2 Kuriniu 3:7 - Sateré-Mawé

⁷ Saꞌawyꞌi Tupana tunug tehay nu ete sehay wakuat kahato. Miꞌi hawyi aseꞌi Muisei terut mekewat miwan Isareu ywania kape. Miꞌi hawyi aseꞌi Muisei Ewa hẽtyhot kahato tuut turan toterut mekewat miwan turan. Maꞌato yt hẽtyhot motꞌi i howa wẽtup ewaty hap ewy yn. Saꞌawyꞌi hẽtyhot kahato miitꞌin yt teꞌerahaꞌat kuap i. Miꞌi hawyi yne eꞌat pe hẽtyhot yi kape teꞌen teꞌen. Saꞌawyꞌi Tupana tum tomiwan miat Isareu ywania piat turan -Pyno miꞌi miwan e hap ewetunug mote waku pe eweikupteꞌen Tupana wanetup hawe iꞌatuꞌe. Miꞌi hawyi -Urutunug aru iꞌatuꞌe. Maꞌato yt taꞌatunug i hap yn topyhuꞌat. -Pyno eipe Tupana miꞌapiheg koꞌi wo eweikupteꞌen e Muisei.

2 Kuriniu 3:7 ပူးပေါင်းရင်းမြစ်များ

Iesui Potmuꞌeria 6:15

Miꞌi hawyi itotiaria teꞌerahaꞌat Etewãu kape hawyi -Are paĩ iꞌatuꞌe iwat howa ti hẽtyhot raꞌyn atipy piat owa hẽtyhot hap ewy raꞌyn iꞌatuꞌe toꞌope typyꞌi rakaria.

Humanu 10:4

Katupono haꞌawyte Tupana toꞌe -Atipoꞌoro aru Uhaꞌyru Eiporekuat no e. Uwe uwe imohey haria miꞌi haria ti aru waku pe tukupteꞌen uipyꞌa pe e nimo uiꞌywania pe wen maꞌato uruꞌywania Iuteuria yt imohey i hawyi -Ewetunug no yne yne urueꞌaseꞌi Muisei waĩꞌe hap hawyi waku pe eweikupteꞌen Tupana wanetup hawe iꞌatuꞌe mesup wuatꞌi ywania pe. -Atimoma raꞌyn mekewat muap e Tupana yt uwe i inug kuap mote e. Mesup Uimipoꞌoro Eiporekuat nuat Iesui upi yn toineꞌen muap uhowawiat e. Yt karãpe i ehewaku hap putꞌok e uimowepiit hamo e Tupana mesup wuatꞌi miitꞌin me.

Humanu 4:15

Maꞌato watoꞌe iraniaꞌin ewywuat -Watunug yne Tupana piat ainapin hap hawyi waku pe watukupteꞌen Tupana wanetup hawe Muisei woꞌonapin hap nug yne pote. Eiweꞌeg wo o Katupono miꞌi e hap koꞌi ete eweiꞌaparap yn wẽtup e hap ete hawyi Tupana ipyꞌahak eiminug saꞌag ete. Nimo te Muisei eꞌat eꞌyian me ti yt kat i hin i Tupana piat -Yt etunug neiꞌo e hap sio -Etunug no e hap koꞌi hap eꞌat pe yt uwe i iꞌaparap kuap Tupana piat ainapin hap ete. Yt kat i Tupana piat aiꞌapiheg hap mekewat eꞌat pe. Mekewat eꞌat yt watiꞌaparap kuap i waĩꞌe hap ete yt kat i pote. Maꞌato toimoherep hawyi ti iꞌaparap haria wo watopyhuꞌat yt watunug i hawyi.

Humanu 5:20

Miꞌi hawyi nimuaria Tupana ehay moherep haria timoherep kahato kat som Tupana tikyꞌesat kat som yt hap. Miꞌi hawyi poꞌog saꞌag nug haria wo te teꞌeropyhuꞌat saꞌawyꞌi te wuat kai katupono iꞌatu kahato Tupana waĩꞌe hap putꞌok e hawyi iꞌaparap kahato hap topyhuꞌat. Katupono yt watunug i pote miꞌi kaipyi hotꞌokꞌe raꞌyn ahete yt nakuap i kahato aito hap. Miꞌi pykai aikyꞌe teran katupono Tupana aikyꞌe hap poꞌog hesaika aiminug saꞌag kai.

