2 Kuriniu 5:19 - Sateré-Mawé

¹⁹ Pywo ti rat Aikaꞌiwat Iesui piit pe Tupana toineꞌen. Wuatꞌi miitꞌin wywuat tuwyꞌinug hamuat toineꞌen Tosaꞌyru piit pe. Tupana hewyry aipyꞌasetpe Tosaꞌyru piit pe. Tomohey haria sese pap tet pupi ti ikuꞌuro. Toiꞌatumorem tewanikaptia towyriaꞌin sese wo. Yt totereko i raꞌyn wyti miitꞌin minug saꞌag topyꞌa pe. Tomoweityk taꞌyn wyti mekewat topyꞌa piat koꞌi tosuu wo. Koitywy toꞌe ahepe -Ewehenoi ro miitꞌin me waure wo areineꞌen iꞌatuminug saꞌag kai e. Waku teꞌeraꞌaipok uhowowi e Aipotypot e mesup ahepe.

2 Kuriniu 5:19 ပူးပေါင်းရင်းမြစ်များ

Mateu 1:23

Mio tã e ti Tupana saꞌawyꞌi miitꞌin me. -Meiũran ti aru wẽtup ok haryporia wakuat makuptia te yt heꞌaito i te rakat pykai imepytꞌa rakatno topyhuꞌat hawyi ti aru imepyt ihainia hit. Miꞌi kape ti aru eiwẽpo wat Emanueu katupono Emanueu e wyti Tupana toineꞌen aiwywo e. Topiat yianmiat Tupana ehay enoi hat Isaia tomiwan 7.14 pe e.

Iuwãu 14:20

Karãpe Tupana Paꞌãu wo ipytꞌat eipiit hawyi ti aru eweikuap taꞌyn Uiꞌywot uheiam neꞌi toineꞌen hap e. Iꞌewyte Uito eheiam wo areineꞌen hap hawyi eiperia uheiam wo neꞌi eweikupteꞌen hap e.

Iuwãu 17:23

-Uiꞌywot atikyꞌesat En Uito hawyi ahemiitꞌin wẽtup miit ewy yn hap are. Atikyꞌesat ahemiitꞌin wakuaria sese ahewaku hap oktan hap atikyꞌesat are. Aiwoꞌoꞌewy kahato watoineꞌen Papai En Uito ahemiitꞌin wywo wẽtup yn aiwanetup hap koꞌi hap atikyꞌesat are. Taꞌatuꞌatumuꞌe miitꞌin turan pywo sese ti Tupana Mipoꞌoro Iesui ahehakyeraꞌat hanuat iꞌatuꞌe wanetup haria hap atikyꞌesat e. Taꞌi Tupana aikyꞌe kahato Tosaꞌyru kyꞌe hap ewy iꞌatuꞌe iraniaꞌin hap ahẽtup. Katupono hãpyk sese tukupteꞌen ahemiitꞌin iraniaꞌin ehamo pote hap ahẽtup epe Uiꞌywot are e.

Humanu 11:15

Saꞌawyꞌi -Yt uruikyꞌesat i En uruporekuat no iꞌatuꞌe Iesui pe. Miꞌi pote Tupana tuwemorem iꞌatuewowi uruꞌywania pyi hawyi. -Pyno yt taꞌatukyꞌesat i En pote uruikyꞌesat En uruporekuat no iꞌatuꞌe iraniaꞌin ywania Iesui pe. Miꞌi pote koitywy iraniaꞌin ywania tukupteꞌen Tupana wyꞌoktia wo kahato maꞌato meiũran aru uruꞌywania teꞌeruwemorem i raꞌyn -Uruikyꞌesat En uruporekuat no iꞌatuꞌe aru Iesui pe hawyi -Pyno uiwatnuaria eipe e Tupana aru iꞌatuepe uiwatnuaria i raꞌyn eipe e. Iꞌatupap i raꞌyn Iesui upi uruꞌywania. Mekewat eꞌat pe aru wakuap kahato topyhuꞌat mesuwarote aikotã guꞌuro pyi worohenotem hap waku kahato hap ewy e.

1 Kuriniu 13:5

Watiꞌatukyꞌe sese miitꞌin pote waku iꞌatueko wakuat ewy watoineꞌen. Yt karãpe i watoineꞌen yt hegyiꞌat i rakatno watiꞌatukyꞌe sese miitꞌin mote. Yt karãpe i watoineꞌen marakꞌa wo watikyꞌe sese miitꞌin mote meremo waure wo watoineꞌen iꞌatuminug saꞌag aimaꞌat hap kai.

Korosi 2:9

Taꞌatukyꞌesat eipe taꞌatuemiit no aikotã waimiri ewy aimuꞌe iraniaꞌin. Tupana tipoꞌoro Tosaꞌyru Aiporekuat no maꞌato Tosaꞌyru piit pe toineꞌen miit sese wo Tupana tuwepuꞌi nug. Iesui ti miit sese toineꞌen aiꞌewywuat. Iꞌewyte Iesui piit pe Tupana yne yne toineꞌen.

1 Timoteu 3:16

Tupana mienoi Iesui etiat watikuap kahato maꞌato yt karãpe i watikuap yne yne. Tupana yn ikuap sese hat. Miꞌi hawyi ikuap hat sese tuwemoherep taꞌyn ahowawi. Mio tã toꞌe ahepe Iesui etiat -Meiũ ti pywuat sese e. Miꞌi Miit kape atipy piaria teꞌeraꞌakasa yne. Miꞌi ti imoherep taꞌyn kat ywania puo kat ywania puo miꞌi hap tuwemoherep taꞌyn tehay wo. Miꞌi hawyi ti iꞌatu kahato raꞌyn imohey haria mesuwat yi tote. Miꞌi hawyi Tupana tioto i raꞌyn atipy kape i are.

1 Iuwãu 4:10

Saꞌawyꞌi yt watikyꞌe hin i Tupana. Miꞌi pykai aikyꞌe kahato hawyi toipoꞌoro Tosaꞌyru aiminug saꞌag koꞌi atumoma yne hamo. Haꞌyru ikuꞌuro hawyi aiꞌapiheg hap tutuꞌu yne raꞌyn.