2 Kuriniu 5:8 - Sateré-Mawé

⁸ Watomohey kahato miꞌi pote watoꞌe -Pywo ti rat atikyꞌesat kahato uipiit pakup hap. Katupono areineꞌen neran uipiit pakup wywo Tupana ehamo watoꞌe. Uito Pauru uiwanetup hawe poꞌog waku areineꞌen uipiit pakup wywo atipy pe mesuwat yi tote areineꞌen hap kai.

2 Kuriniu 5:8 ပူးပေါင်းရင်းမြစ်များ

Mateu 25:21

-Pyno waku kahato en. Ehepap kahato ti e. Pyno en wakuat kahato. Miꞌi tupono meiũran ti aru poꞌog uhekareꞌen apykok hamo raꞌyn woroporokpun e. Miꞌi tupono koitywy uhekareꞌen epo pe e. Pyno koitywy toꞌiro watuwemowepiit raꞌyn e.

Mateu 25:23

Miꞌi hat pe ikaꞌiwat toꞌe -Pyno waku kahato en e. Pyno en ipotpap kahato rakat e. Yt uimaꞌat hin hat i e. Katupono uimiꞌatoiat epo piat etimowato kahato raꞌyn. Miꞌi tupono poꞌog atum epe uhetineiru imowato hamuat e. Koitywy waku watuwemowepiit hamuat e.

Iruka 2:29

-Koitywy etiputꞌok taꞌyn saꞌawyꞌi wuat ereꞌe hap. Miꞌi hawyi ti koitywy waku raꞌyn uikuꞌuro eꞌe hap ewy.

Iuwãu 12:26

Pyno uhemiitno ereineꞌen neran motꞌi waku ereto uhupi uimikyꞌesat ewy nug hamo. Miꞌi hawyi aikope aikope areineꞌen miꞌi hap upi iꞌewyte uhaipepiaria uhemiitꞌin tukupteꞌen e. Iꞌewyte miꞌiria ti uheropat haria Tupana mimotypotno teꞌeropyhuꞌat e.

Iuwãu 14:3

Maꞌato waku yne eiꞌyat koꞌi itote hawyi ti aru ariot i ehewowi e. Miꞌi hawyi ti aru aikope Uito areineꞌen miꞌi hap tote raꞌyn eweikupteꞌen e. Pywo itote uiwywo eweikupteꞌen e.

Iuwãu 17:24

Papai mesuwat yi nug hap eꞌyian mete uikyꞌe kahato En are. Taꞌi saꞌawyꞌi sese mesuwat yi yt etunug i te turan -Wakuat kahato En aiwoꞌokyꞌe hap toꞌoꞌewy kahato ere uhepe Papai are. Atikyꞌesat kahato uhemiitꞌin uimohey haria emiium koꞌi tukupteꞌen aru aiũpe aiũpe uheineꞌen hap upi i are. Atikyꞌesat uikahu hap kape teꞌerahaꞌat aru are. Atikyꞌesat emiium uhewaku hap sese kuap hamo hap Papai are e.

Iesui Potmuꞌeria 21:13

Maꞌato Pauru uruwesat -Waĩ yt eweiwak teiꞌo katupono haty ti uipyꞌa pe e. Tupana tikyꞌesat uipyhik hap pote iꞌewyte uito atikyꞌesat e. Yt arekenꞌẽ i uiꞌauka hap pupi tawa Ierusarẽi note Uikaꞌiwat Iesui set motypot hap ete.

2 Kuriniu 5:6

Pywo ti rat eipiit pakup toineꞌen Tupana Paꞌãu kawiat watomohey poꞌog poꞌog hap kaipyi are. Yt heremo i aipiit pakup maꞌato Tupana toꞌe pote -Pywo watoꞌe yn aimohey hap kaipyi. Aipiit wyti aiꞌyat mesuwarotiat ewy. Aipiit pakup aiꞌyat pakup atipy piat ewy.

2 Kuriniu 5:9

Watoineꞌen neran Tupana wywo miꞌi pote watowepotpap kahato aipiit wywo mesuwiat wywo mesuwarote te haty wo Tupana e hap nug hap ete. Taꞌi Tupana mowepiit kahato haria wo watukupteꞌen neran sio mesuwat yi totiat sio atipy pe. Mio tã e hap watikyꞌesat.

1 Iuwãu 3:2

Uimikyꞌeria koitywy ti aito Tupana mepytꞌin naꞌyn. Taꞌi yt watikuap hin i ti aikotã miat aheineꞌen hamuat hap. Iesui uut hawyi ti aru watikuap aikotã me watoineꞌen hamuat katupono topiit ewy ti ainug hamuat. Miꞌi hawyi ti aru mekewat eꞌat pe wataꞌakasa raꞌyn Iesui sese. Miꞌi hawyi ti aru watopyhuꞌat aikotã iꞌewy raꞌyn are.

Iesui Aru E Hap 22:3

Saꞌawyꞌi Tupana toꞌe Atãu me -Uiꞌatoiat hawyi eꞌyi yt ihãite i e. Maꞌato itote yi pakup hawe hesaika kahato toineꞌen katupono Tupana toꞌe yi pe -Yt woroꞌakurek poꞌog i raꞌyn e. Erenug i ro e yi pe. Iꞌatu kahato itote Tupana Hũ eropat haria wo. Koitywy Tupana toineꞌen iꞌatupyꞌasetpe Morekuat no Iesui wywo e. Wuatꞌi ywania iꞌatupotpap kahato imikyꞌesat nug hap ete.