2 Kuriniu 6:5 - Sateré-Mawé

⁵ Karãpe aiꞌahyk ahyk iꞌewyte karãpe aipyhyp woꞌopyhyp hawe iꞌewyte karãpe miitꞌin sem aiꞌauka teran haria pyꞌasetpe watoineꞌen iꞌewyte karãpe ahero ahãꞌãg hap wywo Tupana potpap nug kahato hap ete iꞌewyte karãpe yt watoket i kaꞌap Tupana potpap nug hap eꞌat pe wy iꞌewyte karãpe yt kat i aimiium Tupana potpap nug turan miꞌi koꞌi ahete turan waku watuwepỹꞌãtutuk poꞌog yn naꞌyn. Miꞌi hawyi miitꞌin tikuap taꞌyn Aikaꞌiwat eropat haria sese aito hap.

2 Kuriniu 6:5 ပူးပေါင်းရင်းမြစ်များ

Mateu 14:10

Miꞌi hawyi toipoꞌoro raꞌyn temiit woꞌopyhik hawe Iuwãu woꞌosetꞌok hat akag tek hamo

Mateu 14:3

Saꞌawyꞌi Eroti tiꞌatupoꞌoro raꞌyn Iuwãu pyhik hamo. Taꞌatupopoi hawyi taꞌatupag naꞌyn woꞌopyhik hawe. Miꞌi tã tutunug toꞌywyt Wiripi ehayryꞌi tomisat mikyꞌesat ewy.

Mateu 9:15

Mio tã iꞌatuꞌe pote Iesui tiꞌatuwesat -Pyno eweipuẽti aten waku woꞌokyiꞌat hap kapiat turan iꞌatuꞌarot neꞌi iꞌatupyꞌasetpe raꞌyn woꞌokyiꞌat hanuaria turan pote arewanetup turan yt hin i maꞌato karãpe eꞌat putꞌok e raꞌyn iꞌatuehaytuwy iꞌatupyꞌasetpyi turan ti aru pywo teꞌeremosyꞌat raꞌyn uhemiitꞌin.

Iesui Potmuꞌeria 13:3

Miꞌi hawyi yt kat i taꞌatuꞌu hawyi teꞌereponug mehin Panape Pauru ete. Miꞌi hawyi taꞌatuhẽtup Tupana kape iꞌatuwat hamo.

Iesui Potmuꞌeria 14:19

Miꞌi hawyi putꞌok iꞌatuꞌe Iuteuria Pauru ewanikaptia tawa Antiokia pyi tawa Ikuniu pyi tõꞌẽ. Miꞌi hawyi ti itotiaria iraniaꞌin taꞌatumoꞌakagꞌaia raꞌyn -Eweiꞌauka ro nu wo Pauru iꞌatuꞌe. Miꞌi hawyi nu wo mak mak iꞌatuꞌe howawi iꞌauka hamo. Miꞌi hawyi taꞌatuherep haity pe yi upi tawa pyi. -Ikuꞌuro raꞌyn koitywy Pauru iꞌatuꞌe teꞌeruwanetup hawe.

Iesui Potmuꞌeria 14:23

Miꞌi hawyi itote Pauruꞌin tiꞌairo Iesui mohey haria napin hamuaria. Miꞌi hawyi Panape Pauru yt kat i iꞌu aat katupono hẽtup kahato Tupana kape -Tupana iꞌatuꞌe epo pe raꞌyn ti meiũpiaria uruikyꞌesat emohey haria ipakup takaria katupono urutuwat irane meiũpepyi iꞌatuꞌe taꞌatuhẽtup Tupana pe.

Iesui Potmuꞌeria 17:5

Maꞌato iraniaꞌin Iuteuria yt imohey i Iesui. Miꞌi hawyi Pauruꞌin ete iꞌatuehayꞌywyi kahato. Miꞌi hawyi taꞌatukat muap upiaria yt ipotpap i rakaria yt nakuaria i wuꞌuka hap nug hamo. Miꞌi hawyi tuwat uhyt Iasũ yat kape. Miitꞌin typyꞌi kahato tuwat. Miꞌiria yne tõꞌẽ tõꞌẽ tawa piaria Pauruꞌin kupteꞌen hap kape Pauruꞌin etiat taꞌatuhoiro hamo. Miꞌi hawyi tuwehytꞌok haty wo Iasũ yat pe maꞌato Pauruꞌin yt uwe i taꞌatupuẽti.

