2 Kuriniu 3:6 - Sateré-Mawé

⁶ Tupana Paꞌãu wakuat yn aimoweꞌeg kuap tehay wakuat moherep hamuat. Saꞌawyꞌi wuat sehay waĩꞌe hap koꞌi Tupana henoi Iuteuria kape. Waku kahato miꞌiria maꞌato yt aimohãpyk kuap i Tupana wanetup hawe. Katupono yt watunug kuap i yne miꞌi koꞌi. Maꞌato sehay pakup Iesui etiat wo Tupana Paꞌãu aimoieineꞌen kuap. Iraniaꞌin iwẽpap kuap kahato Tupana ehay. Maꞌato yt taꞌatuhẽtup i Tupana Paꞌãu me -Uimuꞌe ro kat som ereꞌe mesuwe hap kuap hamo yt iꞌatuꞌe i. Teꞌeruwanetup mesuwat miwan Tupana etiat -Atimowẽpap kuap hawyi ahehakyeraꞌat raꞌyn iꞌatuꞌe yn. Tupana miwan etiat ahehakyeraꞌat kuap iꞌatuꞌe toꞌope. Miꞌi hawyi taꞌatumowẽpap kahato ahut ewy yt taꞌatukuap i taꞌatupyꞌa pe pykai. Miꞌi hawyi ikuꞌuro rakat ewy tukupteꞌen Tupana ehay ete. Kat pote sehay yn taꞌatukuap pote. Maꞌato Tupana Paꞌãu wakuat yt aimuꞌe i miꞌi hap ewy neꞌi. Katupono Tupana Paꞌãu aimuꞌe aipyꞌa pe aiwanetup hawe aimuꞌe kahato tehay ete. Miꞌi hawyi aimoieineꞌen weꞌeg tehay wo miwan kaipyi.

2 Kuriniu 3:6 ပူးပေါင်းရင်းမြစ်များ

Mateu 13:52

Miꞌi hawyi Iesui toꞌe -Pyno uwe uwe mekewaria woꞌonapin hap kuap haria topyhuꞌat wyti aru Tupana toineꞌen morekuatno hap etiat enoi enoi haria wo miꞌiria ti aikotã eiꞌywot tihep tekareꞌen iꞌatunug hap yat kaipyi ipakuptia iꞌewyte ipotꞌi koꞌi hap ewy.

Mateu 26:28

Miꞌi ti uhuu aat hap miitꞌin mowehik Tupana etiat hamuat yn iꞌatuminug saꞌag moweityk Tupana piat hamuat e.

Maku 14:24

-Miꞌi ti uhuu aat hap miitꞌin iꞌatu rakaria woꞌowehik Tupana wywuat hamuat hap e.

Iruka 22:20

Teꞌerenuk kahu hawyi sapo hy kuiꞌa piat totat hawyi -Meikowat sapo hy uhuu ewywuat e. Taꞌi uhuu aat hap topyhuꞌat aru mohag wo miitꞌin Tupana wywo woꞌowese hap nug hamuat e.

Iuwãu 5:21

Iꞌywot tiꞌatumoieineꞌen pakup i map haria. Miꞌi hap ewy ti Haꞌyru tiꞌatumoieineꞌen tomiꞌairoria koꞌi e.

Iuwãu 6:63

Taꞌi Tupana Paꞌãu ete uhehay yt uipuꞌi ete i uhehay e. Uhehay Maꞌãu kaipywiat eimuꞌe hap. Miꞌi yn eimoieineꞌen hap wuatꞌi eꞌat piatnuat e.

Humanu 1:5

Tosaꞌyru mohey hawyi Tupana iwese kahato uhete. Mio tã e uhepe -Woronug en mehin uhemiit sese wo e. Atikyꞌesat miitꞌin tukupteꞌen torannia Uhaꞌyru mohey haria wo e. Atikyꞌesat kahato Uhaꞌyru taꞌatunug Taꞌatuporekuat no hap. Miꞌi haype woropoꞌoro en iꞌatumuꞌe hamuat e Tupana uhepe.

