2 Kuriniu 4:12 - Sateré-Mawé

¹² Pyno aiꞌauka aru watoꞌe maꞌato aipotpap taꞌyn wuatꞌi ywania muꞌe hap ete. Miꞌi hap ewy urutunug saꞌawyꞌi eipyꞌasetpe. Miꞌi pote Aikaꞌiwat mimoieineꞌen koꞌi wo eweikupteꞌen mesup.

2 Kuriniu 4:12 ပူးပေါင်းရင်းမြစ်များ

Iesui Potmuꞌeria 20:24

Maꞌato yt arekenꞌẽ hin i uikuꞌuro hap pupi katupono atunug yne teran kat kat som motpap Aikaꞌiwat Iesui miium uhepiat uipoꞌoro hap koꞌi. Miꞌi ti tutum sehay wakuap aikyꞌe Tupana piat hap uimienoi wuat. Miꞌi pote ti atunug yne teran e Pauru.

1 Kuriniu 4:10

Miꞌi pykai Aipotypot Iesui moherep hap ete yt urupohep hin i miitꞌin teꞌeruwekyryꞌi teran uruete pykai. Maꞌato ehete yt uwe i teꞌeruwekyryꞌi uruetiat ewy. Miꞌi pote -Uruto poꞌog Aipotypot emiit eweiꞌe. Uruweꞌeg poꞌog iraniaꞌin kai eweiꞌe. Uruto imohey pakup kahato haria eweiꞌe. Taꞌi uruwanetup hawe eipe ipakup kahato koꞌi. Maꞌato uruto miitꞌin mimohit koꞌi wo urutopyhuꞌat.

2 Kuriniu 12:15

Worohoꞌokyꞌe kahato eipe aikotã uhaꞌyruꞌin uhakiꞌytꞌin sese ewy worohoꞌokyꞌe. Aikotã eiꞌywot ewy areineꞌen paĩ are. Taꞌi uimiꞌat uiko kaipyi uimiereko kaipyi worohoꞌopoi hap ewy atunug itote. Taꞌi areineꞌen eipyꞌasetpe eimuꞌe Iesui etiat haype yt kat saꞌup i ete worohoꞌomuꞌe katupono eiꞌywot ewy areineꞌen. Uipoi ro yt areꞌe hin i katupono aikotã aiꞌywotꞌin yt karãpe i -Eweium no saꞌup uhepe hawyi worohoꞌopoi yt iꞌatuꞌe i. Uito ti ety ewy pote atiꞌatumoma yne uhekat ehepe eipowyro hamo worohoꞌokyꞌe kahato haype. Maꞌato miꞌi pykai yt uikyꞌe hin i eipe. Poꞌog poꞌog neꞌi yi kape uikyꞌe hap worokyꞌe poꞌog poꞌog pykai are. Maꞌato miꞌi pykai poꞌog poꞌog atum aru ehepe uimepytꞌin eipe pote.

2 Kuriniu 13:9

Uruikyꞌesat kahato eweikupteꞌen waku rakaria Tupana ewywuaria wo hap. Urumowepiit kahato karãpe eweikupteꞌen hesaika kahato rakaria wo imohey hap ete. Miꞌi hawyi poꞌog urunapin haria ewy. Miꞌi hap eꞌat pe urumowepiit kahato.

2 Kuriniu 4:11

Ahehay Iesui etiat pote aipyhyp teran aikotã aiꞌauka hamo. Taꞌatuꞌauka Aikaꞌiwat. Miꞌi hap ewy teran ahete taꞌatunug neran. Miꞌi turan watimoherep yne Iesui toineꞌen hap ete.

2 Kuriniu 4:13

Saꞌawyꞌi morekuat Tawi toꞌe -Woromohey sese En Tupana. Miꞌi pote atimoherep En wuatꞌi miitꞌin me uhehay wo. Yt atoiat kuap i uhepiat emohey hap e morekuat Tawi. Miꞌi ewywuat kahato aito imohey hap ete. -Uruimohey sese En Tupana. Miꞌi pote uruimoherep En wuatꞌi miitꞌin me watoꞌe. Yt uruatoiat kuap i En watoꞌe.

Wiripu 2:17

Koitywy suraraꞌin uipyhyp taꞌyn mesuwe. Yt taꞌatukyꞌesat i poꞌog worohoꞌomuꞌe hap maꞌato uiꞌauka pote uiꞌauka are maꞌato miꞌi pykai yt karãpe i worohoꞌoꞌatoiat eimuꞌe hap ete katupono atikyꞌesat yne eipe Iesui mohey haria wo hap. Uhuu okpun eikawiatno pote uikuꞌuro Tupana mowepiit hap topyhuꞌat are.

Wiripu 2:30

Uipowyro turan porap ikuꞌuro aiwy Epawutitu. Aipotypot Iesui potpap nug hap ete porap ikuꞌuro ahemiit eimipoꞌoro katupono uipowyro teran eipe maꞌato yt uwe i eipe uipowyro hanuaria mesuwe pote. Miꞌi hawyi eipotpoꞌoro mehin Epawutitu topyhuꞌat ehaipepiat eipotpap nug hamo uipowyro hamuat. Miꞌi turan porap ikuꞌuro wen maꞌato aiwepiit kahato Tupana timoehãite raꞌyn hawyi.

1 Iuwãu 3:16

Kat pote Aikaꞌiwat Iesui ikuꞌuro aikawiatno hamo raꞌyn. Ikuꞌuro hawyi yt kat i aikuꞌuro hap sese topyhuꞌat aikai. Pyno ikuꞌuro ahetiatno hap watikuap hawyi watikuap aikyꞌe hap sese. Koitywy waku watiꞌatupowyro wuatꞌi aiwyriaꞌin Iesui mohey haria aikuꞌuro hap kape.