2 Kuriniu 11:24 - Sateré-Mawé

²⁴ Saꞌawyꞌi areto Tupana ehay moherep hap upi turan uito uiꞌahyk ahyk kahato Iuteuria yt mohey i haria 5 wo uiꞌahyk ahyk. Pywo ti rat 39 wo uiꞌape ete woꞌoꞌahyk hap 9 haity saꞌag kahato rakatno uikuꞌuro hap kape. Miꞌi hap ewy 5 tawa pe Iuteuria tunug uhete.

2 Kuriniu 11:24 ပူးပေါင်းရင်းမြစ်များ

Mateu 10:17

Pyno eiweꞌeg wo eweikupteꞌen katupono ti aru ehereto eipyhik hamo. Iꞌewyte ehereto ti aru waku sio yt hap e hap kape eikuap hamo. Iꞌewyte eiꞌapiheg apiheg wyti aru Tupana motypot yat pe e Iesui.

Maku 13:9

Eiwanetup kahato o katupono wyti aru ehum wanikaptia po pe raꞌyn eipe tuꞌisaria po pe raꞌyn eipe e. Miꞌi hawyi eiꞌahyk ahyk wyti aru Tupana motypot hawe e. Miꞌi hawyi ti aru iꞌatuporekuat po pe iꞌatuetuꞌisa po pe eweikupteꞌen hawyi ehenoi kuap uhetiat hamuat e.

Iruka 12:47

Taꞌi heropat hat ikuap kahato kat koꞌi kat koꞌi tokaꞌiwat Tupana mikyꞌesat koꞌi wen maꞌato yt tutunug i pote miꞌi hat wyti ikaꞌiwat tipokpok kahato aru taꞌaipok hawyi e.