2 Kuriniu 13:14 - Sateré-Mawé

¹⁴ Toran naꞌyn uiꞌe hap miwan miat. Uito ti Tupana mipoꞌoro sese Pauru.

2 Kuriniu 13:14 ပူးပေါင်းရင်းမြစ်များ

Mateu 6:13

Yt uruwaure teiꞌo En uruiꞌiãꞌãg hap tet pupi maꞌato urukawiatno to En yt naku i hap kaipyi. Katupono En wyti uruporekuat koro. Ewat esaika hap wyti wuatꞌi eꞌat piatnuat waku.

Iuwãu 4:10

Miꞌi hawyi toiwesat -Yt etikuap i kahato mana uwe yꞌy ẽtup epe e. Yt etikuap i kahato kat som Tupana tum neran epe mana e. Etikuap pote ten meremo ehẽtup uhepe yꞌy sese woꞌomoieineꞌen hap emoieineꞌen wuatꞌi eꞌat piat hamuat e.

Iuwãu 4:14

Maꞌato uwe uwe mekewat uimiium yꞌy wo teꞌereꞌyꞌu miꞌi haria ti aru yt karamuo i raꞌyn teꞌereꞌyꞌutui e katupono uimiium yꞌy toineꞌen emoieineꞌen hamuat wuatꞌi eꞌat piat ihãite rakat raꞌyn. Uimiium yꞌy yresa sese ewy raꞌyn tuwẽtem yꞌy epyꞌa pyi mana e.

Iuwãu 7:38

Pywo pe ti uimohey haria pya piat pe aikotã yꞌy tuwẽtem yresa ewywuat aat kaꞌap teꞌyꞌutui hap monik hamuat.

Iesui Potmuꞌeria 15:11

Taꞌi Iesui yn nyti ahehakyeraꞌat e. Iꞌewyte iraniaꞌin ywania Ehakyeraꞌat hat Iesui yn. Pyno aiwoꞌoꞌewy kahato e. Taꞌi Iesui mohey hap yn ahehakyeraꞌat kuap hap. Yt aiminug koꞌi kaipyi i wyti ahehakyeraꞌat hap toineꞌen e Peteru.

Humanu 1:7

Miꞌi hap atiwan mesuwat uimiwan ehewowi Humanu ywania. Mio tã areꞌe Tupana pe -Uruꞌywot kahato En. Esaꞌyru ti Emipoꞌoro sese urukaꞌiwat nuat. Miꞌi pote ahẽtup eset upi Esaꞌyru set upi etum no tapyiꞌaria Humanu ywania pe egyiꞌat kahato hap are. Ereineꞌen no hegyiꞌat iꞌatuepiat rakatno etum no ewese hap yt kat saꞌup i tapyiꞌa Humanuꞌin me are. Etunug no miꞌiria woꞌowese haria wo aikotã Esaꞌyru ewese hap ewy are Tupana pe.

Humanu 16:20

Pyno Tupana aiwanetup kowoꞌi kowoꞌi hap monik kahato hat topyhuꞌat aiwanetup hawe. Waku ahewaure kahato Tupana kape. Miꞌi watunug mote aimowese kahato hap topyhuꞌat aiwoꞌope. Waku aiwoꞌokyꞌe hap upi watuꞌuka te aat kaꞌap ahiag ete. Miꞌi watunug mote meiũran yt pya hin i raꞌyn hap eꞌat pe Tupana tiꞌakit sese raꞌyn ahiag aipy wo toiꞌaporok ahiag. Taꞌi aipy wo aru toiꞌakit ahiag akag aikotã watiꞌakit moĩ akag ewy e. -Uipotypot Iesui ereineꞌen kahato ro emiitꞌin Humanu ywania wywo. Ereineꞌen hegyiꞌat kahato itotiaria piat hatno. Ereineꞌen egyiꞌat iꞌatukyꞌe hap wywuat wywo hap ahẽtup epe Iesui pe ehepiat.

Humanu 16:23

Uito Pauru mesup areineꞌen mehin Kaiu yat pe areket mesuwe. Iesui mohey haria teꞌeruwaꞌatunug mesuwe mehin Kaiu yat pe. Pyno uipowyro hat Kaiu iꞌewyte toipoꞌoro teran kuekatu e hap ehewowi. Wẽtup ok mehin Eratu tipoꞌoro kuekatu ehewowi. Aiwy Eratu ti toineꞌen mesuwat tawa pe morekuat ekareꞌen apykok kuap hat miitꞌin miat imoꞌẽ kuap hat.

Humanu 16:27

En yn ni Tupana miꞌi hawyi yt uwe i Tupana wo toineꞌen urutoꞌe. En yn ni wuatꞌi wuatꞌi kuap hat urutoꞌe. En yn ni yne yne weꞌeg hap eiam sese urutoꞌe. Uruimotypot kahato En katupono etipoꞌoro Esaꞌyru Iesui uruewawi uruꞌakag Sese wo urutoꞌe. Uruimotypot kahato En aat kaꞌap wuatꞌi eꞌat pe urutoꞌe. Waku kahato ti rat En paĩ an urutoꞌe. Miꞌi hap ewy waku watoꞌe Tupana pe. Waku. Waku raꞌyn uiꞌe hap ehewowi Iesui mohey haria yi Humanu watnuat rotiaria.