Humanu 3:20

Yt uwe i tuwemohãpyk kuap Tupana wanetup hawe topiat ainapin hap Muisei mimoherep miwan nug hap kaipywiat upi e. Taꞌi yne aito wahãꞌãg kahato Tupana piat ainapin hap nug hamuat ete wen maꞌato aito yt uwe i inug yne ainapin hap. Watiꞌatuꞌaparap aparap Tupana piat ainapin hap ete. Watiꞌatumuꞌe kahato aimuꞌe hap Tupana piat kat som waku watunug kat som saꞌag hap ete wen maꞌato watiꞌaparap yn. Miꞌi pote paa watoꞌe aipyꞌa pe ahepiat yt watunug i pote -Yt naku i kahato uito watoꞌe aiwanetup hawe aiwepe. Miꞌi pote ti -Uito yt naku i nug hat e hap yn watikuap Tupana piat ainapin hap kaipyi.

Humanu 4:15

Maꞌato watoꞌe iraniaꞌin ewywuat -Watunug yne Tupana piat ainapin hap hawyi waku pe watukupteꞌen Tupana wanetup hawe Muisei woꞌonapin hap nug yne pote. Eiweꞌeg wo o Katupono miꞌi e hap koꞌi ete eweiꞌaparap yn wẽtup e hap ete hawyi Tupana ipyꞌahak eiminug saꞌag ete. Nimo te Muisei eꞌat eꞌyian me ti yt kat i hin i Tupana piat -Yt etunug neiꞌo e hap sio -Etunug no e hap koꞌi hap eꞌat pe yt uwe i iꞌaparap kuap Tupana piat ainapin hap ete. Yt kat i Tupana piat aiꞌapiheg hap mekewat eꞌat pe. Mekewat eꞌat yt watiꞌaparap kuap i waĩꞌe hap ete yt kat i pote. Maꞌato toimoherep hawyi ti iꞌaparap haria wo watopyhuꞌat yt watunug i hawyi.

Humanu 4:17

Mio tã e Tupana Aparãu me miwan me nimo te -Woronug aru wuatꞌi ywania ywot pot no e. Wuatꞌi ywania eꞌaseꞌi koro wo ereineꞌen aru uiꞌe hap ewy e. Atunug waku yne esaipepiaria uimohey haria eꞌewy e Tupana Aparãu me nimo te. Miꞌi hawyi toiwesat -Woromohey En paĩ e. Atimohey yne eꞌe hap -Atunug aru eꞌe hap atimohey e Aparãu Tupana pe. Atimohey kahato uikuꞌuro rakirẽ uimoieineꞌen kuap hat En hap e Aparãu. Atimohey kahato etunug kuap yne yne yt kat kawiat i hap atimohey e.

Humanu 7:6

Maꞌato koitywy wẽtup ok miit ewy yn watopyhuꞌat Iesui Paꞌãu wywo. Ikuꞌuro pote aikuꞌuro hap ewy topyhuꞌat iwywo hap ewy. Miꞌi pote aheꞌaito saꞌawyꞌi wuat aheharyꞌi saꞌawyꞌi wuat mekewat Iuteuria eko koꞌi sem yt ainapin kuap i poꞌog ikuꞌuro rakaria watopyhuꞌat pote hap ewy.

Humanu 8:2

Miꞌi hawyi wẽtup sehay yn aipiit pe kat pote Tupana Paꞌãu wo aipytꞌatnug. Miꞌi hawyi aipiit topyhuꞌat Iesui piit ewy. Saꞌawyꞌi te watuwat mekewat wẽtup sehay upi -Etunug no uimikyꞌesat ewy e hawyi ahiag mikyꞌesat saꞌag watunug. Miꞌi hawyi aiminug saꞌag ahekyi kahato aikuꞌuro hap kape hoꞌopot hap kape maꞌato watomohey Iesui hawyi Tupana Paꞌãu putꞌok e raꞌyn. Miꞌi hawyi Tupana Paꞌãu aihep taꞌyn aimikyꞌesat saꞌag po pyi aikuꞌuro hap wuatꞌi eꞌat piat po pyi.