Iesui Potmuꞌeria 20:31

Miꞌi tupono eiwatetup o. Yt waureꞌeweiꞌe teiꞌo uhepiat eimuꞌe hap ete. Katupono myẽꞌym anu wãtym muo ihatꞌok aat puo worohoꞌomuꞌe worohoꞌonapin uiwak popuo e Pauru tawa Ewesu kaipywiaria pe.

Iesui Potmuꞌeria 23:10

Miꞌi hawyi toꞌopyꞌahak kahato raꞌyn toꞌope. Miꞌi pote surara akag koro tokenꞌẽ. Taꞌatuhep hep irane sio Pauru taꞌatupytyk taꞌyn. Miꞌi hawyi toiꞌatupoꞌoro tesuraraꞌin Pauru eroꞌok ipyꞌahak takaria yatype pywiat hamo ipag suraraꞌin eiam iheg nakat piat hamo.

Iesui Potmuꞌeria 23:35

-Pyno aru arewanetup ehay kape eꞌauka teran haria putꞌok iꞌatuꞌe turan e Werisi. Miꞌi hawyi toꞌe temiitꞌin me -Waku eweipyhik meiũwat miit morekuat Eroti woꞌonapin hap yat pe e.

Iesui Potmuꞌeria 24:27

Typy anu tokosap rakirẽ morekuat Posiu Wetu e hap het rakat topyhuꞌat morekuat Werisi saipe piatno. Miꞌi hawyi morekuat Werisi toto raꞌyn maꞌato totiat Pauru iheg me katupono toikyꞌesat tokyꞌe kahato Iuteuria piat hap poꞌog poꞌog tokyꞌe Tupana piat hap kai.

Iesui Potmuꞌeria 26:10

Saꞌawyꞌi tawa Ierusarẽi me atiꞌatuꞌuka Iesui emiit yt naku i hap ewy atunug miꞌiria ete e. Iraniaꞌin atiꞌatupyhyp woꞌopyhyp hawe imohey haria wakuaria Tupana ewywuaria pykai e. Mekewat eꞌat pe paꞌi kororia -Waku watiꞌatuꞌuka miꞌiria sio yt iꞌatuꞌe uhepe. Miꞌi pote -Toꞌiro watiꞌatuꞌuka areꞌe yn. Miꞌi hawyi paꞌi kororia miꞌairo wo areineꞌen Iesui mohey haria moweityk tawa Ierusarẽi piat hamo e Pauru.

Iesui Potmuꞌeria 26:29

Miꞌi hawyi Pauru tiwesat -Miꞌi hap yn ahẽtup Tupana pe e. Atikyꞌesat kahato yne eipe urupotypot Iesui mohey haria uiꞌewy hap yn ahẽtup aat kaꞌap Tupana pe. Waku pe kahato Tupana Mipoꞌoro mohey sese haria eweikupteꞌen uiꞌewy hap paĩ. Atikyꞌesat uipyꞌa pe yne eipe uiꞌewy hap e. Maꞌato yt atikyꞌesat i eipe woꞌopyhyp hawe uito ewy hap e. Toran naꞌyn uiꞌe hap mehinꞌin manaꞌin e Pauru.

Iesui Potmuꞌeria 28:30

Miꞌi hawyi typy iꞌaman mot pe Pauru tokosap itote tawa koro Huma pe towat toꞌyat pe tomipuru saꞌup ete rakat pe toineꞌen surara piat topyhyp hawe. Itote toiꞌatumuꞌe kahato miitꞌin. -Waku eweihytꞌok Pauru kape e suraraꞌin wuatꞌi miitꞌin me. Miꞌi hawyi itote toiꞌatukyꞌe yne topuẽti haria -Eiwehytꞌok to e yn torannia tehay kuap teran haria pe towyriaꞌin me.

Iesui Potmuꞌeria 5:18

Miꞌi pote taꞌatupyhik taꞌyn yne Iesui potpoꞌororia 12 ok takaria yt nakuaria i pyhik hawe.

1 Kuriniu 15:10

Hegyiꞌat kahato Tupana uhepe atikuap koitywy. Atikuap iwese hap hawyi yt atipun hin i uikyꞌe hap. Arepotpap poꞌog ipotpoꞌororia iraniaꞌin kai aikotã uikyꞌe hap oktan arepotpap uikyꞌe hap moherep hamo.