Humanu 5:5

Karãpe watoꞌe -Pywo ti aru taꞌi tutunug ni aru toꞌe hap ewy watoꞌe miꞌi hawyi Ipaꞌãu Wakuat topyhuꞌat kahato ahepe tutum ahepe Topaꞌãu. Miꞌi hawyi aipyꞌa wepiit kahato topyhuꞌat katupono Ipaꞌãu -Worokyꞌe en worokyꞌe en e hap yn topyhuꞌat. Miꞌi hawyi ahatek hap neꞌi yt aimoꞌarot kuap i raꞌyn katupono watomohey te ahatek pykai.

Humanu 8:39

Taꞌi yt uwe hin i mesuwarotiaria tipohari kuap aito Tupana po pyi. Iꞌewyte yt uwe hin i wy mesuwat yi ywytꞌokpypiaria aihep kuap aito Aikyꞌe hat po pyi. Yt uwe hin i gaꞌapy puaria wy aipyhyp kuap Aikyꞌe kahato hat Tupana kape Tosaꞌyru Aipotypot Akag mohey haria aito pote e.

Humanu 8:9

Maꞌato aito yt miꞌi tã hin i. Yt watuwat hin i aimikyꞌesat saꞌag kyꞌesat hap nug hamo iꞌewyte yt ahewaure kaꞌa hin i mekewat sehay kape. Wẽtup sehay upi raꞌyn watuwat katupono Tupana Paꞌãu toineꞌen ahepe mio. Maꞌato uwe uwe yt Aipotypot Iesui Paꞌãu yt eiam i miꞌi hat ti yt Tupana emiit hin i katupono Tupana emiit no Iesui Paꞌãu eiam yn teꞌeropyhuꞌat.

1 Kuriniu 12:13

Ipatꞌok aito Iuteu ywania ipatꞌok wẽtup ywania aito ipatꞌok aito miit emiit ipatꞌok miit akag koꞌi maꞌato aito Iesui mohey haria pote Tupana Paꞌãu eiam aito. Miꞌi pote Tupana Paꞌãu ahetꞌok taꞌyn -Iesui piit eipe e raꞌyn ahepe.

1 Kuriniu 14:16

Pyno watuwehum Tupana kape Tupana pusu puo yt ikuap i haria pyꞌasetpe pote -Pywuat ehay mana mehin yt iꞌatuꞌe kuap i. Ahehay Tupana kapiat ipusu puo turan teke taꞌatuꞌewaure kaꞌa pe wen maꞌato kat som watoꞌe yt taꞌatukuap i. Miꞌi hawyi yt teꞌeruwehum kuap i yt taꞌatuꞌewaku kuap i yt taꞌatukuap i aimiẽtup koꞌi pote. Yt taꞌatukuap i aiwehum Tupana kapiat hap yt taꞌatupusu puat i pote.

1 Kuriniu 16:23

Pyno ahẽtup Aikaꞌiwat Iesui kape uiwyriaꞌin tawa Kurintiu piaria -Etiꞌatukyꞌe teꞌen neꞌi o egyiꞌat hap kaipyi aat kaꞌap. Etiꞌatupowyro miꞌiria Iesui areꞌe.

1 Kuriniu 3:16

Eweikuap apo Tupana Paꞌãu yat sese eipe hap sio yt. Taꞌi Tupana yat sese koꞌi ti eipe. Tupana Paꞌãu eiam torannia imohey haria Iesui kaipywiat haria.

1 Kuriniu 6:19

Yt eweikuap i te aipiit Tupana motypot yat ewywuat toineꞌen hap. Tupana Paꞌãu eiam aito hap yt eweikuap i te Tupana toineꞌen aipiit pe hap.

2 Kuriniu 8:9

Eipotypot Iesui aikyꞌe kahato. Miꞌi hap eweikuap taꞌyn maꞌato ahenoi teran i raꞌyn. Hegyiꞌat kahato Miꞌi aikotã hekat sese rakat timoꞌẽ yne tekareꞌen ihakyꞌeꞌi rakaria pe hap ewy Aikaꞌiwat hegyiꞌat kahato. Saꞌawyꞌi sese yne kareꞌen topyhuꞌat ipo pe atipy pe. Miꞌi hawyi ahowawi tuut atipy kaipyi. Miꞌi Miit ihakyꞌeꞌi rakat topyhuꞌat. Toimoꞌẽ yne tewaku hap ahowawi aikyꞌe haype. Miꞌi hap koꞌi watikuap taꞌyn. Maꞌato waku watopyhuꞌat aikotã hegyiꞌat hap ewy uhekatuwyria are.

Karasia 5:22

Maꞌato Tupana Paꞌãu mikyꞌesat ewywuat watunug hawyi woꞌokyꞌe haria wo watoineꞌen. Woꞌomowepiit haria wo watoineꞌen. Woꞌokuap haria kahato wo watoineꞌen. Miit perupꞌi wo watoineꞌen. Woꞌowese haria wo watoineꞌen. Aiwoꞌopiat aiꞌe hap nug haria wo watoineꞌen.

