2 Kuriniu 3:2 - Sateré-Mawé

² Yt uikyꞌesat i eikaipyi -Pauruꞌin Tupana mipoꞌoro aimuꞌe hamo e hap. Eweikuap kat pote. Pyno ahenoi ehepe koitywy eweikupteꞌen Iesui mohey haria uruepiat eimuꞌe hap kaipyi. Koitywy urukuap taꞌyn Aikaꞌiwat ewy raꞌyn uruto. Miꞌi hawyi eipe wy Aikaꞌiwat ewywuat eweikupteꞌen katupono uruimotag eipe hap ewy uruiꞌatumuꞌe eipe. Miꞌi hawyi karãpe teꞌerahaꞌat uruewawi miꞌi hawyi taꞌatukuap Tupana mipoꞌoro koꞌi sese uruto hap. Miꞌi pote eipe miwan ewy eweikupteꞌen -Pauruꞌin Tupana mipoꞌoro e hamo. Maꞌato mesuwat miwan yt popera pe i maꞌato toineꞌen eipyꞌa pe eiwanetup hawe yne miitꞌin imowẽpap hap ewy. Miꞌi hawyi mesuwat miwan ewywuat eiminug wakuat kapiat teꞌerahaꞌat hawyi eimoehay moehay hap ewy. Taꞌi miꞌiria Tupana mipoꞌoro koꞌi Pauruꞌin potmuꞌeria miꞌiria iꞌatuꞌe.

2 Kuriniu 3:2 ပူးပေါင်းရင်းမြစ်များ

Humanu 1:8

Haꞌawyte atikuap eweimohey Iesui hawyi arehum kahato Tupana kape. Uimowepiit kahato haria eipe katupono ewetunug naꞌyn Iesui Eipotypot koro wo pote. Koitywy ti yne mesuwat yi totiaria tikuap kahato raꞌyn eipe Iesui mohey haria raꞌyn hap. Miꞌi pote arehum kahato Tupana kape.

1 Kuriniu 3:10

Eipe Tupana motypot yat ewy eweikupteꞌen. Uito Tupana motypot yat ãkukag moꞌam hat ewy Uipoꞌoro hat mikyꞌesat ewy are. Hãpyk kahato atunug wuatꞌi nug kuap hat ewy. Waku yne hawyi iraniaꞌin inug ipiit. Iꞌewyte iraniaꞌin iꞌahik yi wo hap ewy. Miꞌi hap ewy atunug ehepe are. Katupono Tupana toꞌe -Eiweꞌeg wo o ewetunug uiꞌyat nug hap ete waku uiꞌe hap ewy ewetunug o e ahepe. Miꞌi pote waku watiꞌatumuꞌe miitꞌin hãpyk kahato ihay pywuat nuat yn.

2 Kuriniu 11:11

Miꞌi hawyi iraniaꞌin teꞌeroꞌe eipyꞌasetpe toꞌope uruetiat. -Pauru yt aikyꞌe i miꞌi pote yt toikyꞌesat aikaipyi kat koꞌi kat koꞌi. Pywo ti rat Tupana tikuap worohoꞌokyꞌe kahato uhepiat hap.

2 Kuriniu 12:15

Worohoꞌokyꞌe kahato eipe aikotã uhaꞌyruꞌin uhakiꞌytꞌin sese ewy worohoꞌokyꞌe. Aikotã eiꞌywot ewy areineꞌen paĩ are. Taꞌi uimiꞌat uiko kaipyi uimiereko kaipyi worohoꞌopoi hap ewy atunug itote. Taꞌi areineꞌen eipyꞌasetpe eimuꞌe Iesui etiat haype yt kat saꞌup i ete worohoꞌomuꞌe katupono eiꞌywot ewy areineꞌen. Uipoi ro yt areꞌe hin i katupono aikotã aiꞌywotꞌin yt karãpe i -Eweium no saꞌup uhepe hawyi worohoꞌopoi yt iꞌatuꞌe i. Uito ti ety ewy pote atiꞌatumoma yne uhekat ehepe eipowyro hamo worohoꞌokyꞌe kahato haype. Maꞌato miꞌi pykai yt uikyꞌe hin i eipe. Poꞌog poꞌog neꞌi yi kape uikyꞌe hap worokyꞌe poꞌog poꞌog pykai are. Maꞌato miꞌi pykai poꞌog poꞌog atum aru ehepe uimepytꞌin eipe pote.

2 Kuriniu 3:1

Tukupteꞌen iraniaꞌin Iesui mohey haria mipoꞌoro koꞌi. Miꞌiria po pe miwan taꞌatuereko taꞌatupoꞌoro haria miium -Waku kahato miꞌi miit urumipoꞌoro eimuꞌe hamo iꞌatuꞌe mekewat miwan note wen maꞌato uito ti yt iraniaꞌin mipoꞌoro hin i katupono yt uwe mipoꞌoro i uito are. Maꞌato uruto Tupana mipoꞌoro eimuꞌe hamo iꞌatuꞌe katupono miwan ete -Uruto waku poꞌog waku eimuꞌe hamo e mesuwat miwan me iꞌatuꞌe ahepe. Eiwatetup o mesuwat miwan kape hawyi eweikuap uruto poꞌog eimuꞌe e hamuat hap iꞌatuꞌe ahepe. Maꞌato uito ti Pauru are. Tupana yn uipoꞌoro ehewowi saꞌawyꞌi. Yt karãpe i aterut wẽtup ywania kaipyi miwan -Poꞌog waku eimuꞌe hamo e hat iraniaꞌin miitꞌin minug koꞌi. Maꞌato iraniaꞌin yt uruꞌewy hin i.

2 Kuriniu 7:3

Taꞌi urutuwanetup yn ehewowi yt kat i eimohit hap neꞌi uruwanetup hawe urukuꞌuro eikyꞌe haype.

Wiripu 1:7

Uiwanetup hawe iꞌewyte uipyꞌa pe waku kahato eipe. Waku miꞌi tã areꞌe katupono uikai kahato eipe Iesui potpap nug haria uito ewy eipe pote are. Eweimohey kahato Iesui ehay uito ewy pote uiwanetup hawe waku kahato eipe are. Karãpe iraniaꞌin tiꞌatumohit eipe Iesui ehay moherep ehepiat pote yt eiwemoti hin i. Yt eiwepyk hin i iꞌatumikyryꞌi kahato pykai maꞌato poꞌog eweiꞌatumuꞌe. -Waku watomohey Iesui ehay pakup waku watoꞌe ahewanikaptia pe yt kat i aiwemoti hap wywo are. Waku watiꞌatumuꞌe miitꞌin katupono Tupana aiꞌairo tehay moherep hamo. -Tupana urunug ehay Esaꞌyru etiat moherep haria areꞌe aat kaꞌap Tupana pe. Saꞌawyꞌi Tupana ahytpok kahato tehay wakuat Iesui etiat hytpok hamo miitꞌin me. Maꞌato koran uipyhik taꞌyn suraraꞌin woꞌopyhyp hawe maꞌato miꞌi pykai ahytpok te sehay wakuat Iesui etiat meiũpe woꞌopyhik hawe.

1 Tesaronika 1:8

Miꞌi hap kaipyi ti Aikaꞌiwat mohey hap tuwẽtem naꞌyn eiwẽ pyi. Miꞌi hawyi ti ihay eweihytpok kahato raꞌyn yne tawa Masetunia puo yne yi Akaia puo raꞌyn. Miꞌi hawyi ti yne tawa koꞌi puo raꞌyn imohey hap tuwesytpok.