1 Kuriniu 11:25

Teꞌerenuk kahu hawyi Iesui tat sapo hy kuiꞌa piat. Miꞌi hawyi toꞌe -Mesuwat sapo hy uhuu ewy e. Miꞌi atum irane saꞌup mo Tupana pe iwywuat miitꞌin woꞌowese hap pakup i nug hamuat e.

1 Kuriniu 12:28

Aito ti haga koꞌi ewy watopyhuꞌat maꞌato ti Tupana timowoꞌosat yne wẽtup piit ete yn torannia aito Iesui mohey haria. Wẽtup ahaga Tupana tum tesaika hap tehay sytpok wẽtup ywania kapiat hat ewy. Miꞌi hawyi Tupana tum wẽtup haga pe tesaika hap aikotã aikotã meiũran topyhuꞌat hap moherep hamo Tupana yn wyti ikuap e hap moherep hamo e. Miꞌi hawyi wẽtup ok pe tutum tesaika hap tehay wuat miitꞌin atumuꞌe hamo e. Miꞌi hawyi wẽtup ok pe tutum tesaika hap yt uwe i miitꞌin misepap ewywuat nug hamuat e. Miꞌi hawyi wẽtup ok pe tutum tesaika hap iꞌahuu rakaria moehãite hamo e. Miꞌi hawyi wẽtup ok pe tutum tesaika hap wẽtup ywania iꞌatupusu puat miitꞌin atumuꞌe tehay etiat hamo e.

1 Kuriniu 15:45

Katupono saꞌawyꞌi Tupana tunug Atãu miit ihãite kahato rakat e ti miwan me. Maꞌato iꞌewyte toꞌe miwan me -Putꞌok e aru Atãu Saipepiat e Iesui piat. Miꞌi Miit poꞌog naꞌyn katupono aikotã Tupana toineꞌen hap ewy aimoieineꞌen hap toineꞌen.

1 Kuriniu 3:10

Eipe Tupana motypot yat ewy eweikupteꞌen. Uito Tupana motypot yat ãkukag moꞌam hat ewy Uipoꞌoro hat mikyꞌesat ewy are. Hãpyk kahato atunug wuatꞌi nug kuap hat ewy. Waku yne hawyi iraniaꞌin inug ipiit. Iꞌewyte iraniaꞌin iꞌahik yi wo hap ewy. Miꞌi hap ewy atunug ehepe are. Katupono Tupana toꞌe -Eiweꞌeg wo o ewetunug uiꞌyat nug hap ete waku uiꞌe hap ewy ewetunug o e ahepe. Miꞌi pote waku watiꞌatumuꞌe miitꞌin hãpyk kahato ihay pywuat nuat yn.

1 Kuriniu 3:5

Maꞌato areꞌe ehepe -Uito ti Pauru Tupana yn eropat hat sese iꞌewyte eimuꞌe hanuat are. Apauru iꞌewyte Tupana yn eropat hat. Kat hamo pyno -Aimuꞌe hat Pauru mohey haria uruto eweiꞌe. Saꞌawyꞌi worohoꞌomuꞌe eipe miꞌi hawyi Iesui mohey haria wo eweikupteꞌen uiꞌewy eweimohey pote are. Aikaꞌiwat emiitꞌin sese uruto urutunug urupoꞌoro hap oktan yn.

