2 Kuriniu 5:17 - Sateré-Mawé

¹⁷ Watunug Iesui Aikaꞌiwat no hawyi watoineꞌen iwywo wẽtup miit ewy yn watoineꞌen. Miꞌi hawyi ipakup takaria wo watoineꞌen. Miꞌi hawyi aheko saꞌawyꞌi wuat saꞌag koꞌi watiwaure yne raꞌyn. Miꞌi hawyi aheko pakup taꞌyn Aikaꞌiwat eko ewywuat raꞌyn miit pakup watoineꞌen pote.

2 Kuriniu 5:17 ပူးပေါင်းရင်းမြစ်များ

Mateu 12:33

Pyno toineꞌen eimikoi ywa wakuat kahato. Miꞌi kaipyi tuwẽtem mikoꞌi ywa wakuat sese rakat. Maꞌato toineꞌen eimikoi yp yt naku i rakat eweikuap haat yt naku i hap. Katupono iꞌatusat koꞌi tuweupi weupi. Miꞌi hap ete eweikuap mikoi ywa waku rakat iꞌewyte yt naku i rakat.

Mateu 24:35

Pyno waikiru aat yi tuweityk yne hamuat maꞌato uiat uimienoi uhehay yt sake i tuweityk e Iesui.

Iruka 5:38

Pyno sapo hy pakup wyti waku watopag heiam pakup we yn e.

Iuwãu 14:20

Karãpe Tupana Paꞌãu wo ipytꞌat eipiit hawyi ti aru eweikuap taꞌyn Uiꞌywot uheiam neꞌi toineꞌen hap e. Iꞌewyte Uito eheiam wo areineꞌen hap hawyi eiperia uheiam wo neꞌi eweikupteꞌen hap e.

Iuwãu 15:2

Miꞌi hawyi eipe mikoi yp iaga ewy eweikupteꞌen e. Haga yt haat i rakat tohywytip iꞌywytꞌokpy hawyi haga yt naku i rakat toiterek yt imosat i hat miꞌi hawyi iraniaꞌin haga koꞌi haat kahato i raꞌyn e.

Iuwãu 15:5

Uito iꞌyp ewy eipe haga koꞌi ewy. Miꞌi hawyi uhetiat satꞌe rakaria wo eweikupteꞌen pote Uito iꞌewyte ehetiat satꞌe rakatno areineꞌen. Uhetiat satꞌe haria eweikupteꞌen pote pywo haat rakaria wo eweipyhuꞌat. Maꞌato yt satꞌe uhetiat rakaria wo i pote yt kat i ewetunug yt iꞌyp esaika hap kaipyi i pote.

Iuwãu 17:23

-Uiꞌywot atikyꞌesat En Uito hawyi ahemiitꞌin wẽtup miit ewy yn hap are. Atikyꞌesat ahemiitꞌin wakuaria sese ahewaku hap oktan hap atikyꞌesat are. Aiwoꞌoꞌewy kahato watoineꞌen Papai En Uito ahemiitꞌin wywo wẽtup yn aiwanetup hap koꞌi hap atikyꞌesat are. Taꞌatuꞌatumuꞌe miitꞌin turan pywo sese ti Tupana Mipoꞌoro Iesui ahehakyeraꞌat hanuat iꞌatuꞌe wanetup haria hap atikyꞌesat e. Taꞌi Tupana aikyꞌe kahato Tosaꞌyru kyꞌe hap ewy iꞌatuꞌe iraniaꞌin hap ahẽtup. Katupono hãpyk sese tukupteꞌen ahemiitꞌin iraniaꞌin ehamo pote hap ahẽtup epe Uiꞌywot are e.

Iuwãu 3:3

Maꞌato Iesui tiwesat -Pywo pe ti areꞌe epe uwe uwe iꞌywaĩꞌĩ pakupꞌi miꞌi haria yn ni teꞌeropyhuꞌat Tupana emiitno e. Pywo ti wemoherep pakup i haria yn tukupteꞌen aru atipy pe aikope Tupana toineꞌen Morekuatno hap tote are e.

Iuwãu 3:5

-Mesuwat uiꞌe hap ti pywo pe areꞌe. Wemoherep pakup i haria yn ni teꞌeropyhuꞌat kuap Tupana emiitno e. Pywo yꞌy wywo iꞌewyte Tupana Paꞌãu kaipyi ewemoherep hawyi yn Tupana mepytno ereineꞌen e. Miꞌi hap ewy yn ni teꞌeropyhuꞌat miitꞌin Tupana mepytꞌinno e Iesui.

Humanu 16:10

Iꞌewyte atipoꞌoro kuekatu kahato aiwy Apere kape. Miꞌi ti tokuꞌuro hap kapiat Aikaꞌiwat mohey hap -Yt atoiat i e hat. Saꞌawyꞌi taꞌatuhãꞌãg ihep imohey hap kaipywiat hap maꞌato yt taꞌatuhep kuap i. Kuekatu mehin Aritũpuru yat piaria kape atiꞌatuewaku.

