miit Pauru wyti uruikuap kahato yt naku i hap ete e. Taꞌi sakpo e yt nakuat i miꞌi miit Pauru e. Miꞌi miit wuatꞌi Iuteuria wuatꞌi etawa puo Iuteuria toiꞌatumoꞌakagꞌaia tehay wo e. Pywo ti rat aiwuꞌuka hap nug hat miꞌi miit Pauru haꞌawytepyi e. Mekewat tawa Nasare piat yn waku Aipotypot e hat ehay enoi haria akag wyti miꞌi miit Pauru mehin e.

Iesui Potmuꞌeria 28:22

Pyno uruikyꞌesat ehenoi uruepe emikuap pakup i koꞌi Miꞌi Miit etiat katupono teke aru wuatꞌi ywania pe miitꞌin muo mekewat emimohey e. Miꞌi pote iraniaꞌin -Yt naku i watomohey Miꞌi Miit iꞌatuꞌe torannia mekewat piat pe iꞌatuꞌe Pauru pe.

Iesui Potmuꞌeria 4:21

Maꞌato iraniaꞌin -Tupana wyti imowaku ipy kĩꞌã rakat iꞌatuꞌe. Miꞌi pote ti nagnia yt tiꞌatuꞌapiheg kuap i maꞌato teꞌeroꞌe iꞌatuepe -Ewetunug ne pote ti aru uruiꞌatuꞌapiheg naꞌyn eipe iꞌatuꞌe paꞌi kororia.

Iesui Potmuꞌeria 5:13

Yt iraniaꞌin minug kuap i koꞌi ewywuat raꞌyn taꞌatunug Tupana po wo. Miꞌi pote -Aikotã som miꞌiria inug miꞌi tã iꞌatuꞌe iraniaꞌin. Taꞌi waku kahato ti Iesui mohey haria tunug iꞌatuꞌe iraniaꞌin toꞌope wen maꞌato -Watokenꞌẽ kahato iꞌatupupi iꞌatuꞌe. Arewanetup yt naku i watuwat miꞌiria upi katupono sio watuwat iꞌatuupi hawyi mehin Anania eharyꞌi Sawira ewywuat watopyhuꞌat iꞌatuꞌe toꞌope. Miꞌi hawyi Iesui mohey haria teꞌeruwaꞌatunug kahato yne eꞌat pe morekuat Sarumau eꞌoken note Tupana motypot yat koro pe.

Iesui Potmuꞌeria 6:3

Miꞌi tupono waku eweiꞌairo 7 ihainia wakuat rakat hiwu sese koꞌi piat miꞌu moꞌẽ hamo iꞌatuꞌe. Waku eweiꞌairo iweꞌeg kahato rakaria iꞌatuꞌe. Waku eweikat Iesui mohey sese haria inug hamo iꞌatuꞌe. Waku Tupana Paꞌãu Wakuat mikyꞌesat ewywuat nug kuap haria eweiꞌairo iꞌatuꞌe. Eweiꞌairo ro wakuaria miitꞌin mimotypot koꞌi iꞌatuꞌe. Miꞌiria ewywuat yn ni waku watipoꞌoro urupotpap nug hamo miꞌu moꞌẽ hiwu koꞌi piat hamo iꞌatuꞌe 12 ok takaria Iesui mohey haria pe.

Humanu 3:8

-Toꞌiro wuatꞌi ywania waku ti watimotypot Tupana aiminug saꞌag wo iꞌatuꞌe saꞌag toꞌope. Taꞌi miꞌi tã hap ti aimuꞌe hat Pauru tikyꞌesat iꞌatuꞌe uimohit reran haype neꞌi. Saꞌawyꞌi ti mio tã e aimuꞌe hat sese Pauru ahepe iꞌatuꞌe toꞌope yt pywo pe i. Miꞌiria yne yne Tupana miꞌatuꞌapiheg wuatnuaria tukupteꞌen wuatꞌi eꞌat pe. Tupana tiꞌatuꞌapiheg neran miꞌi tã haria ewywuaria.

2 Kuriniu 1:18

Uiwyriaꞌin yt naku i mio tã eweiꞌe neꞌi kat pote uito atunug yne uiꞌe hap ewywuat koꞌi uito are. Taꞌi urutunug aru uruꞌe hap ewy katupono urutukupteꞌen neran Tupana ewywuat pywuat rakaria urutoꞌe uruwoꞌope.

2 Kuriniu 11:21

Uito yt miꞌi tã hin i areineꞌen eipyꞌasetpe turan. Eimotypot hat areineꞌen. Worohoꞌomoꞌẽ aikotã eiwy sese ewy. Miꞌi pykai uimohit uhehay ete. Yt karãpe i atunug kuap iꞌatuminug ehetiat ewy. Uhesaika hap yt putꞌok e i miꞌi saꞌag nug hamo. Yt teꞌerokenꞌẽ hin i teꞌeruwemotypot hamo. Pyno ahãꞌãg iꞌewyte uhewaku hap moherep hamo.