1 Kuriniu 4:11

Koitywy hesyꞌat rakaria wo urutukupteꞌen. Uruteꞌyꞌu kahato uruhewyry hap upi. Uruesokpe koꞌi hiot hiotꞌe rakat. Miitꞌin miꞌahyk ahyk koꞌi uruto. Yt kat i iꞌyat rakaria uruto. Kowoꞌi kowoꞌi uruewyry yt urueꞌyni wywo i.

1 Kuriniu 7:5

Yt naku i iharyꞌi waĩꞌe neꞌi teꞌaito piat ikyꞌesat turan e. Iꞌewyte yt naku i waĩꞌe neꞌi ihainia teharyꞌi piat ikyꞌesat turan e. Maꞌato ehehay teran Tupana wywo pote waku eiwoꞌopohep porapꞌi tuereto eiwoꞌopytyk hap ete e. Eiwoꞌopohep porapꞌi hawyi waku i raꞌyn eiwoꞌomowepiit katupono ahiag aru ehãꞌãg neran haype wẽtup haryporia wẽtup ihainia kyꞌesat hap ete e.

2 Kuriniu 11:27

Uhero kahato uhewyry kahato pote uhatyꞌi kahato. Karania ewãtym neꞌi yt areket kuap i kat pote arekenꞌẽ kahato sio uiket kai uiꞌauka. Iꞌewyte uhesyꞌat kahato areineꞌen yt kat i miꞌu pote. Areꞌyꞌutui kahato maꞌato yt kat i yꞌy areto yahig wato ekuekai turan. Karania eꞌat yt kat i atuꞌu. Uhenaꞌak kahato wywo uhewyry yt kat i uheꞌog yt kat i uhesokpe koꞌi uimosakup hamo.

Ewesu 3:1

Mesup ti uito Pauru woꞌopyhik hawe areineꞌen katupono morekuaria yt tikyꞌesat i poꞌog miitꞌin muꞌe uhepiat hap Iesui etiat hamo. Miꞌi pote uipyhyp mesuwe woꞌopyhik hawe. Yt taꞌatukyꞌesat i iraniaꞌin ywania ikuap Iesui hap. Miꞌi pote uipyhik mesuwe wen maꞌato yt uipyhik kuap i meiũwat woꞌopyhik hawe katupono mesuwe ahẽtup Tupana kape eipowyro hap aat kaꞌap. Iꞌewyte arepotpap kahato miwan nug hap ete mesuwe uimipoꞌoro einapin hamuat hap ete.

Wiripu 1:13

Miꞌi pote koitywy morekuat esurara sem iꞌyat wato piaria sehay Iesui etiat kuap haria wo raꞌyn tukupteꞌen. Iꞌewyte iraniaꞌin mesuwarote woꞌopyhyp haria uikuap taꞌyn. -Taꞌi Pauru morekuat tipyhyp taꞌyn katupono Iesui tutunug Toporekuat no iꞌatuꞌe.

1 Tesaronika 2:9

Yt sẽtup i sẽtup i haria wo hin i urutukupteꞌen eipyꞌasetpiat turan. Yt kat i hin i uruhẽtup ehepe. Yt eimiꞌu kyewi i ti uruiꞌatumuꞌe Tupana ehay wo eipe. Maꞌato urupotpap urupo wuat kaipyi yn ni urutenuk. Yt eiꞌokpe tote hin i urutukupteꞌen yt ehekat kyewi hin i ti urutukupteꞌen. Yt waureꞌeweiꞌe teiꞌo miꞌi hap kai uruwyriaꞌin.

1 Timoteu 4:10

Wuatꞌi tomohey haria Ehakyeraꞌat hat Miꞌi are ti epe paĩ. Miꞌi ti aimiekatup sese. Miꞌi kape yn watuwepotpap watuwesoꞌopot waku.

2 Timoteu 1:8

Yt eremoti teiꞌo Aikaꞌiwat ehay moherep hamo. Iꞌewyte uito areineꞌen woꞌopyhik hawe Iesui mohey hap upi pykai yt eremoti teiꞌo -Uito Pauru mepyt e hamo. Maꞌato waku ere -Uito iꞌewyte ahoꞌopot hawe areineꞌen wy mesuwat sehay wakuat moherep hap upi waku ere o Tupana pe. Uimoesaika hap oktan aru atunug ere o Tupana pe Timoteu.

2 Timoteu 2:9

Miꞌi mienoi upi ti ahoꞌopot te. Uipoꞌi poꞌi raꞌyn haity wo woꞌoꞌauka hat ewy. Uito uipyhik kuap maꞌato Tupana ehay ti yt uwe i ipyhik kuap yt uwe i iꞌakit kuap.