Humanu 16:11

Arehum kahato uhehay wo iꞌewyte mehin Erotiãu kape miꞌi ti Iuteu ywania uiꞌewy. Iꞌewyte kuekatu atipoꞌoro Nasisu kape iꞌewyte haꞌyruꞌin Iesui mohey haria kape.

Humanu 16:3

Pyno kuekatu atipoꞌoro mana Pisira heꞌaito Akira kape uipowyro Aipotypot Iesui eropat hap etiat are.

Humanu 16:7

Saꞌawyꞌi toineꞌen typy ok uiꞌywania Iuteuria woꞌopyhik hawe wẽtup ok Ãtuniku wẽtup ok Iunia. Miꞌiria Iesui mohey haria aheꞌyian miat haria kahato miꞌiria Iesui potpoꞌororia mikuap kahato koꞌi. Miꞌiria kape uhewaku hap kuekatu e hap atipoꞌoro.

Humanu 16:9

Etum uhekuekatu mehin Upanu pe Aikaꞌiwat Iesui eropat uruwywuat hat kahato miꞌi. Uhekuekatu sese atipoꞌoro uiwy sese Etaki kape.

Humanu 7:6

Maꞌato koitywy wẽtup ok miit ewy yn watopyhuꞌat Iesui Paꞌãu wywo. Ikuꞌuro pote aikuꞌuro hap ewy topyhuꞌat iwywo hap ewy. Miꞌi pote aheꞌaito saꞌawyꞌi wuat aheharyꞌi saꞌawyꞌi wuat mekewat Iuteuria eko koꞌi sem yt ainapin kuap i poꞌog ikuꞌuro rakaria watopyhuꞌat pote hap ewy.

Humanu 8:1

Watunug Iesui Aiꞌakag wo hawyi wẽtup miit ewy yn watopyhuꞌat iwywo katupono watoineꞌen Iesui pe iꞌewyte toineꞌen ahepe. Miꞌi hawyi Tupana yt toꞌe hin i ahepe -En yt naku i e hap. Worohoꞌoꞌapiheg yt e i ahepe.

1 Kuriniu 1:30

Aito ti Aipotypot Iesui mohey haria pote Tupana ainug Tosaꞌyru wywo wẽtup miit ewy. Saꞌawyꞌi yt aiweꞌeg hin i pykai mesup aiweꞌeg kahato katupono Iesui amyãtym toineꞌen aipiit pakup we hawyi Iesui weꞌeg hawuo wahewyry mesup. Saꞌawyꞌi yt ahehay kuap i Tupana wywo maꞌato mesup Iesui wẽ aipiit pe pote ahehay kuap kahato Tupana wywo. Koitywy watoineꞌen Iesui piit ewy mesuwarote. Miꞌi pote watopyhuꞌat Tupana saꞌyruꞌin koꞌi Tupana sakiꞌytꞌin koꞌi mesuwe. Miꞌi pote watopyhuꞌat Tupana ywania ewywuat mesuwe.

1 Kuriniu 13:11

Saꞌawyꞌi watoineꞌen hirokat ewy yne ahehay hirokat ehay ewy iꞌewyte aiwanetup hap hirokat wanetup hap ewy iꞌewyte aheineꞌen hap hirokat ewy. Aimikuap yt pywo rakat i hirokat mikuap ewywuat watiwuare yne raꞌyn. Yt kat hamo i watuwanetup poꞌog hirokat wanetup hap ewy watoineꞌen Yne Kuap Hat Tupana Kai hawyi.

2 Kuriniu 12:2

Saꞌawyꞌi 14 anu eꞌyian mete uheha wo araꞌakasa aikope Tupana toineꞌen hap kape. Wẽtup eꞌat pe uhehay Tupana wywo mesuwe. Miꞌi turan putꞌok e kahato Aikaꞌiwat Paꞌãu uhete. Miꞌi hawyi uhereto atipy kape waikiru ekuekai. Yt atikuap i sio uipiit wywo uhereto sio uipaꞌãu yn maꞌato uherokosap atipy kape. Atikuap kahato mesuwat uiꞌe hap pywo kahato kat pote araꞌakasa pote uheha wywo.

2 Kuriniu 5:16

Pyno yt naku i aiwanetup hawe watoꞌe -Miꞌi miit yt naku i miꞌi miit waku watoꞌe yt watikuap i te sese sio waku sio yt i te pykai. Mio tã watoꞌe saꞌawyꞌi Aikawiat Iesui ete aiwanetup hawe. Koitywy watikuap taꞌyn Aikaꞌiwat Iesui sese raꞌyn hawyi watikuap sese Waku Sese rakat toineꞌen. Saꞌawyꞌi -Yt kan hamo i Iesui watoꞌe yt kat i Iesui etiat watikuap pykai maꞌato mesup yt naku i miꞌi watunug. Miꞌi hap ewy kahato yt naku i watoꞌe aipyꞌa pe wẽtup ok miit pe -Yt kan hamo i en mana mimi mehin yt watikuap i te mekewat aimimohit hat rẽ e. Waku iminug upi watikuap waku sio yt e.

