2 Kuriniu 11:8 - Sateré-Mawé

⁸ Haꞌawyte worohoꞌomuꞌe aat kaꞌap yt kat saꞌup ete i maꞌato eweikuap uwe tum eimuꞌe hap saꞌup. Pyno ahenoi ehepe. Iraniaꞌin Iesui mohey haria aikope aikope teꞌeruwaꞌatunug hap kaipyi miꞌiria tipoꞌoro uhowowi eimuꞌe hamuat saꞌup. Areineꞌen seroꞌok e hat ewy katupono iꞌatuwat iꞌatusaꞌup kaipyi areineꞌen eipyꞌasetpe. Yt kat i ewetum uhepe.

2 Kuriniu 11:8 ပူးပေါင်းရင်းမြစ်များ

1 Kuriniu 4:12

Urupotpap saꞌup hap kaipyi urutenuk. Karãpe miitꞌin urumohit taꞌatuehay wo hawyi uruiꞌatupoitynug miꞌiria uruehay wo. -Tupana Etiꞌatumoehãite no uruwanikaptia urutoꞌe aat kaꞌap. Iꞌatuehãite hap urutum urusatyꞌi satyꞌi kahato miꞌiria pykai.

1 Kuriniu 9:6

Aiwy Panape iꞌewyte uito urupotpap kahato urupo wo aimiꞌu kyiꞌat hamo ahesokpe kyiꞌat hamo miꞌi tã.

2 Kuriniu 11:9

Yt karãpe i areineꞌen neran ahẽtup hẽtup kat koꞌi kat koꞌi eikaipyi teran. Saꞌawyꞌi areineꞌen eipyꞌasetpe turan uiwekaipyi arenuk. Miꞌi hawyi uhesyꞌat eipyꞌasetpiat areineꞌen turan tõꞌẽ kahato imohey haria yi Masetunia piaria uhowowi kat koꞌi kat koꞌi taꞌatumiium koꞌi erut hamo. Miꞌi kaipyi areineꞌen eipyꞌasetpe yt kat i ahẽtup ehepe. Iꞌewyte yt ahẽtup i aru ehepe.

Wiripu 4:18

Mehin Epawutitu tum yne eimiium eimipoꞌoro koꞌi uhepe. Ikahu kahato uipuẽti eimiium aikotã saꞌawyꞌi nagnia tiwuk mohag hy ikamhig se rakat Tupana motypot hamo. Miꞌi hap ewy atipuẽti eimiium ikamhig se kahato eimiium Tupana mowepiit kahato hap. -Waku kahato e Tupana eimiium me. Koitywy areineꞌen hekat rakat ewy raꞌyn ewetum iwato uhepiat pote. Ewetum iwato pote uipo sakpo ewetum uhepe.