2 Kuriniu 12:16

Yt areineꞌen neran hin i eiꞌokpe tote iꞌewyte yt areineꞌen neran i ehekareꞌen kaipyi neꞌi. Iraniaꞌin eipyꞌasetpiaria teꞌeroꞌe uhepiat -Pauru yt sẽtup sẽtup e hat hin i iꞌatuꞌe. Maꞌato eiweꞌeg wo o katupono eimaꞌat kuap kahato. Towese hap wywo wyti einug teropat haria wo hawyi ehekat yne totat towatno iꞌatuꞌe ehepe uhewanikaptia.

2 Kuriniu 4:2

Iraniaꞌin taꞌatuhenoi saꞌag Tupana ehay miitꞌin maꞌat hamo maꞌato aito watimoherep Tupana ehay aikotã toꞌe hap ewy. Yt wahenoi i aikotã iraniaꞌin miitꞌin maꞌat haria ewywuaria henoi hap ewy. Tupana toꞌe hap ewy watoꞌe. Miꞌi hawyi miitꞌin tikuap Tupana ehay pywo piat moherep haria aito hap iꞌewyte Tupana aikuap. Miꞌi hawyi yt aiwemaꞌat hap wywo i wahenoi pywo piat yn wahenoi pote.

1 Tesaronika 2:3

Yt kat i eimaꞌat uruepiat hap uruwanetup hawe. Yt kat i eipiit kyꞌesat hap wywo i worohoꞌomuꞌe.

1 Timoteu 3:7

Yt Iesui mohey haria yn i mimotypot maꞌato yne miitꞌin mimotypot etiꞌairo. Yne miitꞌin mimotypot etiꞌairo pote yt wẽtup ok pupi i tuwemoti. Miꞌi pote ahiag yt timaꞌat kuap i wy.

1 Timoteu 4:10

Wuatꞌi tomohey haria Ehakyeraꞌat hat Miꞌi are ti epe paĩ. Miꞌi ti aimiekatup sese. Miꞌi kape yn watuwepotpap watuwesoꞌopot waku.

Epereu 13:13

Yt ikahu hin i taꞌatunug Ahehakyeraꞌat hat ete. Taꞌatuꞌauka turan mekewat tawa Ierusarẽi ekuekai taꞌatunug. Waku watuwat tawa pyi iꞌewywuat hamo wy iꞌatumikyryꞌi hamo ahete hemiitꞌin aito pote. Waku wẽtup miit ewy wẽtup piit ewy wohoꞌopot iwywo wẽtup ok piat hoꞌopot hap ewy yn waku.

1 Peteru 4:14

Pywo ti rat uiwyriaꞌin karãpe miitꞌin ihay saꞌag kahato ahetiat pote watomohey Aiporekuat nuat pote miꞌi hap eꞌat pe waku watuwemowepiit kahato. Eweikuap kat pote. Aimowepiit hap sese topyhuꞌat aru ahete wuatꞌi eꞌat pe katupono watopyhuꞌat Tupana mimotypot koꞌi sese. Tupana Paꞌãu eiam kahato watopyhuꞌat. Katupono Tupana yt aiꞌatoiat hin i wahoꞌopot turan. Katupono mesuwarotiaria iꞌatuehay saꞌag Aikaꞌiwat Iesui ete maꞌato aitoria watimotypot kahato Aikaꞌiwat. Miꞌi hap kaipyi Tupana aikuap. Miꞌi pote tutum ahepe Topaꞌãu pywuat imotypot koꞌi watopyhuꞌat pote.

3 Iuwãu 1:12

Atikyꞌesat en wakuat nug hatno ereineꞌen katupono wakuat nug hatno yn Tupana watnuat. Uwe uwe inug saꞌag miꞌi hat yt Tupana kuap i hat sese. Yt karãpe i Tupana toineꞌen ipyꞌa pe. Maꞌato toineꞌen wẽtup ok eipyꞌasetpe Temetiu e hap het rakat yne Iesui mohey haria mimotypot. Miꞌi wyti pywuat sehay iãꞌãkap yne pywuat sehay enoi haria mimotypot miꞌi. Iꞌewyte uimimotypot miꞌi. Uruimotypot kahato miꞌi are.

Iesui Aru E Hap 3:9

Maꞌato tukupteꞌen ehetawa pe ahiag motypot sese haria -Uruto poꞌog eikai iꞌatuꞌe ehepe katupono uruto ti Aparãu emiariru sese koꞌi maꞌato eiperia yt iꞌatuꞌe. Iꞌatuꞌeso mio tã iꞌatuꞌe pote. Yt Iuteu ywania hin i miꞌiria e. Pyno atiꞌatumohit kahato miꞌiria hawyi eimotypot hamo teꞌeruwepỹꞌãtutuk ehewowi -Aparãu emiariru sese eipe iꞌatuꞌe aru ehepe katupono Iesui mikyꞌe sese koꞌi eipe iꞌatuꞌe aru ehepe. Atiꞌatumohit kahato miꞌiria ehamo hawyi teꞌeruwepỹꞌãtutuk ehewowi e.