2 Timoteu 4:5

Maꞌato en Timoteu eweꞌeg wo o mio tã iꞌatuꞌe hap kai. Yt eremoehamanaꞌi teiꞌo maꞌato Tupana ehay pywuat sese po pe ereineꞌen o. Epiat hoꞌopot pykai yt ewẽpohep teiꞌo. Maꞌato en worokyꞌesat wuatꞌi puat Tupana ehay wakuat sytpok hamo. Etimoehãite yne o epotpap Tupana miium epiat uhaꞌyru.

Epereu 11:36

Iraniaꞌin Tupana mohey haria miitꞌin mikyryꞌi kahato haria wo teꞌeropyhuꞌat Tupana mohey hap yt pun haria i pote. Wuatꞌi ehamo taꞌatuꞌahyk ahyk -Eweipun no Tupana mohey hap iꞌatuꞌe maꞌato -Yt karãpe i uruipun imohey hap iꞌatuꞌe. Taꞌatuhãꞌãg kahato raꞌyn mekewat imohey hap moma hamuat maꞌato -Yt iꞌatuꞌe. Iraniaꞌin Tupana mohey haria miitꞌin mipak pak wo teꞌeropyhuꞌat. Iraniaꞌin imohey haria miitꞌin miꞌahyk ahyk wo miitꞌin mituk tuk wo miitꞌin miꞌauka wo teꞌeropyhuꞌat. Iraniaꞌin ituktuk iꞌatupiit ete iraniaꞌin ikohyewyry haity iheg nakat ete iraniaꞌin taꞌatupyhik iheg me iꞌypyryp we kahato maꞌato yt taꞌatuꞌatoiat hin i imohey hap.

Epereu 13:17

Waku watuwat Iesui mohey haria akagnia ehay upi aiꞌapykok haria upi. Katupono miꞌiria tikyꞌesat kahato ahehãite kahato Iesui mohey hap etiat hap. Waku watunug iꞌatumikyꞌesat ewy katupono miꞌiria hẽtup kahato Tupana kape ahupi. Miꞌi watunug mote iꞌatumowepiit hap topyhuꞌat aiwoꞌowese hap wywo. Maꞌato yt pote haty iꞌatuete hap wywo teꞌeropyhuꞌat. Miꞌi hawyi yt aiweꞌeg i hap taꞌatuhenoi raꞌyn Tupana pe hawyi aiꞌapiheg hap topyhuꞌat Tupana kaipyi. Eiweꞌeg wo o. Miꞌi hawyi aheineꞌen hap mesuwe poꞌog saꞌag topyhuꞌat yt watunug i raꞌyn iꞌatuehay upiat hawyi. Maꞌato watunug iꞌatuehay upi pote poꞌog ihãite rakaria wo watopyhuꞌat. Miꞌi hawyi iꞌewyte aiweꞌeg hap taꞌatuhenoi raꞌyn Tupana pe hawyi aipoityro aimowepiit hamo watopyhuꞌat.

Epereu 13:23

Aheywyt Timoteu tuwẽtem naꞌyn morekuat woꞌopyhyp hawyi. Koitywy -Waku ewyry emikyꞌesat ewy e morekuat tope. Pywo ti rat waku kahato. Karãpe tuut uhowowi Timoteu hawyi uimowepiit kahato. Miꞌi hawyi atioto teran uhaꞌyru Timoteu ehewowi eiꞌakasa hamo.

Iesui Aru E Hap 2:10

Yt eweikenꞌẽ teiꞌo ahiag mupi e katupono miꞌiria ahiag motypot haria eiꞌatuiãꞌãg aru eimosoꞌopot ehepiat imohey hap saꞌag hamo ehepiat uimohey hap moweityk hap kyewi. Maꞌato yt eweitoiat reiꞌo ehepiat uimohey hap ehãꞌãg hap upi 10 eꞌat hap ewy ewehoꞌopot uimohey hap waure hamo. Eweipyhuꞌat ro uimohey hap mywo eikuꞌuro hap eꞌat kape pote eheineꞌen hap sese ikahu rakat wuatꞌi eꞌat piat atum ehepe aru e. Yt kat i saꞌag atipuẽti eikai e. Miꞌi hawyi worohoꞌopainug morekuaria wo uimimotypot wuatꞌi eꞌat piaria wo raꞌyn uimohey haria sese eweikupteꞌen mote areꞌe ehepe tawa Simina totiaria pe e uhepe uimiwan nug hamuat tawa Simina piaria pe.