2 Kuriniu 11:23

-Uruto Aikaꞌiwat Iesui eropat haria sese iꞌatuꞌe. Maꞌato uito poꞌog iꞌatukai are. Mio tã pote yt iweꞌeg i rakat miꞌiria wemowato haria ewywuat areineꞌen. Yt uiweꞌeg hin i maꞌato pywo pe areꞌe poꞌog Aikaꞌiwat emiit areineꞌen iꞌatukai. Uito poꞌog iꞌatukai uipotpap. Yt uwe i uhete putꞌok e Aikaꞌiwat potpap nug hap ete. Yt uiweꞌeg hin i mio tã are maꞌato pywo pe areꞌe. Morekuaria uipyhyp poꞌog miꞌiria kai uhehay Iesui etiat pyhyp teran haype. Yt atikuap karania wo uiꞌahyk ahyk itote yt taꞌatukyꞌesat uhehay Iesui etiat pote. Uiꞌatoiat uikuꞌuro turan karania wo.

2 Kuriniu 3:14

Miꞌi hawyi Iuteuria ywania tukupteꞌen mesup te. Taꞌatumoherep kahato Tupana ehay Muisei miwan saꞌawyꞌi wuat maꞌato yt taꞌatukuap pykai i yt heremo i hap ewy pote. Katupono Muisei tiwan Iesui etiat Tupana Mipoꞌoro Aiporekuat nuat etiat huut hap eꞌyian mete. Iuteuria timohey Iesui hawyi heremo taꞌatukuap uwe etiat Muisei tiwan hap. Mesup te maꞌato yt taꞌatumohey i te Iesui raꞌyn hap.

2 Kuriniu 3:3

-Taꞌi eipe waku urumuꞌe hamo miwan ewy eweikupteꞌen iꞌatuꞌe. Aikotã miwan saꞌawyꞌi wuat timoherep kahato yne Aipotypot Iesui etiat. Miꞌi hap ewy eweimoherep miitꞌin me Tupana mipoꞌoro Eipotypot Iesui etiat. Yt aipo wuat minug popera etiat pyi i. Yt miwan nu etiat kawiat pyi i. Maꞌato wẽtup miwan ewywuat Tupana Paꞌãu kaipywiat miwan eiwanetup hap eipyꞌa pywiat kaipywiat wo. Miꞌi hawyi wuatꞌi miitꞌin timowẽpap kuap. Katupono aiminug koꞌi wakuat ihay Aipotypot moherep hat ete yn. Katupono aiminug wakuat timoherep kahato Iesui topyhuꞌat Aikaꞌiwat no hap etiat miwan ewy.

2 Kuriniu 3:7

Saꞌawyꞌi Tupana tunug tehay nu ete sehay wakuat kahato. Miꞌi hawyi aseꞌi Muisei terut mekewat miwan Isareu ywania kape. Miꞌi hawyi aseꞌi Muisei Ewa hẽtyhot kahato tuut turan toterut mekewat miwan turan. Maꞌato yt hẽtyhot motꞌi i howa wẽtup ewaty hap ewy yn. Saꞌawyꞌi hẽtyhot kahato miitꞌin yt teꞌerahaꞌat kuap i. Miꞌi hawyi yne eꞌat pe hẽtyhot yi kape teꞌen teꞌen. Saꞌawyꞌi Tupana tum tomiwan miat Isareu ywania piat turan -Pyno miꞌi miwan e hap ewetunug mote waku pe eweikupteꞌen Tupana wanetup hawe iꞌatuꞌe. Miꞌi hawyi -Urutunug aru iꞌatuꞌe. Maꞌato yt taꞌatunug i hap yn topyhuꞌat. -Pyno eipe Tupana miꞌapiheg koꞌi wo eweikupteꞌen e Muisei.

2 Kuriniu 3:9

Saꞌawyꞌi wuat ainapin hap aiꞌapiheg hap topyhuꞌat. Miꞌi koꞌi -Ewetunug e hap koꞌi waku yne wen maꞌato yt aimohãpyk kuap i ainapin hamo waku pykai. Yt watunug i te hap hawyi aiꞌauka hap topyhuꞌat. Maꞌato koitywy -Worohoꞌomohãpyk eipe e Tupana. Atum ehepe Uipaꞌãu ehepe poꞌog ikahu saꞌawyꞌi wuat kai e.