Humanu 7:10

Uiꞌapiheg aru uiminug saꞌag upi are. Uikuꞌuro aru yn areꞌe uiwepe. Yt atikuap i aheineꞌen hap Tupana piat hap ewy. Yt atikuap i Tupana aiminug saꞌag pyhyp hamo saꞌawyꞌi Tupana tunug naꞌyn waĩꞌe hap aimoieineꞌen hamuat. Saꞌawyꞌi Tupana tum kahato ainapin hap aimoieineꞌen mesuwarotiat hamuat. Waku piat aheineꞌen hap tokuap hamuat tutum towaĩꞌe hap.

Humanu 7:22

Mekewat uito sese atikyꞌesat kahato Tupana ehay e hat uipap kahato Tupana piat ainapin hap upi.

Humanu 7:5

Saꞌawyꞌi yt naku i nug haria wo kahato watopyhuꞌat aat kaꞌap yne minug ete. Aiwekaipyi miit ewy watunug saꞌag. Aiwemikyꞌesat saꞌag nakat ewy yn watunug. Saꞌag yt nakuat i aito hap ewy watunug. Saꞌawyꞌi wuat miwan waĩꞌe ahepe aimuꞌe pykai yt watunug i -Yt etunug neiꞌo miꞌi hap e waku miꞌi hap etunug e. Miꞌi hawyi aiwepywiat aiwanetup hawe -Atunug aru watoꞌe wen maꞌato miꞌi hawyi aipiit mikyꞌesat e hap upi watuwat mekewat -Hẽto e waku etunug epiit mikyꞌesat saꞌag hap oktan e saꞌawyꞌi ahiag ahepe. Miꞌi hawyi aiwepyi watunug saꞌag Tupana ete. Watikuap pykai aiꞌapiheg hap topyhuꞌat aru hap pykai watunug aiminug saꞌag etiat hap kaipywiat. Aikuꞌuro hap kape yn aipotpap saꞌag saꞌup watum yne hap ewy.

1 Kuriniu 13:10

Pyno koitywy watikuap ipatꞌok yn maꞌato meiũran wuatꞌi kuap hap tutum ahepe tomikuap oktan. Koitywy wahepap kurin Tupana sepap nug hamo wen maꞌato atipy pe watunug kuap yne hap ewy.

2 Kuriniu 3:3

-Taꞌi eipe waku urumuꞌe hamo miwan ewy eweikupteꞌen iꞌatuꞌe. Aikotã miwan saꞌawyꞌi wuat timoherep kahato yne Aipotypot Iesui etiat. Miꞌi hap ewy eweimoherep miitꞌin me Tupana mipoꞌoro Eipotypot Iesui etiat. Yt aipo wuat minug popera etiat pyi i. Yt miwan nu etiat kawiat pyi i. Maꞌato wẽtup miwan ewywuat Tupana Paꞌãu kaipywiat miwan eiwanetup hap eipyꞌa pywiat kaipywiat wo. Miꞌi hawyi wuatꞌi miitꞌin timowẽpap kuap. Katupono aiminug koꞌi wakuat ihay Aipotypot moherep hat ete yn. Katupono aiminug wakuat timoherep kahato Iesui topyhuꞌat Aikaꞌiwat no hap etiat miwan ewy.

2 Kuriniu 3:6

Tupana Paꞌãu wakuat yn aimoweꞌeg kuap tehay wakuat moherep hamuat. Saꞌawyꞌi wuat sehay waĩꞌe hap koꞌi Tupana henoi Iuteuria kape. Waku kahato miꞌiria maꞌato yt aimohãpyk kuap i Tupana wanetup hawe. Katupono yt watunug kuap i yne miꞌi koꞌi. Maꞌato sehay pakup Iesui etiat wo Tupana Paꞌãu aimoieineꞌen kuap. Iraniaꞌin iwẽpap kuap kahato Tupana ehay. Maꞌato yt taꞌatuhẽtup i Tupana Paꞌãu me -Uimuꞌe ro kat som ereꞌe mesuwe hap kuap hamo yt iꞌatuꞌe i. Teꞌeruwanetup mesuwat miwan Tupana etiat -Atimowẽpap kuap hawyi ahehakyeraꞌat raꞌyn iꞌatuꞌe yn. Tupana miwan etiat ahehakyeraꞌat kuap iꞌatuꞌe toꞌope. Miꞌi hawyi taꞌatumowẽpap kahato ahut ewy yt taꞌatukuap i taꞌatupyꞌa pe pykai. Miꞌi hawyi ikuꞌuro rakat ewy tukupteꞌen Tupana ehay ete. Kat pote sehay yn taꞌatukuap pote. Maꞌato Tupana Paꞌãu wakuat yt aimuꞌe i miꞌi hap ewy neꞌi. Katupono Tupana Paꞌãu aimuꞌe aipyꞌa pe aiwanetup hawe aimuꞌe kahato tehay ete. Miꞌi hawyi aimoieineꞌen weꞌeg tehay wo miwan kaipyi.