Ewesu 2:18

Mekewat muap ti aheraꞌaipok Tupana kapiat hap Aipotypot Iesui kawiat katupono tutum naꞌyn Topaꞌãu ahepe. Miꞌi hawyi uruto Iuteuria iꞌewyte eipe yt Iuteuria i Tupana Paꞌãu wẽtup takat eiam aito. Miꞌi pote mesup waku watuwat Tupana kape uruto Iuteuria iꞌewyte eipe wẽtup ywania waku wateke Aiꞌywot Tupana ehamo mesup Iesui aimowoꞌosat Tupana wywuat pote.

Ewesu 2:22

Koitywy Tupana toineꞌen toꞌyat pe katupono Ipaꞌãu toineꞌen aipyꞌa pe pote. Miꞌi hawyi aito imohey haria yne yne aito watopyhuꞌat aiwoꞌopype wẽtup yat ikahu rakat ewywuat Tupana eiam sese aitoria yne are.

Ewesu 5:9

Aat ipotpap kahato aimikoi ete miꞌi pote aimikoi ihãite kahato. Miꞌi hawyi hewo kahato kat kat ywa. Aheꞌuꞌi raꞌyn aimiꞌu raꞌyn aat motpap hap kaipyi. Miꞌi hap ewywuat kahato karãpe Tupana Paꞌãu putꞌok e ahete turan ahehãite hap toineꞌen aipaꞌãu me. Miꞌi hawyi pywo e haria wo wotopyhuꞌat waku nug haria wo watopyhuꞌat hãpyk nug haria wo watopyhuꞌat aimikoi ihãite kahato hap ewy are.

Ewesu 6:23

-Uruꞌywot Tupana urukaꞌiwat koro Iesui ahẽtup ewowi. Etunug o emohey haria tawa Ewesu piaria woꞌokyꞌe haria wo. Etunug o miꞌiria woꞌowese haria wo emohey sese haria wo are.

Wiripu 2:1

Uiwyriaꞌin ahẽtup ehepe eikyꞌe hap wywo waku eweikupteꞌen eweiwanetup Iesui etiat wẽtup miit piit ewy hap yn iꞌewyte Iesui kyꞌe hap ete wẽtup miit piit ewy yn waku eweikupteꞌen ahẽtup. Miꞌi tã ewetunug mote uimowepiit haria wo eweikupteꞌen. Miꞌi tã eweikupteꞌen mote uimowepiit hap sese topyhuꞌat.

1 Iuwãu 1:3

Aiwywo raꞌyn toineꞌen. Miꞌi hap uruikuap uruewaure kaꞌa pe. Uruehaꞌat hap uruimoherep ehepe katupono uruꞌewy aiwoꞌoꞌewy ewy watopyhuꞌat hap uruikyꞌesat kahato Iꞌywot wywo Haꞌyru wywuat aiwoꞌowese hap. Uruꞌewywuat Aipotypot Iesui ewywuat hap uruikyꞌesat.

1 Iuwãu 3:16

Kat pote Aikaꞌiwat Iesui ikuꞌuro aikawiatno hamo raꞌyn. Ikuꞌuro hawyi yt kat i aikuꞌuro hap sese topyhuꞌat aikai. Pyno ikuꞌuro ahetiatno hap watikuap hawyi watikuap aikyꞌe hap sese. Koitywy waku watiꞌatupowyro wuatꞌi aiwyriaꞌin Iesui mohey haria aikuꞌuro hap kape.

1 Iuwãu 3:24

Uwe uwe Tupana piat tonapin hap inug miꞌiria ti tukupteꞌen kahato Tupana wanetup hawe. Tupana tomoieineꞌen tomohey haria wo tukupteꞌen hap. Iꞌewyte Tupana toineꞌen iꞌatupyꞌa pe. Tupana tum naꞌyn Topaꞌãu ahepe hawyi watikuap kahato watoineꞌen hap sese tepiat hamuat. Miꞌi hawyi watikuap kahato raꞌyn Tupana toineꞌen aipyꞌa pe hap.

Iuta 1:21

Uito ti atimohey kahato. Miꞌi pote eipe atikyꞌesat uiꞌe eweimohey kahato hap. Tupana ti yt puo hin i eikai uiꞌe tomohey hap ium ehepiat hamo. Tupana tum neran aikyꞌe hap miꞌi pote toꞌiro watikyꞌe Aikyꞌe hat. Waku watuweium Tupana pe aikyꞌe hamo. Waku Tupana yt wahowaĩ i aikyꞌe teran tipyt. Taꞌi waku ti Aikaꞌiwat wahekatup wuatꞌi eꞌat pe. Miꞌi hap yn ti waku uiwyriaꞌin. Tupana mipoꞌoro ahetiatno ihakyꞌeꞌi kahato tutum toineꞌen wuatꞌi eꞌat piat hamo. Miꞌi pote waku watikyꞌe Aikyꞌe hat are.