Karasia 3:21

Tupana tinapin kahato Muisei saꞌawyꞌi wẽtup ahaꞌaseꞌi tehay wo wen maꞌato yt Aparãu piat tehay moma hamo i maꞌato ahewaku hamo ihay Muisei pe maꞌato aipyhyp aiminug saꞌag nug pupiat hamo yn yt watomohey i te pykai. Miꞌi pote pyno atunug aru Muisei piat uinapin hap hawyi waku pe areineꞌen Tupana wanetup hawe watoꞌe pote yt aimohãpyk kuap i Tupana katupono yt watunug yne i pote. Katupono yt putꞌok watoꞌe i torannia nug hamo.

Ewesu 2:1

Haꞌawyte kahato yt uwe i eimuꞌe hat Iesui etiat turan yt Iesui mohey haria i eipe turan miꞌi hap eꞌat pe yt eweikuap hin i Tupana etiat aikotã ikuꞌuro rakaria yt tikuap hin i ahehay hap ewy mekewat eꞌat pe. Saꞌawyꞌi yt eweikuap hin i Tupana ehay are.

Ewesu 2:5

Towese hap kaipyi ahehakyeraꞌat Tupana. Aikotã ikuꞌuro rakat yt ihay i hap ewy yt ahehay hin i Tupana kape mekewat eꞌat pe. Taꞌi yt ahehay kuap i. Karãpe Tupana ihay ahowawi turan mekewat eꞌat pe yt watiwesat kuap i kat pote ikuꞌuro rakaria ewy watoineꞌen Tupana ewowi pote. Maꞌato miꞌi pykai aiwyꞌinug tuwewawi Aipotypot Iesui ehay upi.

Ewesu 3:7

Uito Pauru saꞌawyꞌi Aipotypot Iesui uinug topotpoꞌoro wo tehay sytpok hamo tehay moherep hamo miitꞌin me wuatꞌi ywania piat hamo uinug. Miꞌi hap atunug kahato uito maꞌato yt uhesaika hap upi i katupono Ipaꞌãu tum uhepe tesaika hap sehay wakuat moherep miitꞌin miat hamo.

1 Timoteu 4:6

Pyno mesuwat enapin hamo etiꞌatumuꞌe ro Iesui mohey haria Timoteu. Etiꞌatumuꞌe hãpyk kahato pote ti aru erepyhuꞌat Aipotypot Iesui eropat kahato hatno. Iꞌewyte etikuap kahato raꞌyn uhepiat imohey hap iꞌewyte sehay pywuat sese etiat etikuap taꞌyn. Miꞌi tupono atikyꞌesat poꞌog poꞌog eremuꞌe hap miꞌi etiatno.

2 Timoteu 1:11

Taꞌi Tupana uiꞌairo topotpoꞌoro sese wo wuatꞌi puat tehay moherep hamo miitꞌin atumuꞌe uhepiat hamo.

Epereu 12:24

Pyno koitywy yt saꞌawyꞌi i yityꞌok Sinai yt kape hin i aikope ainapin Muisei piat hap ewy watuwat. Watuwat mesup aito maꞌato poꞌog saꞌawyꞌi wuat kawiat kape aikope Iesui ainapin hap kape watuwat raꞌyn mesup mekewat yityꞌok atipy piat kape katupono Ahepaꞌi Koro Iesui tunug Tupana wywuat aiwoꞌowese hamuat hap atipy pe. Mesup ahehay toimoherep Tupana pe. Iesui ti aimowehik Tupana wywuat hat. Saꞌawyꞌi Atãu saꞌyru Apeu suu aat hat ihay Tupana kape yi pyi hap ewy e miwan me. Miꞌi hap ewy mesup Iesui suu ihay ahetiatno maꞌato poꞌog miꞌi sehay ikahu Apeu suu aat hat kai -Etiꞌauka ro uiꞌauka hat e Apeu suu maꞌato Iesui suu toꞌe Tupana pe -Waure wo o ereineꞌen uiꞌauka haria kai Papai e. Yt taꞌatukuap i rat kat som taꞌatunug e Iesui suu aat hat ihay yi pyi te. Iesui suu wo waku watuwepen yne aiminug saꞌag moweityk hamo. Waku Tupana ahapei hapei Tosaꞌyru suu wo. Miꞌi yn waku ahehakyeraꞌat kuap hamo.