2 Kuriniu 5:19

Pywo ti rat Aikaꞌiwat Iesui piit pe Tupana toineꞌen. Wuatꞌi miitꞌin wywuat tuwyꞌinug hamuat toineꞌen Tosaꞌyru piit pe. Tupana hewyry aipyꞌasetpe Tosaꞌyru piit pe. Tomohey haria sese pap tet pupi ti ikuꞌuro. Toiꞌatumorem tewanikaptia towyriaꞌin sese wo. Yt totereko i raꞌyn wyti miitꞌin minug saꞌag topyꞌa pe. Tomoweityk taꞌyn wyti mekewat topyꞌa piat koꞌi tosuu wo. Koitywy toꞌe ahepe -Ewehenoi ro miitꞌin me waure wo areineꞌen iꞌatuminug saꞌag kai e. Waku teꞌeraꞌaipok uhowowi e Aipotypot e mesup ahepe.

2 Kuriniu 5:21

Aikaꞌiwat Iesui yt karãpe i inug saꞌag watoꞌe. -Taꞌi Uhaꞌyru waku sakpo e Tupana. Maꞌato miꞌi pykai Tupana tiꞌapiheg aiminug saꞌag upi. Aiminug saꞌag yne iꞌokpe tote toineꞌen kahato iꞌauka hap. Miꞌi hawyi Iesui topyhuꞌat yt naku i nug hat ewy aiminug saꞌag topiit tote hawyi. Yt towat tominug saꞌag hap upi Tupana tiꞌapiheg Iesui maꞌato aiwat aiminug saꞌag upi tohoꞌopot kahato. Miꞌi watomohey hawyi Tupana ainug wakuat sese rakaria Tosaꞌyru suu aikoho hawyi. Tosaꞌyru ewaku hap totopag ahepe. Waku pe watoineꞌen Tupana wanetup hawe watoꞌe wuatꞌi ywania pe aikope aikope aipoꞌoro hap upi Tosaꞌyru haipepiatno.

Karasia 3:28

Aito miitꞌin yt aiwoꞌoꞌewy hin i watukupteꞌen iraniaꞌin Iuteu ywania e hap koꞌi iraniaꞌin yt Iuteu ywania i iraniaꞌin ihainiaꞌin haryporiaꞌin iraniaꞌin gaꞌiwaria iraniaꞌin miit emiitꞌin. Maꞌato miꞌi pykai watoineꞌen Iesui mohey hap kaipyi wẽtup piit ewywuaria yn imohey haria sok aito pote are.

Karasia 5:6

Maꞌato Aikaꞌiwat Iesui ahehakyeraꞌat teran haype Tupana yt tuwanetup hin i mekewat seko aiwemusin ãpy sokpe tek hap kape neꞌi. Maꞌato toiehakyeraꞌat kuap miitꞌin yne sio hemusin ãpy sokpe tek hap toĩ sio yt sio Iuteuria sio yt miꞌiria i waku yne. Toimohãpyk kuap wuatꞌi ywania katupono kat seko kat seko kape neꞌi yt ihaꞌat hin i maꞌato tehaꞌat tomohey hap sese kape yn. Tokyꞌe ahepiat hap aikawiat toineꞌen sio yt watikyꞌe i hap kape yn taꞌakasa.

Karasia 6:15

Mekewat hemusin ãpy sokpe sio yt rakaria kape sio Iuteuria eko nug yne haria sio yt hap kape teꞌeruwanetup. Miꞌi haria ti yt kat no i Iesui pe. Maꞌato ti tokaipywiat miit ipakup sio yt hap kape yn ni ihaꞌat Iesui. Imopakup hap toineꞌen sio yt hap kape yn tehaꞌat. Yt kat i imopakup hap toipuẽti pote toimopakup i.

Ewesu 2:10

Saꞌawyꞌi Tupana topo wo ainug. Koitywy Haꞌyru mohey haria watopyhuꞌat wẽtup ywania ewy yn naꞌyn watopyhuꞌat. Ainug hap eꞌyian mete Tupana toꞌe -Meiũran aru atipowyro kahato uimikyꞌesat nug neran haria e. Wakuaria sok ewy aru atunug miꞌiria e saꞌawyꞌi tuwepe.

Ewesu 2:15

Aikaꞌiwat ikuꞌuro ariaꞌyp posak ete hawyi woꞌowese hap tutunug eiꞌywania wywuat hamo iꞌewyte uruꞌywania wywuat hamo.

Wiripu 4:21

Miꞌi tupono kuekatu atipoꞌoro torannia Tupana eropat haria kape Tupana emiitꞌin kape mekewat Aipotypot Iesui emiitꞌin koꞌi kape iꞌewyte Iesui mohey haria uheꞌywytꞌin uheinytꞌin torannia kape atipoꞌoro kuekatu hap are.