2 Kuriniu 3:8

Koitywy Tupana Paꞌãu toꞌe ehepe -Eweimohey Uhaꞌyru pote worohoꞌoehakyeraꞌat e. Miꞌi e hap poꞌog ikahu saꞌawyꞌi wuat nu totiat hap kai.

Karasia 3:10

Maꞌato uwe uwe toꞌe topyꞌa pe -Taꞌi atunug yne kahato Tupana woꞌonapin hap koꞌi miꞌi pote Tupana miehakyeraꞌat wuat areineꞌen e hat Tupana miꞌapiheg wo topyhuꞌat. Katupono mio tã e Tupana saꞌawyꞌi -Yt torannia i ewetunug einapin uhepiat hap koꞌi pote uimiꞌapiheg wo eweikupteꞌen e.

Karasia 3:21

Tupana tinapin kahato Muisei saꞌawyꞌi wẽtup ahaꞌaseꞌi tehay wo wen maꞌato yt Aparãu piat tehay moma hamo i maꞌato ahewaku hamo ihay Muisei pe maꞌato aipyhyp aiminug saꞌag nug pupiat hamo yn yt watomohey i te pykai. Miꞌi pote pyno atunug aru Muisei piat uinapin hap hawyi waku pe areineꞌen Tupana wanetup hawe watoꞌe pote yt aimohãpyk kuap i Tupana katupono yt watunug yne i pote. Katupono yt putꞌok watoꞌe i torannia nug hamo.

Epereu 12:18

Saꞌawyꞌi tuwat tuwat aiꞌywania Iuteuria ywania yityꞌok wato Sinai e hap kape Tupana piat ainapin hamuat kape mekewat aseꞌi Muisei upi. Saꞌawyꞌi watuwat mekewat yityꞌok kape turan watehaꞌat turan hẽty wato kahato toineꞌen heꞌyhig hun kahato itote. Heꞌyhig wepypueri kahato ywytu uato ewy. Iꞌypyryp yn itote yityꞌok tote. Aria ẽty hun hap aimoꞌarot hap ewy.

Epereu 3:3

Pyno Muisei Tupana mohey haria apykok kahato hat Tupana emiitꞌin powyro kahato hat. Miꞌi hawyi Iesui poꞌog Muisei kai katupono poꞌog toiꞌatuꞌapykok Tupana yat piaria Muisei kai e. Pyno Tupana yat piaria Akag Iesui topyhuꞌat Tupana yat piaria Apykok hat sese. Tupana yat yne nug hat toineꞌen.

Epereu 9:4

Itote toineꞌen ikamhig se rakat wuk hap eiam Tupana motypot yat mokamhig se hamuat hap. Miꞌi eiam imehit kahato iheg nakat hekat rakat nu uru kawiat e. Mekewat akipy tote toineꞌen amyap ewywuat ariaꞌyp kawiat e. Tupana Paꞌãu toineꞌen mesuwe iꞌatuꞌe hap. Mekewat amyap pe imehit rakat kawiat nu uru kawiat ikahu kahato Tupana Paꞌãu amyap iꞌatuꞌe hap. Miꞌi pe waku Tupana ihay aiwywo iꞌatuꞌe teiam me pyi iꞌatuꞌe saꞌawyꞌi. Miꞌi heiam amyap ikaꞌa rakat toineꞌen hawyi ipuo kamuti hekat rakat iꞌewyte toineꞌen man atipy kaipywiat Tupana saꞌawyꞌi wuat mekewat iꞌaman ewywuat aat hat. Saꞌawyꞌi wuaria pusu puo man a iꞌatuꞌe mekewat pe. Mekewat Tupana amyap kaꞌa pe toineꞌen wy mekewat paꞌi Arãu poꞌyha saꞌawyꞌi wuat hẽtyt rakat haat rakat. Iꞌewyte toineꞌen mekewat puretig ewywuat maꞌato nu kawiat ipuo. Miꞌi tote toineꞌen Tupana wat miwan topo wuat puretig aikotã waku watunug aikotã yt naku i watunug hap. Miꞌi aiwoꞌowese hap aikotã waku watunug Tupana mowepiit hamuat enoi hap. Miꞌi ti puretig nu etiat iheg nakat etiat.