Epereu 13:20

Mio tã areꞌe Tupana pe eikawiatno -Tupana are atikyꞌesat kahato aimimuꞌeria waku nug haria wo En ewy are. Waku kahato En Wuatꞌi Woꞌowese Hap Nug Hat are. En ni urukaꞌiwat Iesui Moieineꞌen Ikuꞌuro Hap Kaipywiat Hat are. En ni Ehũria Emohey Haria Apykok Hat Moieineꞌen Hat are. En ni urupyhik ehay wakuat wuatꞌi eꞌat pe hamo are. Esaꞌyru suu wo urumosat epyꞌa pe Tupana are.

Epereu 7:22

Taꞌi waku sakpo Iesui Ahepaꞌi Akag wo watipuẽti poꞌog poꞌog iraniaꞌin paꞌi koꞌi kai. Katupono Tupana toꞌe hap ewy -En ni Uimiꞌairo Paꞌi wato wo e maꞌato yt karãpe i toꞌe Tupana iraniaꞌin paꞌiria pe miꞌi tã e hap.

Epereu 8:13

Aikotã nem nakat ewy aiwoꞌowese saꞌawyꞌi wuat hap topyhuꞌat aikotã ikuꞌuro rakat ewy ipotꞌi rakat tuweityk hap ewy raꞌyn. Miꞌi hawyi ipakup aiwoꞌowese hap topyhuꞌat mekewat eꞌat pe waku kahato rakatno e Tupana saꞌawyꞌi miwan me aipytꞌatnug Topaꞌãu wuat hap ete Iesui Paꞌãu aipiit piat hap ete.

1 Peteru 3:18

Saꞌawyꞌi Aipotypot Aiporekuat Iesui miitꞌin mikyryꞌi hamo topyhuꞌat mesuwarote aikotã aikotã taꞌatunug saꞌag tuwete waku rakat pykai taꞌatuꞌauka. Maꞌato yt kat i saꞌag tutunug pykai tohoꞌopot kahato. Maꞌato aiminug saꞌag upi tohoꞌopot. Iesui hãpyk kahato rakat maꞌato ikuꞌuro yt hãpyk i rakaria mohãpyk hamo. Ikuꞌuro muap nug hamo Toꞌywot Tupana kapiat muap nug hamuat. Koitywy toineꞌen muap Tupana kapiat Iesui hoꞌopot hap kaipyi. Yt hãpyk i sese rakat toimohãpyk kuap taꞌyn. Pyno ipiit ikuꞌuro ariaꞌyp posak ete maꞌato miꞌi hawyi Tupana Paꞌãu timoieineꞌen Aikaꞌiwat.

1 Iuwãu 1:1

Uito ti Iesui mikyꞌe Iuwãu. Mesuwat uimiwan atipoꞌoro ehewowi uiwyriaꞌin. Iesui etiat atiwan ehewowi. Aheineꞌen hap eꞌyian mete Iesui toineꞌen are. Pywo ti rat uruto ipotmuꞌeria urueha wo urutaꞌakasa raꞌyn mesuwe mekewat Tupana ehay Miit kawiat rakat. Iꞌewyte miꞌi turan uruewaure kaꞌa wo uruikuap ihay wakuat. Iꞌewyte ti urutemig urupo wo mekewat aipiit ewywuat rakat.